Amos 9:11 - O Debleskro Drom 2021 (Sinte)

¹¹ O baro Dewel penell: Ap ko diwes krau o Davideskro kheer newes, kowa hoi kanna khetne peredo hi. Kote, kai lo paash hi, krau les tseles. Kote, kai barra win phagedo hi, tchiwau len pale pre. Me krau les jaake har lo glan bud tsiro his.

O Debleskro Lab 2024 (Sinte-Manouche)

¹¹ O baro Devel penell: Ap ko dives krau o Davideskro kheer neves, kova hoy kanna khetne peredo hi. Kote, kay lo paash hi, krau les tseles. Kote, kay barra vin phagedo hi, čivau len pale pre. Me krau les yaake har lo glan boud tsiro his.

Amos 9:11 ပူးပေါင်းရင်းမြစ်များ

Hiob 1:10

Tu deh jak ap leskro kheer un ap lauter, hoi les hi. Tu tchiwal tiri bacht ap lauter, hoi job an-taprell. Un leskre vieche wan bud un budeder an o tselo them.

Debleskri gili 143:5

Mange djal kowa an o shero, hoi tu lauter kral glan i rah tsiro. Pral kowa, hoi tire wasta kran, rakrau miro djijeha.

Debleskri gili 80:12

Leskre mussja djan bis pash o baro pani ap koi jek rig, un bis pash ko sorelo lengsto pani ap koi wawar rig.

Debleskri gili 89:40

Tu phagal tiri sowel, hoi tiro budepaskres dal. Leskri rajeskri stadi witsral ap i phub, an i tchik.

Jesaja 16:5

Palle well i rajeskri beshepaskri pre tardo. Un jek o Davideskre menshendar hi koi pre beshdo, un hi i latcho rai. Les hi i dji peskre menshenge. Un hi i tchatchepaskro rai, kai krell, hoi tchatcho hi, un dell hakenes peskro tchatchepen.

Jesaja 5:5

Jaake kamau tumenge kanna penell, hoi kamau te krell ko drakengro themeha, hoi mange hi. Me kamau kol burra krik te lell, hoi trul leste hi, jaake te well lo tele chalo, un leskri massuri mukau tele te phagell, jaake te well lo khetne stakedo.

Jesaja 58:12

Un tire menshe tchiwenn pale kol phure forja pre, hoi bud bersha paash dino koi tchiddo his. Awa, jon krenn kol phure massurja newes, kolen tire phure menshe koi tchiwan glan i rah tsiro. Un tu weh kharedo: Kowa, kai phagede massurja pale pre tardo tchiwell, un kowa, kai i dromma kote pale tseles krell, kai i menshe djiwenn.

Jesaja 63:11

Kote mukan le penge pale i phure tsirja an o shero te djal, kol diwessa, kai o Mose, djiwas, un putchan pendar: Kai hi o baro Dewel, kai las peskre menshen win dran o baro pani, khetne kolentsa, kai ap lende jak dan? Kai hi o baro Dewel, kai ap lende peskro ducho tchiwas?

Jesaja 65:9

O Jakobestar wenna pale menshe, un dran Juda wenna sawe, kai ap mire berge djiwenna. Kolen, kai me win rodom, lenge well o them, un mire budepangre djiwenn kote.

Jeremia 18:9

I wawar kopo penau me ap i menshende an i rajeskro them, kai krau len baro un sorelo.

Jeremia 30:9

kokres pengro baro Debleske, un pengro baro rajeske. Kowa hi i tchawo o Davidestar, koles me i baro rajes krau.

Jeremia 46:26

Me dau len an i wasta kolendar, kai kamenn len te marell: an o wast ko baro rajestar dran Babilonia, o Nebukadnezar, un an o wast leske bare murshendar. Pal ko tsiro well pale jaake har an i phure tsirja: An o them Egiptia djiwenn pale menshe. Kowa penell o baro Dewel.

Ropaskre gilja 5:21

An men, baro Dewel, pale pash tute, te was pale khere! Kre, te djal menge pale latches har an o phuro tsiro!

Ezekiel 17:24

Un i tsele ruka an o them dikenn un haiwenn, te hom me o baro Dewel. I baro rukes krau tikno, un i tikno rukes krau baro. I senelo rukes mukau tele te merell, un i truk rukes senelo te well. Me, o baro Dewel, penau kowa, un krau kowa ninna.

Ezekiel 36:11

Un me krau, te wenn i menshe un vieche bud ap tumende. Jon lenn bud tchawe. Un me krau te nai djiwenn i menshe kote jaake, har an i phure tsirja his. Un krau tumenge budeder latchepen har an kek tsiro glan kowa. Palle dikenn un haiwenn tumer, te hom me o baro Dewel.

Hosea 3:5

Pal ko tsiro wenn i Israelitarja palpale pash o baro Debleste, kai lengro Dewel hi, un pash lengro baro rajeste – jekeste dran o kheer David. Un trisslepah wenn le pash o baro Debleste. Un job well lenge latches an ko tsiro, hoi wella.

Obadja 1:17

Ap i berga Zion djiwenn kolla, kai win lino wan dran o merepen. Un i berga hi pale o baro Debleske kokres. O Jakobeskre tchawe lenn o them pale penge, hoi lenge randedo was.

Micha 5:2

Jek tsiro dell o baro Dewel peskre menshen an i wasta wawar menshendar, bis te well ko diwes, kai anell i djuwel ko tchawes ab i phub. Palle wenn leskre phrala, kai pral atchan, pale an pengro them pash i wawar Israelitarja.

Micha 7:11

Tumer an o foro Jerusalem, ko diwes wella, kote well tumaro foro pale pre-tchiddo, un tumaro them well bareder har hi lo kanna.

Micha 7:14

Baro Dewel, de jak ap tire menshende, har i bakrengro jak dell ap peskre bakre! Tu rodal tuke tire menshen win, te wenn le tiro. Jon djiwenn kokres an o weesh. Trul lende hi bud them latcho senlepah. Muk len pale an i themma Bashan un Gilead te djal, te hatsenn le kote latcho senlepen har an o phuro tsiro.

Micha 7:8

Ma san pral mande, tumer, kai kamenn man tele te rikrell! Ninna te wom ap i phub witsedo, stau me pale pre. Ninna te hom an i kali rat beshdo, hi o baro Dewel miri momeli.

Zakarie 12:7

O baro Dewel krell, te wenn glanstunes i lurde dran o them Juda i sorleder pral kolende, kai kurenn pen lentsa. Kowa krell lo jaake, te sharenn pen gar o Davideskre menshe un i wawar menshe an o foro Jerusalem, un dikenn tele ap i menshende an o them Juda.

Zakarie 14:10

O tselo them Juda well i buchlo telstuno them mank o foro Geba un o foro Rimmon, hoi tchatches o forestar Jerusalem tchiddo hi. O foro Jerusalem atchell pralstunes tchiddo, un djal o wudarestar Benjamin bis kote, kai o ersto wudar his, un kotar dureder bis pash o wudar, kai i rigja khetne wenna, un fun o turmo Hananel bis kote, kai i mool dran i drake o baro rajeske kerdo was.

Zakarie 6:12

Un pen leske: Kowa penell o baro Dewel, ko rai pral o bolepen un i phub: Ko mursh, kai well kharedo ‘newo ruk’, well baro ap peskri platsa. Un job krell o baro Debleske i newo kheer.

4. Mose 24:18

O tselo them Seir lell job peske, ko them, kai djiwenn i Edomarja, kolla, kai kamenn o Israel pre te chal. O Israel hi sorleder har jon.