Amos 5:6 - O Debleskro Drom 2021 (Sinte)

⁶ Te kamenn djido te atchell, palle rodenn o baro Debles. Te krenn kowa gar, tumer dran o kheer Josef, well job pral Betel har i bari jag, hoi kek nai win krella.

O Debleskro Lab 2024 (Sinte-Manouche)

⁶ Te kamenn djido te ačell, palle rodenn o baro Debles. Te krenn kova gar, t'mer dran o kheer Yosef, vell yob pral Betel har i bari yag, hoy kek nay vin krella.

Amos 5:6 ပူးပေါင်းရင်းမြစ်များ

2. Samuel 19:20

un penas ap o baro rajeste: “Mo rai, ma dik ap koi doosh, hoi me, tiro budepaskro, ap mande anom. Un biste, hoi ap tute krom, ap ko diwes, kai tu, mo baro rai, dran o foro Jerusalem djal. Mangau tut, miro baro rai, rike kowa gar an tiro dji!

1. Rajengro liil 11:28

O Jerobeam his i terno sorelo mursh. Har o Salomo les dikas, kai job i latcho budi kras, tchiwas lo les pral i tsele budepangre dran o kheer Josef.

2. Familjakro liil 34:25

I menshe an Jerusalem mukan man un anan wawar deblenge sungepaskro koowa. Halautereha, hoi le pengre wastentsa kran, choiran le man. Doleske well miri choli har i jag ap kau foro, un kek nai krell les win.’

Debleskri gili 27:8

Tire laba wan mange an o shero, hoi tu penal: “Awenn pash mande!” Doleske wau pash tute.

Debleskri gili 69:33

Te dikenn kowa kolla, kai tele rikedo hi, wenn le bachtelo. Un kolenge, kai o Debles rodenna, djiwell lengro dji pale pre.

2. Mose 22:6

Te dell i mursh i wawares lowe, ninna kutch koowa, te dell lo jak koi pre, un ko koowa well dran leskro kheer tchoredo, un ko tchorepaskro well hatslo, palle dell kowa dui kope jaake bud pale.

Jesaja 1:31

Un ko mursh, hoi sorelo his har i ruk, well har mulo kasht. Un ko sorelo koowa, hoi lo kras, well har i jag, hoi ko mulo kasht pre chatchell. Jaake djal lauter an i jag pre, un kek nai krell koi jag win.

Jesaja 55:3

Shunenn mishto, hoi penau, un awenn pash mande! Shunenn ap mande, te atchenn djido! Un me kamau tumentsa win te krell, te atchas mer mala hako tsireske. Ko latcho koowa, hoi o Davideske penom, well ap tumende.

Jesaja 55:6

Rodenn o baro Debles jaake rah job mukell pes te hatsell! Denn les an-gole jaake rah job gar dur hi!

Jeremia 38:20

O Jeremia penas: Jon denn tut gar an lengro wast. Shun ap o baro Debleskro rakepen, hoi me tuke penau, palle djal tuke mishto, un tu atcheh djido.

Jeremia 4:4

Rikrenn tumen ap i laba, hoi tumentsa win krom! Un krenn tumare djia mange pre, tumer menshe an Juda un Jerusalem. Te krenn kowa gar, well miri choli pral tumende har jag, un chatchella jaake, te nai krell kek koi jag win.

Jeremia 7:20

Doleske penell o baro Dewel, maro rai: Miri bari choli well pral kau foro, pral i menshende un pral i viechende, pral kol ruka an o weesh un pral ko djob an kau them. Miri choli hi har i jag, hoi kek nai krell win.

Ezekiel 21:3

Pen leske: Kawa penell o baro Dewel, maro rai: Shun, hoi tuke penau! Me krau i jag an tute, koja chatchrell hako ruk, hoi senelo hi un koles, hoi truk hi. Kek nai krell koi jag win. Koja djal dureder an o tselo them, jek rigjatar ap i wawar. Un o tatepen chatchrell hakeneske peskro mui.

Ezekiel 33:11

Pen ap lende: O baro Dewel, maro rai penell: Me dau man sowel pash miro djipen: Mange hi gar shukar, te merell o tchilatcho mensho. Na-a me kamaus, te djal lo peskro tchilatcho dromestar tele, un djiwell lo! Doleske, djan tele tumare tchilatche dromendar! Hoske kamenn tumer te merell, tumer dran o kheer Israel?

Ezekiel 37:19

Palle pen ap lende: Kawa penell o baro Dewel, maro rai: Dik, me lau o kasht, hoi sikrell o kheer Israel – ko kasht hi an o Efrajimeskro wast – un tchiwau les pashel pash o kasht, hoi sikrell o kheer Juda, un krau lendar, te wenn le jek kasht, koles rikrau an miro wast.

Amos 3:14

Ap ko diwes, kai dau i Israelenge i phagi lengro tchilatchepaske, dau me i chatchepangre an Betel paash. Lengre shinga wenn tele phagedo, un perenn ap i phub.

Amos 5:14

Rodenn kowa, hoi latcho hi! Un hoi tchilatcho hi, ma krenn! Jaake atchenn djido. Un o baro Dewel, ko rai pral o bolepen un i phub, atchell tumentsa, jaake har tumer penenn.

Amos 5:4

O baro Dewel penell ap o kheer Israel: Rodenn man, palle djiwenn!

Amos 6:6

Mool pijenn tumer dran khore, un makenn tumen dren o feteder djeteha. Un tumen hi gar ropaske pral o kheer Josef, hoi paash dino well.

Zefanja 2:3

Tumer wawar, kai kran tumen gar bares un rikrenn o Debleskro tchatchepen, tumenge penau: Rodenn o baro Debles! Krenn, hoi glan leste tchatcho hi! Rikrenn tumen gar baro! Nai well, te rikrell lo peskro wast pral tumende, ap ko diwes, kai leskri choli pral i menshende well.

Zakarie 10:6

Un me krau o kheer Juda soreles, un wau ap i rig kolenge dran o kheer Josef. Man hi i baro dji lenge, un mukau len pale te djal an pengro them. Te wenn le jaake har jon his, har krom len gomme gar pale-tchiddo. Me, o baro Dewel, hom lengro Dewel un shunau lengro mangepen.

5. Mose 32:22

Miri choli chatchell pre har i jag, un chatchrell i tseli phub, un halauter, hoi ap late bares was, un chatchell tele bis an o telstunepen, un well bis tele pash i berge.

5. Mose 4:24

Job hi i soreli jag, hoi halauter pre chatchrell, un kamell, te kamenn tumer les kokres.

Josua 18:5

Un jon krenn efta kotja dran ko them, te lell hako kheer jek kotar. Un o kheer Juda atchell ap peskro kotar them, hoi ap koi rig hi, kai o kham pralstunes tardo hi. Un o kheer Josef atchell ap peskro kotar them, kote, kai norden hi.