Amos 6:1 - O Debleskro Drom 2021 (Sinte)

¹ Djungeles djal kolenge, kai djiwenn i shukar djipen ap i berga Zion! Djungeles djal kolenge, kai djiwenn an o foro Samaria, un krenn pen kek shero! Djungeles djal tumenge, kai han i raja pral Israel – koi an-dikli natsjona, pash kolende i Israelitarja wenna!

O Debleskro Lab 2024 (Sinte-Manouche)

¹ Djungeles djal kolenge, kay djivenn i shoukar djipen ap i berga Sion! Djungeles djal kolenge, kay djivenn an o foro Samaria, oun krenn pen kek shero! Djungeles djal t'menge, kay han i raya pral Israel – koy an-dikli natsyona, pash kolende i Israelitarya venna!

Amos 6:1 ပူးပေါင်းရင်းမြစ်များ

1. Rajengro liil 16:24

Palle ginas lo koi berga Samaria o murshestar Shemer, un plaissras dui zentnarja rup. Un kote ap koi berga kras lo i foro, un kharas kau foro “Samaria” pal ko lab o murshestar Shemer, koleske i berga glan kowa his.

Debleskri gili 123:4

Dik, har rah sanenn i brawele pral mende! Har rah dikenn kolla ap mende tele, kai pre-phurde hi.

Gosewe laba 1:32

Kolen tchi an o shero hi, kolla rissrenn o Debleske o dumo; un kowa anell lenge o merepen. Un lengro pre-phurdepen marell len.

Jesaja 33:14

Ap i berga Zion lenn kolla traash, kai doosh ap pende hi. Halauter trissenna, kai o Debles bistran, un penenn kanna: Kek mendar nai atchell tardo pash i jag, hoi lauter pre chatchrell. Kek mendar nai rikrell kowa win pash koi jag, hoi chatchell hako tsiro har koi jag ap o Debleskri chatchepaskri.

Jeremia 2:3

An ko tsiro hals mange kokres koi, jaake har o newo djob mange hi. Koon tut an-tapras, anas doosh ap peste, un i bibacht was pral leste. Kowa penell o baro Dewel.

Jeremia 48:11

Jaake rah har o them Moab koi hi, djiwan leskre menshe kek kurepah. An kek tsiro hunte djan i Moabarja an o pandepen. Jon nai atchan khere jaake har i mool, kai atchas an jek kashtengri piri, un was gar tchoredo dran jek piri an i wawar. Doleske sungell li pal peste kokres, un lakro sungepen atchas ap leste.

Jeremia 49:31

Me, o baro Dewel, penom ap i Babilonarja: Djan pre an o kurepen! Kurenn tumen i menshentsa, kai djiwenn kek darjah an pengro them, un kolenge kek tchilatchepen kamell. Jon djiwenn kokres, un lengre forja, len hi kek massurja, witar kek wudja.

Jeremia 5:5

Me kamau pash i pralstunende te djal, te rakrap lentsa. Kolla djinenn o Debleskro drom un nai penenn mange, hoi an i jaka lengro Deblestar mishto hi. Palle haiwom: Ninna kolla kaman gar, te well job lengro rai, un kaman gar ap leste te shunell.

Jeremia 7:4

Ma patsenn kol chochene laba, te penenn jon: ‘Kate hi o baro Debleskro kheer, kai djiwell lo. Awa, kate hi o baro Debleskro kheer!’

Ropaskre gilja 1:1

Jerusalem, har muklo hal koi tchiddo, tu, kai hals pherde menshe! An-diklo hals pash i tsele themma. Kanna hal kokres har i romni, kolakro rom meras. I rajetsa hals pral wawar themma. Kanna hunte budress i wawarenge.

Amos 3:2

Mank i tsele natsjone ap kai phub han tumer kokres kolla, kolen mange win rodom, un ap lende jak dom. Doleske hi tumari doosh jaake baro, un me hunte dap tumen i phagi.

Amos 3:9

Denn win gole an i shukar khera an o foro Ashdod un an o them Egiptia: Awenn khetne ap i berge trul o foro Samaria, un dikenn, har diwjo un tchilatcho i menshe kote hi, un har jek o wawares sorjah tele rikrell.

Amos 4:1

Shunenn kau lab, tumer romja i pralstunendar pral o foro Samaria! Tumer han har i thulle grumja ap i berge Bashan. Tumer krenn i tchorwelenge tchilatchepen, rikrenn i tiknen tele, un penenn ap tumare romende: Anenn menge mool, te pijas mer!

Amos 5:27

an ko tsiro, kai anau tumen pandles an i them, hoi hi tchiddo pal o foro Damaskus. Me, o baro Dewel, ko rai pral o bolepen un i phub, penau kowa.

Amos 8:14

Un kolla, kai denn pen sowel pash o chocheno dewel an Samaria, un penenn: ‘pash ko dewel, koles o kheer Dan an-mangell’, un ‘pash o dewel o forestar Beersheba’, kal menshe perenn un stenn buder gar pre.

Amos 9:10

I tsele tchilatche mire menshendar hunte merenn an o kurepen, lauter kolla, kai penenn: Koi bibacht atchell dur mendar un taprell men gar.

Micha 3:1

Un o Micha penas: Tumer pralstune an o kheer Jakob, tumer raja an o kheer Israel! Shunenn, hoi tumenge penau! Tumer hunte wans kolla, kai djinenn, hoi o tchatchepen hi.

Zefanja 1:12

An ko tsiro wella jaake, kai lau i momeli un rodau an o foro Jerusalem lauter kolen, kai djiwenn i shukar djipen un djinenn kek daar, un kai penenn an pengre djia: O baro Dewel krell menge tchi, kek latchepen, witar kek tchilatchepen.

Jakobo 1:18

Job kamas, te wam mer leskre tchawe. Kolla wam, har menge leskro tchatcho lab penlo was. Jaake wam mer o feteder mank lauter, hoi o Dewel kras.

Jakobo 5:5

Tumenge djas mishto ap kai phub, tumer chan un pijan, un wan pesso, jaake har i vieche, kai wenn maredo.

1. Petro 5:7

Lauter, hoi hi tumen phares ap o dji, witsrenn ap leste! Job krell lauter mishto.

Čačepangre 18:7

Un kol pantch mursha djan dureder un wan an o foro Lajish. Un jon dikan i menshen, kai koi his. Kolla djiwan kek darjah, jaake har i Sidonarja ninna djiwan, kek darjah un kek kurepah. Un an o tselo them his kek, kai dals len trad un rikrals len tele. Un jon his dur krik o forestar Sidon. Un tchi un kek his penepaske pral lende.