Amos 6:3 - O Debleskro Drom 2021 (Sinte)

³ Tumer patsenn, kai hi o tchilatcho diwes dur krik tumendar. Djinenn: Kowa, hoi krenn, mukell ko diwes sikeder te well, kai tchilatche raja pral tumende wenn.

O Debleskro Lab 2024 (Sinte-Manouche)

³ T'mer patsenn, kay hi o čilačo dives dour krik t'mendar. Djinenn: Kova, hoy krenn, moukell ko dives sikeder te vell, kay čilače raya pral t'mende venn.

Amos 6:3 ပူးပေါင်းရင်းမြစ်များ

Debleskri gili 94:20

Tu tchiwal tut gar khetne kolentsa, kai tchatchepangre mursha hunte wans, un jon djan gar pal o tchatchepen, un penenn ap o chochepen: “Kowa hi o tchatchepen.”

Sikepaskro 8:11

Ko mensho, kai kras tchilatcho koowa, lell gar sik pal kowa peskri phagi. Doleske rikrenn pen i menshe gar pale, te krenn le pengro djungelo koowa dureder.

Jesaja 47:7

Un tu penal: Me atchau rajetsa hako tsiro. Un mukal gar an tiro dji te djal, te nai perals kau koowa ap tute pale. Har kowa win djals, his tuke tchi moldo.

Jesaja 56:12

Jon denn gole: Awenn kai, me kamau mool te anell, te pijas men mates! Un taissar krah har kau diwes, un gomme shukeder!

Ropaskre gilja 4:5

Kolla, kai bud latcho chapen chajan, merenn kanna i bokatar win ap i dromma. Kolla, kai ap kutch pernitse hidjedo wan, hi kanna an i khandli tchik tchiddo.

Ezekiel 12:22

Tu mensho, pen mange, hawo rakepen hi kowa, hoi tumer rakrenn an o them Israel? Tumer penenn: O tsiro djal trujel un tchi well kolestar, hoi o Debleskre rakepangre penan.

Ezekiel 12:27

Tu, mensho, shun, hoi penell o kheer Israel pral tute: “Ko dikepen, hoi kowa dikell, kowa well gar sik. Un kowa, hoi lo glan-wi penell, hi i tsireske, hoi gomme dur krik hi.”

Ezekiel 23:42

Un trul tumende dan le gole i bachtjatar pral kol bud murshende, kai wan dran o mulo them. Un kolla tchiwan tumenge gustja trul tumare mussja, un rajengre stadja ap tumare sherja.

Amos 3:10

Jon dikenn gar ap o tchatchepen, penell o baro Dewel. Jon lenn penge brawlepen khetne an pengre khera, hoi tchoran le un lan le sorjah i wawarendar krik.

Amos 3:9

Denn win gole an i shukar khera an o foro Ashdod un an o them Egiptia: Awenn khetne ap i berge trul o foro Samaria, un dikenn, har diwjo un tchilatcho i menshe kote hi, un har jek o wawares sorjah tele rikrell.

Amos 5:12

Me djinau ko bud tchilatcho koowa, hoi kran tumer. Un dikau, har baro tumari doosh hi. Tumer rikrenn tumen gar pale, latche menshen palla te lell, un mukenn tumen te ginell. Kek tchatchepen denn tumer i tchorwelen.

Amos 5:18

Djungeles djal kolenge, kai penenn: O baro Debleskro diwes te well sik! Hoi patsenn tumer, hoi palle well? Ko diwes anell tumenge kali rat un kek momeli!

Amos 6:12

Nashenn i graja ap i bare barra? Na-a! Nashte budrenn i hache koi pre i grumjentsa? Na-a! Tumer rissrenn o tchatchepaskre laba jaake, te wenn le har tchomone, hoi marell, un o tchatcho drom jaake, te hi lo har i shutlo pipen!

Amos 9:10

I tsele tchilatche mire menshendar hunte merenn an o kurepen, lauter kolla, kai penenn: Koi bibacht atchell dur mendar un taprell men gar.

Micha 6:12

I brawele an o foro lenn i tchorwelen win, un rikrenn len tele. Un tumer halauter an o foro han chochene un rakrenn chochepen.

Mateo 24:48

Job te hi i tchilatcho budepaskro un penell ap peste: Miro rai well gar jaake sik pale,

1. Tessalonikarja 5:3

Te penenn i menshe: “Lauter hi mishto, kek kurepen hi kai, un men hunte well kek daar”, palle well i bibacht pral lende, un jon nai nashenn gar krik. Koi bibacht well pral lende jaake sik, har i duka wenn pral i djuwjate, kai lell i ternepen.

2. Petro 3:4

un penenn ap tumende: “Kai hi tumaro Jesus? Job penas, kai job pale wella. Mare phure meran, un lauter atchas jaake har his, har i phub kerdo was.”

Debleskro tsiro 18:17

An jek tikno tsiro djas lengro tselo baro brawlepen paash un nashedo!” Dur glan o foro his ninna kolla tardo, kai ap o baro pani hi: I pralstune ap i shiffe, kolla, kai kol shiffe ulerenna, un kolla, kai ap kol shiffe budrenna, un hakeno, koleskri budi ap o baro pani hi.