Amos 7:13 - O Debleskro Drom 2021 (Sinte)

¹³ Kate an Betel mangell o baro rai o Debles an, kate hi leskro kheer. Doleske nai rakreh tu gar pale kate an o Debleskro lab.”

O Debleskro Lab 2024 (Sinte-Manouche)

¹³ Kate an Betel mangell o baro ray o Debles an, kate hi leskro kheer. Doleske nay rakreh tou gar pale kate an o Debleskro lab.”

Amos 7:13 ပူးပေါင်းရင်းမြစ်များ

1. Rajengro liil 12:29

Un koi jek figura anas lo an o foro Betel un koi wawar an o foro Dan.

1. Rajengro liil 12:32

Un job tchiwas i baro diwes dren an o ochtato tchon, ap o deesh-te-pantchto diwes, te wals ko diwes har kol bare diwessa an o them Juda. Un ap i chatchepaskri chatchras lo viechen. Kowa kras lo an Betel, kote chatchras lo viechen kol terne grumjenge dran sonakai, hoi lo kras. Un kote an Betel tchiwas lo rashajen an pengri budi dren, te his le rashaja ap kol mulne platse, hoi lo kras, kai mangenn le i mule deblen an.

1. Rajengro liil 13:1

Koi was i Debleskro mursh dran Juda, koles bitchras o baro Dewel an Betel. Job was koi, har his o Jerobeam pash koi chatchepaskri tardo un chatchras sungepaskro koowa.

2. Rajengro liil 14:24

Un job kras, hoi glan o baro Debleskre jaka djungelo his, un mukas gar ko tchilatcho drom, hoi o Jerobeam djas, koleskro dad o Nebat his. O Jerobeam anas o Israel o Debleskro dromestar tele un kras te mangenn le wawar deblen an.

Jesaja 30:10

Ap i dikepangre penenn le: “Ma dikenn i dikepen.” Un ap o Debleskre rakepangre penenn le: “Ma penenn menge, hoi o Dewel tumende sikras un hoi tchatcho hi! Penenn menge kowa, hoi pes menge shukar an-shunell! Un sikrenn men sau koowa, har mari djia les kamenn.

Jeremia 26:9

Hoske peneh tu glan-wi an o baro Debleskro lab: Kau khereske djal har koleske an Shilo? Hoske peneh, kai kau foro well jaake paash dino, te djiwell buder kek koi dren?” Un i tsele menshe wan trul leste an o baro Debleskro kheer.

Amos 2:12

Un hoi krenn tumer: Tumer denn kolen mool te pijell, kai mange koi hi! Un ap mire rakepangre penenn tumer: Ma rakrenn an o Debleskro lab!

Amos 3:14

Ap ko diwes, kai dau i Israelenge i phagi lengro tchilatchepaske, dau me i chatchepangre an Betel paash. Lengre shinga wenn tele phagedo, un perenn ap i phub.

Amos 5:5

Ma djan an Betel, witar gar an Gilgal! Ma krenn tumen ap o drom an Beersheba! Me penau tumenge: I menshe an Gilgal wenn pandles krik anlo. O foro Betel, hoi kharell ‘Debleskro kheer’, well i foro, kai i benga khere hi.

Amos 7:16

Kanna shun tu o Debleskro lab! Tu kamal gar, te penap me i Israelenge kol laba, hoi o baro Dewel pral lende penas. Tu kamal gar te rakrap pral o kheer Isaak.

Amos 7:9

I mulne platse, kai mangan o Isaakeskre menshe chochene deblen an, kal platse wenna paash dino. Un kol khera, kai sharan i Israelitarja o Debles, wenn dino an kotja. Un me wau miro chareha pral o kheer Jerobeam.”

Bičepangre 5:28

“Mer dam tumen soreles trad, te rakrenn tumer tchi buder o Jesusestar. Un kanna well lestar rakedo an o tselo foro Jerusalem. Un tumer penenn, kai mer maram les. Kamenn tumer, te well leskro rat pral mende?”

Bičepangre 5:40

Palle dan jon o Jesuseskre bitchepangren gole, dan len dawa i tchupnijah, un dan len trad, te rakrenn le buder gar o Jesusestar. Un palle mukan le len te djal.