Amos 8:9 - O Debleskro Drom 2021 (Sinte)

⁹ O baro Dewel, maro rai, penell: An ko diwes djal o kham tele mashkral o diwes. Un mashkral o diwes well i rati pral o them.

O Debleskro Lab 2024 (Sinte-Manouche)

⁹ O baro Devel, maro ray, penell: An ko dives djal o kham tele mashkral o dives. Oun mashkral o dives vell i rati pral o them.

Amos 8:9 ပူးပေါင်းရင်းမြစ်များ

Hiob 5:14

Pral o diwes mukell lo len an o tamlepen te nashell, un mashkral diwes dikenn le pengro drom gar, har te wals rati.

Jesaja 13:10

I bolepangre momlia chatchenn buder gar. Hi sawe koi, kai dikeh buder gar. O kham well kalo, sik pal kowa kai lo pre djas. Un o tchon hi buder gar djelto.

Jeremia 13:16

Hadenn tumaro baro Debles, jaake rah har o diwes hi, un tumen tumare pire gar an o tamlepen ap i berge dukrenna. Ninna te lurenn tumer ap koi momeli, anell o baro Dewel tamlepen un kali rat pral tumende.

Jeremia 15:9

Koi djuwjat, kai efta tchawe his, lake atchas kek buder djido. Lakro dji phagas. Lakro kham djas tele mashkral ap o diwes. Lakro sharepen un lakri bacht hi buder gar koi. Un hoi kol menshendar pral atchas, dau me an i wasta kolendar, kai denn len mulo o chareha. Kowa penell o baro Dewel.

Ezekiel 32:7

Ap ko diwes kai tiro djipen wi-phurdedo well, tchakrau o bolepen tele, un i bolepangre momlia wenn kalo. Un glan o kham djan wolke, un o tchon well buder gar diklo.

Amos 4:13

O Dewel hi kowa, kai kras i berge, un mukell o phurdepen pral i phub te djal. Job sikrell i menshende, hoi kamell lo te krell. Job mukell o kham pre un tele te djal. Job hi o rai pral i tseli phub. Leskro lab hi: Baro Dewel, rai pral o bolepen un i phub.

Amos 5:8

O baro Dewel kras o bolepangre momlia, kol momlia, hoi sikrenn: o wend well un i nijal well. Dran i rat krell job o diwes, un dran o diwes i rat. Dran o baro pani lell job o pani un tchorell les ap i phub. Job kharell ‘Baro Dewel’.

Micha 3:6

Doleske well pral tumende kali rati. Tumer dikenn buder kek dikepen. Kek lab o Deblestar well tumen. O kham djal tele tumenge, un o diwes hi tumenge har i rati.

Zakarie 14:7

Hi jek diwes, – o baro Dewel prindjrell les. Pal o diwes well kek rat. An ko tsiro, kai rati hunte wals, well gar tamlo.

Mateo 24:29

Un sik pal kol tchilatche diwessa, well o kham kalo har i rat, un o moonto dikell kek buder. Un i bare momlia ap o bolepen perenn tele. Un i bolepaskri soor perell khetne.

Mateo 27:45

His deesh-te-dujenge, koi was o diwes kalo har i rat an o tselo them. Un kowa atchas jaake bis trinenge.

Markus 15:33

His deesh-te-dujenge, koi was o diwes kalo har i rati an o tselo them. Un kowa atchas jaake bis pash trinenge.

Louka 23:44

His nai deesh-te-dujenge, koi was o diwes kalo har i rati an o tselo them. Un kowa atchas jaake bis trinenge.

Debleskro tsiro 6:12

Un me dikom, har o terno bakro i shobti dori pre pandas, hoi ko liil khetne rikras. Koi trissas i phub soreles. Un o kham was kalo har i kalo gono. Un o tselo tchon was lolo har o rat.

Debleskro tsiro 8:12

Un o starto bolepaskro phurdas an peskri phurdepaskri. Un o kham las i dap, un o triinto kotar lestar was kalo. Ninna o tchon un i wawar bolepangre momlia lan i dap. Un o triinto kotar lendar was kalo. Jaake chatchas o kham gar ap o triinto kotar ap o diwes, witar gar chatchan o tchon un i bolepangre momlia ap o triinto kotar an i rat.