Amos 6:11 - O Debleskro Drom 2021 (Sinte)

¹¹ Djinenn: O baro Dewel, te penell job: ‘O baro kheer hunte perell khetne’, palle perell lo khetne. Un te penell job: ‘O tikno kheer hunte perell an kotja’, palle perell lo an kotja.

O Debleskro Lab 2024 (Sinte-Manouche)

¹¹ Djinenn: O baro Devel, te penell yob: O baro kheer hounte perell khetne, palle perell lo khetne. Oun te penell yob: O tikno kheer hounte perell an kotya, palle perell lo an kotya.

Amos 6:11 ပူးပေါင်းရင်းမြစ်များ

2. Rajengro liil 25:9

Un job chatchras o baro Debleskro kheer tele, ninna ko kheer o baro rajestar un kol wawar khera an o foro Jerusalem; awa, hako baro kheer chatchras lo tele.

Debleskri gili 105:16

Un job mukas i bari bok an o them te well, te das buder kek maro.

Debleskri gili 105:31

Job penas, te wenn matsille, hoi tchurje denn, un bud matsille wan an o tselo them.

Debleskri gili 105:34

Job penas, te wenn stepangre, un stepangre wan, jaake bud, te nai penas kek, kitse jon hi.

Sikepaskro 10:18

Te kamell jek gar te budrell, perell leskro kheer khetne, un o brishin well dren.

Jesaja 13:3

Me, o baro Dewel, dom mire sorele kurepangren khetne gole. Kolla, kai hadenn man bachteli goljah, tchiwom mange ap i rig, te anenn le miri choli pral lende.

Jesaja 55:11

Jaake hi kol laba, hoi dran miro mui win djan. Jon wenn tchatcho, un kowa, hoi penom, well jaake har me kamau. Un kowa, hoi mange glan lom, well jaake kerdo.

Amos 3:15

Me dau lengre nijalengre khera khetne, un ninna lengre wendengre khera. Un khetne perenn kol khera, hoi shukar kerdo hi i dandentsa fun i elefante; hako baro kheer well paash dino, penell o baro Dewel.

Amos 5:11

Kowa krenn tumer: I tchorwelen rikrenn tele, un lenn lendar budeder djob har tchatcho hi. Doleske well jaake: An kol shukar newe khera, hoi tumenge kran, djiwenn tumer gar. Un i mool kol newe drakengre rukendar, hoi an i phub tchiwan, pijenn tumer gar.

Amos 6:8

O baro un sorelo Dewel, ko rai pral o bolepen un i phub, das pes sowel pash peskro djipen un penas: Me hom chojedo pral o pre-phurdepen o Jakobeskre tchawendar, un nai dikau lengre shukar khera buder gar glan i jaka. Doleske dau o foro un lauter, hoi koi dren hi, an i wasta wawar menshendar.

Amos 9:1

Me dikom o Debles, maro rajes, tardo pash i chatchepaskri an peskro kheer. Un job penas: De ap o pralstuno kotar kol barrendar, kai hidjrenn miro kheer! De jaake soreles, te trissenn ninna i telstune barra, un o tselo kheer an kotja perella, un muk len te perell ap i sherja kal menshendar. Un hoi lendar pral atchell, kamau te marell o chareha. Kek nai nashell peske. Kek atchell djido.

Amos 9:9

Me rakrau un kowa djal jaake: Jaake har djob an i sieba pal hake rigja witsedo well, un i djoba win perenn, un i barra dren atchenn, jaake krau, te well o kheer Israel pal hake rigja witsedo an kol themma, kai le tradedo wan.

Nahum 1:14

Ap i menshende an o them Assur penell o baro Dewel: Kek tchawe wenn tumen, kai tumare familjengre laba dureder hidjrenn. Dran i khera tumare deblendar witsrau i tsele figure win. Me krau tumenge i grufta, tumaro djipen his tchitcheske.

Zakarie 14:2

Me lau i lurden dran i tsele themma khetne, te kurenn le pen o foreha Jerusalem. Jon lenn o fores dren, tchorenn i khera win, un taprenn sorjah i djuwjenge an. Kol menshendar an o foro well i paash pandles krik anlo. Kolla, kai pral atchan, atchenn nai an o foro.

Maleachi 1:4

Te penenn ninna leskre tchawe, kol Edomarja: ‘Ninna te wan mare forja paash dino, mer tchiwah len newes pre’, palle penau me, o baro Dewel, ko rai pral o bolepen un i phub: ‘Ninna te tchiwenn le kol forja pale pre, me dau halauter pale paash.’ Un wawar menshe penenn pral lende ‘tchilatcho them’ un ‘kalla hi menshe, pral kolende o baro Dewel pes choirella an hako tsiro’.

Louka 19:44

Un jon marenn tumare menshen, un denn tumare tchawen an ko foro mulo. Mo Dewel kamas tumen peskro latchepen te sikrell. Un tumer kaman gar te krenn tumaro dji leske pre. Doleske atchell kek bar ap ko wawar an kau foro.”