Amos 7:12 - O Debleskro Drom 2021 (Sinte)

¹² Un o Amazja penas ap o Amos: “Tu dikepaskro, dja tuke, un naash an o them Juda! Kote nai rakreh an o Debleskro lab, un jon denn tut tiro maro.

O Debleskro Lab 2024 (Sinte-Manouche)

¹² Oun o Amazya penas ap o Amos: “Tou dikepaskro, dja touke, oun naash an o them Youda! Kote nay rakreh an o Debleskro lab, oun yon denn tout tiro maro.

Amos 7:12 ပူးပေါင်းရင်းမြစ်များ

2. Familjakro liil 16:10

O Asa choiras pes pral o dikepaskro, un an peskri bari choli mukas lo les an o stilepen te anell. An ko tsiro rikras job ninna wawar menshen an o them i dawentsa tele.

Jesaja 30:10

Ap i dikepangre penenn le: “Ma dikenn i dikepen.” Un ap o Debleskre rakepangre penenn le: “Ma penenn menge, hoi o Dewel tumende sikras un hoi tchatcho hi! Penenn menge kowa, hoi pes menge shukar an-shunell! Un sikrenn men sau koowa, har mari djia les kamenn.

Jesaja 56:11

Bud chapen kamenn le, un lenn gar doha. Jaake hi kolla, kai ap mire menshende jak denn. Jon haiwenn tchi, hakeno dikell ap peste kokres, un rodell, har nai anell lo peskre lowe khetne.

Ezekiel 13:19

Tumaro durkepah anenn tumer ladj ap mande glan mire menshende, te lenn i wast pherdo djob un i kotar maro. Mire menshenge penenn tumer chochene laba. Un jon kamenn te shunell ap chochepen. Tumaro chochepah anenn tumer sawe menshen an o merepen, kai hunte merans gar, un krenn, te atchenn sawe djido, kai hunte merans.

Amos 2:12

Un hoi krenn tumer: Tumer denn kolen mool te pijell, kai mange koi hi! Un ap mire rakepangre penenn tumer: Ma rakrenn an o Debleskro lab!

Amos 7:11

Job penell: O Jerobeam well o chareha mulo dino. Un i Israelitarja wenn pandles krik anlo dran pengro them.”

Maleachi 1:10

‘Kamaus, te wals jek tumendar koi, kai krals o wudja an miro kheer pandles, te krenn tumer gar tchitcheske i jag ap miri chatchepaskri! Man hi doha tumendar’, penell o baro Dewel, ko rai pral o bolepen un i phub. ‘Un kol marede vieche, hoi mange anenn, hi mange gar mishto.’

Mateo 8:34

Un i tsele menshe djan dran ko foro win, un wan pash o Jesuseste. Un har jon les dikan, mangan le les, te djal lo dran lengro them win.

Louka 13:31

Ap kau tsiro har o Jesus kowa penas, wan Farisarja pash leste un penan: “Dja tuke! Khate tut! O Herodes kamell tut te marell.”

Bičepangre 16:39

un djan pash lende, mangan pen tele glan lende, anan len dran o stilepen win, un mangan len, te djan le dran o foro win.

Remarja 16:18

Sawe menshe budrenn gar maro rajeske, o Jesus Kristeske. Na-a, jon krenn, hoi lenge kokres mishto hi. Shukar labentsa un baro rakepen anenn le kolen o Debleskro dromestar tele, kai denn gar jak.

1. Korintarja 2:14

I mensho, koles o Debleskro Ducho gar hi, haiwell gar, hoi o Debleskro Ducho penella. O Debleskro koowa hi leske dinlepen. Ko mensho nai dikell gar, har o Dewel kowa dikella.

1. Petro 5:2

Denn garda ap i patslende, kai o Dewel peske khetne anas! Tumer han har i bakrengre. Un o Debleskre tchawe hi har bakre, hoi o Dewel an tumare wasta das. Denn len kowa, hoi len hunte wella, te atchell lengro patsepen djido! Krenn kowa o tselo djijestar! Jaake kamell les o Dewel. Krenn kowa gar, har te wals i phari budi, hoi hunte krenn! Krenn koi budi dran o kamlepen un gar, te wenn tumer plaissedo!

1. Samuel 2:36

Kowa, kai dran tiro kheer pral atchas, well palle pash leste un witsrell pes tele glan leste, te mangell lo peske i rupeni bema un i kotar maro lestar, un penell ap leste: “Muk man rashajengre budi te krell, te well man i kotar maro te chal.”

1. Samuel 9:9

(An o phuro tsiro penas jek an Israel, te kamas lo tchomone o Deblestar te putchell: “Ab, te djas mer pash o dikepaskro!” O dikepaskro kharella kau diwes Debleskro rakepaskro.)