Amos 8:12 - O Debleskro Drom 2021 (Sinte)

¹² I menshe djan trujel pash o Mulo Baro Pani, un kotar dureder pash o Mashkralstuno Baro Pani, un kotar dureder ap koi rig, kai norden hi, un palle kote, kai o kham pre djal. Un jon rodenn jekes, kai nai penell lenge o baro Debleskro lab, un hatsenn kekes.

O Debleskro Lab 2024 (Sinte-Manouche)

¹² I menshe djan trouyel pash o Moulo Baro Pani, oun kotar doureder pash o Mashkralstouno Baro Pani, oun kotar doureder ap koy rig, kay norden hi, oun palle kote, kay o kham pre djal. Oun yon rodenn yekes, kay nay penell lenge o baro Debleskro lab, oun hatsenn kekes.

Amos 8:12 ပူးပေါင်းရင်းမြစ်များ

Gosewe laba 1:28

Palle denn le pal mande gole, un me mukau tchi mandar te shunell. Palle rodenn le man un hatsenn man gar.

Gosewe laba 14:6

I pre-phurdo, te rodell lo o goswepen, hatsell lo les gar. Kowa, kai peskro djijeha rakrell, koleske hi gar phares tchomone dren te dikell.

Gosewe laba 29:18

Te hi kek Debleskro rakepen koi, palle wenn i menshe diwjo un bi-pandlo. Bachtelo hi kowa, kai shunell ap o Debleskre laba.

Ezekiel 20:3

Tu, mensho, pen kol phurenge dran Israel: Kawa penell o baro Dewel, maro rai: Tumer wan, te putchenn mandar? Me dau man sowel pash miro djipen: Me mukau man gar tumendar te putchell, me gar, penell o baro Dewel, maro rai.

Ezekiel 20:31

Bis ap kau diwes chatchrenn tumer viechen kol chochene deblenge, un krenn tumen jaake pale-tchiddo. Ninna chatchrenn lenge tumare tchawe. Un me mukap man tumendar dran o kheer Israel, te putchell? Pash miro djipen, penell o baro Dewel, maro rai, dau man sowel, te mukau man gar tumendar te putchell!

Daniel 12:4

Un tu Daniel, rike kau lab khatemen. Un pande i dori trul kau liil un tchip tiro sikepen pre, te nai krell les kek pre, bis ko tsiro wella, kai i phub buder gar rah koi hi. Palle rodenn bud koi dren un haiwenn bud un budeder.

Hosea 5:6

Palle wenn le pengre bakrentsa un pengre grumjentsa, te anenn le len o baro Debleske, te well job lenge latches. Un job sikrell lenge o dumo, te nai hatsenn le les gar.

Mateo 12:30

Koon gar ap miri rig hi, kowa hi ap ko wawareskri rig. Un koon gar i menshe pash mande anella, kowa tradell len mandar.

1. Samuel 3:1

An ko tsiro, har budras o terno Samuel o baro Debleske tel o rashajeste, o Eli, rakras o baro Dewel gar bud kope ap jekeste. His witar gar bud kope, kai dikas jek i Debleskro dikepen.