Amos 8:2 - O Debleskro Drom 2021 (Sinte)

² Un job putchas mandar: “Hoi dikeh, Amos?” Me penom: “I korba, kai rukengre dren hi, kolenge o tsiro was, te wenn le tele tchinlo i rukendar.” Koi penas o baro Dewel: Jaake was mire menshenge Israel o tsiro, te wenn le tele tchinlo. Jon khaitenn man buder gar.

O Debleskro Lab 2024 (Sinte-Manouche)

² Oun yob poučas mandar: “Hoy dikeh, Amos?” Me penom: “I korba, kay roukengre dren hi, kolenge o tsiro vas, te venn le tele činlo i roukendar.” Koy penas o baro Devel: Yaake vas mire menshenge Israel o tsiro, te venn le tele činlo. Yon khaytenn man bouder gar.

Amos 8:2 ပူးပေါင်းရင်းမြစ်များ

1. Mose 6:13

Doleske penas o Dewel ap o Noah: “Kolla, kai djiwenn ap i phub, kran, te was i phub pherdo tchilatchepen un midjak koowa. Kamau gar, te djiwenn le dureder. Awa, me krau, te merenn i tsele menshe un halauter, hoi ap i phub hi.

Jesaja 28:4

Un ko railepen kol pralstunendar hi har i bluma, hoi merell tele, un hi buder gar koi. Lenge djal har i faige, kai wan glan lengro tsiro bares. Jaake sik har jek len dikell, hi le an leskro wast un job chal len pre.

Jeremia 40:10

Me atchau kate an Mizpa, un hom tumaro rakepaskro, kai rakrau ap i Babilonarja, te wenn le pash mende. Djan an tumare forja, un djiwenn pale kote! Anenn dren, hoi kote bares was: moljengre drake, nijaleskre rukengre un djeteskre drake. Krenn mool un djet un tchiwenn kowa lauter an bare pirja!

Jeremia 5:31

O Debleskre rakepangre rakrenn chochepen, un kol rashaja rodenn penge ko feteder win, un mire menshe kamenn kowa jaake. Hoi kamenn tumer te krell, te hi tumaro tsiro trujel?

Ropaskre gilja 4:18

Jon lan men palla, te nai nasham buder gar ap mare dromma. Mentsa hi trujel. Mer ham nashedo. Maro djipen hi trujel.

Ezekiel 12:23

Doleske pen ap lende: Kawa penell o baro Dewel, maro rai: Me sikrau lende, te hi kowa gar tchatcho. Un krau, te well ko rakepen gar buder rakedo an o them Israel. Pen lenge: O tsiro well sik, kai well lauter tchatcho hoi glan-wi penlo was.

Ezekiel 29:8

Doleske penell o baro Dewel, maro rai: Dik, me anau o kurepen pral tute. Un i menshe un vieche an tute wenn mulo dino.

Ezekiel 3:10

Un pale penas job ap mande: Tu, mensho, mire tsele laba, hoi me tuke penau, de jak ap lende, un le len an tiro dji!

Ezekiel 3:7

Kolla dran o kheer Israel kamenn gar ap mande te shunell. Doleske shunenn le witar gar ap tute. Jon lauter djan pal pengro shero. Un lengre djia hi har dran bar.

Ezekiel 7:6

O tsiro hi koi, kai djal o tselo them tele. Tele djal o tselo them! Dikenn tumer, har i bibacht wella? Koi hi li!

Ezekiel 8:12

Un o baro Dewel penas ap mande: Tu mensho, dikal tu kawa, hoi krenn i phureder dran o kheer Israel tchorchanes – hakeno lendar glan peskri figura an lakri isema? Jon penenn penge: O baro Dewel dikell men gar, un djas peske dran kau them!

Ezekiel 8:17

Un job penas ap mande: Tu mensho, dikal tu kawa? Hi i menshenge dran o kheer Juda gar doha, te krenn le ko tselo djungelo koowa kate? O tselo them kran le pherdo tchilatchepen. Hunte choirenn le man pale te pale? Dik, har rikrenn le penge senele patria glan pengre naka!

Ezekiel 8:6

Un o baro Dewel penas ap mande: Tu, mensho, dikeh tu, hoi le krenn? Baro djungelo koowa hi, hoi o kheer Israel kate krell, te djap mange dran miro kheer win. Un tu dikess gomme bareder djunglepen.

Hosea 9:7

O tsiro hi koi, kai me tumenge tumari phagi dau, un tumaro tchilatchepen ap tumare sherja pale anau. Un tumer Israelitarja haiwenn kowa! Tumer penenn: “I narwelo hi ko Debleskro rakepaskro! Ko mursh, koles o Debleskro ducho hi, rakrell dinelo koowa!” Jaake baro hi tumari doosh un tumari choli ap mande!

Amos 7:8

Un o baro Dewel putchas mandar: “Hoi dikeh, Amos?” Me penom: “I dori, kai i blaio pre-pandlo hi.” Koi penas lo: “Dik, me tchiwau i dori, kai i blaio pre-pandlo hi, mank mire menshende Israel, te sikrap, kai hi le har i bangi massuri. Jon khaitenn man kanna buder gar.

Amos 8:1

O baro Dewel, maro rai, mukas man i korba te dikell, kai rukengre dren hi, kolenge o tsiro was, te wenn le tele tchinlo i rukendar.

Micha 7:1

Me bibachtelo, mange hi har jekeske, kai bokella, un hatsell kek phabja ap o ruk, un kek drake ap i drakengro ruk. Kol tsele latche phabja un gudle drake hi krik.

Zakarie 5:2

Un o bolepaskro putchas mandar: “Hoi dikeh?” Me penom: “I liil, hoi djal an i lufta. Ko liil hi enja metarja lengsto un star-te-paash metarja buchlo.”