Amos 8:3 - O Debleskro Drom 2021 (Sinte)

³ An ko diwes giwenn i gipangre an o rajeskro kheer ropaskre gilja. An i tsele gaba un forja hi mule menshe tchiddo. Kolen witsran le pokones koi. Kowa penau me, o baro Dewel.

O Debleskro Lab 2024 (Sinte-Manouche)

³ An ko dives givenn i gipangre an o rayeskro kheer ropaskre gilya. An i tsele gaba oun forya hi moule menshe čiddo. Kolen vitsran le pokones koy. Kova penau me, o baro Devel.

Amos 8:3 ပူးပေါင်းရင်းမြစ်များ

Debleskri gili 39:9

te less man win dran miri tseli doosh! Ma muk i dinelen pral mande te sal!

Jesaja 37:36

Un an koi rati was o baro Debleskro bolepaskro kote, kai i lurde dran o them Assur sowan, un maras 185.000 (sheel-ochta-deesh-te pantch serja) mursha lendar. Un har le taissarlakro pre stan, his kote lauter mule tchiddo.

Jeremia 22:18

Doleske penell o baro Dewel pral o Jojakim, ko baro rajeste pral o them Juda, koleskro dad o Josia his: Te merell job, rowenn le gar pral leste. Kek penell: Mo phraal, mo pheen, hoske hunte meras lo? Witar gar penenn le: Maro rai, i pralstuno, hunte meras!

Ropaskre gilja 2:10

I phure an o foro Jerusalem hi beshdo ap i phub, un penenn kek lab. Jon witsran tchik ap pengro shero, un riwan gone ap pende. I terne tchenge an o foro Jerusalem hi ropaske. Jon djan ap pengre tchanga o mujeha ap i phub.

Joel 1:11

I hachenge hi ropaske. Dell kek gib, un dell kek djob. Lauter hi nashedo.

Joel 1:13

Tumer rashaja, kai han tardo pash o Debleskri chatchepaskri, riwenn tumen an gone, un denn gole i bibachtjatar! Ninna ratsjake riwenn ko gono gar win, tumer, kai budrenn miro Debleske! Hi kek djob koi un kek mool, hoi nai anans tumaro Debleske an leskro kheer.

Joel 1:5

Stenn pre, tumer mate, un rowenn! Denn gole, tumer pipangre! Rowenn trul i moljake, hoi was krik lino tumare mujendar.

3. Mose 10:3

O Mose penas ap o Aron: Kawa hi, hoi o baro Dewel rakras, har penas lo: Kamau, te dikenn kolla, kai wenn glan mande, te hom me kokres o tchatcho Dewel. Glan i tsele menshende kamau te wap sharedo. O Aron penas kek lab.

Amos 4:10

Me bitchrom sawo pharo nasslepen ap tumende, har bitchrom ap o them Egiptia. Me marom tumare terne murshen an o kurepen, un mukom tumare grajen pandles krik te anell. O khand kol mule lurdendar ap lengri platsa mukom an tumare naka te djal. Ninna palle wan tumer gar pale pash mande, penell o baro Dewel.

Amos 5:16

Un pral tumari doosh penell o baro Dewel, ko rai pral o bolepen un i phub: Ap i tsele platse wenn ropaskre gilja shunlo, un ap i tsele dromma denn le gole: Hawi grecha, hawi grecha! Ninna i hache wenn dren gole dino, te rowenn le pral kolende, kai meran. Un lauter, kai ropaskre gilja haiwenn, wenn kharedo, te giwenn le ropaskre gilja!

Amos 5:23

Mukenn tele koi gole tumare giljendar! Tumaro bashepen ap i harfe kamau buder gar te shunell.

Amos 6:4

Har djungeles djal tumenge, kai han kanna tchiddo ap tchibja shukar kerde i dandentsa fun i elefante, un mukenn tumenge koi latches te djal. Tumer denn tumen o per pherdo o masseha i tikne bakrendar un terne thulle grumjendar,

Amos 6:5

un bashenn ap i harfa un krenn gilja har o David.

Amos 6:8

O baro un sorelo Dewel, ko rai pral o bolepen un i phub, das pes sowel pash peskro djipen un penas: Me hom chojedo pral o pre-phurdepen o Jakobeskre tchawendar, un nai dikau lengre shukar khera buder gar glan i jaka. Doleske dau o foro un lauter, hoi koi dren hi, an i wasta wawar menshendar.

Amos 8:10

Tumare bare diwessa, kai hans bachtelo, wenn kanna diwessa, kai denn gole i bibachtjatar. Un tumare gilja wenna ropangre gilja. Tumer riwenn tumen an gone, un tchinenn tumare tsele balla ap o shero tele. Un han jaake har i dad un i dai, kai pral pengro tchaweste rowenn, kai meras, un len hi kek wawar tchawe. Un lauter, hoi djal an ko diwes, krell i menshenge bari daar.

Zefanja 1:7

Ma rakrenn tchi, te wenn glan o baro Debleste, maro rajeste! Ko diwes well sik, kai well o baro Debleskri choli pral i menshende. Kau diwes hi har i marepaskro diwes, kai viechen maredo wenn o Debleske un i chapen kerdo well. O baro Dewel kras ko chapen un das menshen khetne gole, te wenn le pash o chapen.