Amos 5:5 - O Debleskro Drom 2021 (Sinte)

⁵ Ma djan an Betel, witar gar an Gilgal! Ma krenn tumen ap o drom an Beersheba! Me penau tumenge: I menshe an Gilgal wenn pandles krik anlo. O foro Betel, hoi kharell ‘Debleskro kheer’, well i foro, kai i benga khere hi.

O Debleskro Lab 2024 (Sinte-Manouche)

⁵ Ma djan an Betel, vitar gar an Gilgal! Ma krenn t'men ap o drom an Beersheba! Me penau t'menge: I menshe an Gilgal venn pandles krik anlo. O foro Betel, hoy kharell Debleskro kheer, vell i foro, kay i benga khere hi.

Amos 5:5 ပူးပေါင်းရင်းမြစ်များ

1. Mose 21:31

Dran kowa kharella koi platsa, kai dan pen kol dui sowel, Beersheba.

1. Mose 21:33

O Abraham tchiwas i ruk an i phub an Beersheba. Un kote mangas job o baro Debles an, ko Debles, kai hako tsiro koi hi.

1. Mose 26:23

Kotar djas job an Beersheba.

1. Mose 26:33

Koi das job koi brunna ko lab ‘Shiba’. Doleske kharell ko foro gomme kau diwes ‘Beersheba’.

1. Rajengro liil 12:28

Un o rai Jerobeam djinas pash peste, hoi nai krell lo, un mukas dui sonakangre terne grumjen te krell, un penas ap i menshende: “Tumer Israelitarja, hi doha, kai djan tumer jaake rah an Jerusalem, te mangenn o Debles an. Kate hi tumare debla, kolla anan tumen dran o them Egiptia!”

1. Rajengro liil 12:29

Un koi jek figura anas lo an o foro Betel un koi wawar an o foro Dan.

2. Rajengro liil 23:8

Un job mukas i tsele rashajen dran o them Juda an o foro Jerusalem te well, un kras i mulne platse pale-tchiddo, kai i rashaja i mule deblenge sungepaskro koowa chatchran. Kowa kras lo an o tselo them mank o foro Geba un o foro Beersheba. Un job phagas koi chatchepaskri tele, hoi his tardo glan ko wudar, hoi o moskro, o Josua, kras, ap i serwi rig, te well jek an o foro dren.

Hiob 8:22

Kolla, kai kamenn tuke tchilatchepen te krell, hunte ladjenn. Un i khera i tchilatchendar atchenn gar tardo.

Debleskri gili 33:10

O baro Dewel mukell kowa gar te well, hoi kol menshe an i wawar themma kamenn te krell. Lenge tchiwell lo barra an o drom.

Jesaja 29:20

Sorele raja, kai i wawaren tele rikran, nashrenn pengri soor. Un i pre-phurde hi buder gar koi. Un maredo wenn halauter, kai kaman i bibacht pral i wawarende te anell,

Jesaja 8:10

Rakrenn khetne har te djan glan, un djinenn, kolestar well tchi. Rakrenn jaake bud har kamenn, Tchi well win. O Dewel hi mentsa.

Jeremia 48:13

Un i Moabarja, kai patsan, te well lengro dewel, o Kemosh, lenge ap i rig, jon hunte ladjenn pen, jaake har o kheer Israel hunte ladjas pes, har wan leske leskre debla an o foro Betel gar ap i rig, ap kolende jon pen soreles rikran.

Hosea 10:8

Khetne dine wenn i mulne platse, kai i Israelitarja i chochene deblen an-mangan, un o baro Deblestar tele peran. Subjengro senlepen un subjengre burra wenn bares ap lengre altare. Un jon penenna: Tumer bare un tikne berge, perenn pral mende, un tchakrenn men!

Hosea 12:11

Me rakrom ap mire rakepangre, un sikrom lende bud kope, hoi wella. Dran lende mukom tumenge trad te dell.

Hosea 4:15

Israel, ninna te kameh tu tut trujel te lubrell, kamau gar, te krenn i menshe an o them Juda sau koowa har tu, un anenn doosh ap pende. Ma djan an i forja Gilgal un Bet-Awen, te mangenn kote i chochene deblen an! Un ma denn tumen kote sowel un penenn “Me dau man sowel pash o djido Debleste.”

Hosea 9:15

O baro Dewel penell: Lengro tselo tchilatchepen krenn le kote pash o foro Gilgal; kote choirom man pral lende ko tselo tchilatchepaske, hoi jon kran. Doleske tradau me len dran miro kheer win. Me kamau len buder gar. Lengre tsele pralstune mukenn pen tchi mandar te penell.

Amos 1:5

Me phagau i bare wudja o forestar Damaskus paash, un mukau i rajen dran Bikat-Awen un Bet-Eden mulo te dell. Un i menshe dran o them Syria wenn pandles krik anlo an o them Kir. Ko penell o baro Dewel.

Amos 3:14

Ap ko diwes, kai dau i Israelenge i phagi lengro tchilatchepaske, dau me i chatchepangre an Betel paash. Lengre shinga wenn tele phagedo, un perenn ap i phub.

Amos 4:4

Tumer djan pash o Debleskro kheer an o foro Betel, un hadenn tumen pral o Debleste! Tumer djan an o Debleskro kheer an o foro Gilgal, un hadenn tumen ninna budeder pral o Debleste! Krenn dureder jaake: Taissarla marenn viechen o Debleske, un o wawar diwes anenn leske o deshto kotar kolestar, hoi dren anan!

Amos 7:10

Un o rashai o forestar Betel – leskro lab his Amazja – bitchras murshen pash o Jerobeam, ko baro rajeste an Israel, un mukas leske te penell: “O Amos krell i menshen diwjo, te hadenn le pen pral tute. Leskro rakepen nai shunah mer buder gar.

Amos 7:13

Kate an Betel mangell o baro rai o Debles an, kate hi leskro kheer. Doleske nai rakreh tu gar pale kate an o Debleskro lab.”

Amos 7:17

Doleske penell o baro Dewel: Tiri romni well i lubni an o foro. Tire tchawe un tcha wenn maredo o chareha. Tiri phub lenn wawar menshe. Tu meress an i pale-tchiddo them. Un i Israelitarja wenn win tradedo dran lengro them.”

Amos 7:9

I mulne platse, kai mangan o Isaakeskre menshe chochene deblen an, kal platse wenna paash dino. Un kol khera, kai sharan i Israelitarja o Debles, wenn dino an kotja. Un me wau miro chareha pral o kheer Jerobeam.”

Amos 8:14

Un kolla, kai denn pen sowel pash o chocheno dewel an Samaria, un penenn: ‘pash ko dewel, koles o kheer Dan an-mangell’, un ‘pash o dewel o forestar Beersheba’, kal menshe perenn un stenn buder gar pre.

1. Korintarja 1:28

O Dewel rodas kolen win, kai an i menshengre jaka tchi molenna, un kai gar mishto an-diklo hi, te sikrell lo, kowa, hoi pash i menshende bud molella, hi pash leste tchi moldo.

1. Korintarja 2:6

Kowa, hoi mer penah i patslenge, hi o Debleskro goswepen. Kau goswepen hi gar har ko goswepen, kai well kol menshendar, kai prindjrenn o Debles gar, witar gar har o goswepen kolendar, kai hi raja ap kai phub. Kolla hunte merenn.

5. Mose 28:41

Tumen wenn mursh tchawe un tcha. Un jon atchenn tumenge gar. Pandles wenn le krik anlo.

Josua 5:9

Un o baro Dewel penas ap o Josua: “Kau diwes lom koi ladj tumendar krik, hoi ap tumende was, har wan pandle budepangre an o them Egiptia.” Doleske kharan le koi platsa ‘Gilgal’.

Debleskro tsiro 18:17

An jek tikno tsiro djas lengro tselo baro brawlepen paash un nashedo!” Dur glan o foro his ninna kolla tardo, kai ap o baro pani hi: I pralstune ap i shiffe, kolla, kai kol shiffe ulerenna, un kolla, kai ap kol shiffe budrenna, un hakeno, koleskri budi ap o baro pani hi.

1. Samuel 11:14

Un o Samuel penas ap i Israelitarja: “Awenn, te djas mer khetne an Gilgal, te das gomme jek kopo win gole, te hi o Saul maro baro rai!”

1. Samuel 7:16

Un hako bersh djas lo an Betel un Gilgal un Mizpa un rakras kote o tchatchepen win pral i menshende.

1. Samuel 8:2

Leskro phureder tchawo his o Joel, un o duito o Abija. Un jon djiwan an Beersheba, un kote rakran le o tchatchepen win.