Amos 5:20 - O Debleskro Drom 2021 (Sinte)

²⁰ Awa, o baro Debleskro diwes anell tamlepen un kek momlia. I kalo diwes hi lo – kalo har i rat.

O Debleskro Lab 2024 (Sinte-Manouche)

²⁰ Ava, o baro Debleskro dives anell tamlepen oun kek momlia. I kalo dives hi lo – kalo har i rat.

Amos 5:20 ပူးပေါင်းရင်းမြစ်များ

Jesaja 13:10

I bolepangre momlia chatchenn buder gar. Hi sawe koi, kai dikeh buder gar. O kham well kalo, sik pal kowa kai lo pre djas. Un o tchon hi buder gar djelto.

Jesaja 8:22

un tel pende ap i phub, un hatsenn tchi har daar un tamlepen, awa bari daar un kali rat, kai hi le dren tradedo.

Ezekiel 34:12

Jaake har i bakrengro, kai pash peskre bakre hi, kolen rodell, kai nashran pen, jaake rodau me mire bakren, un lau len pale dran haki platsa, kai le tradedo wan ap ko djungelo kalo diwes.

Joel 2:2

Kowa hi i kalo diwes, i tamlo diwes, pherde wolke. Jaake sik har o kham pre djal pral i berge, wenn bud bud lurde pral o them, kolla hi jaake sorelo un jaake bud, har gomme gar koi his, un witar buder gar wella an kek tsiro.

Obadja 1:15

O diwes well sik, kai well miri choli pral i tsele themma ap kai phub, penell o baro Dewel. Jaake har tu kral, jaake well tuke kerdo. Kowa hoi tu kral, well ap tiro shero pale.

Nahum 1:8

I baro sorelo panjeha khossell lo o foro krik kolendar, kai hadan pen pral leste. Un an i kali rat tradell lo len.

Zefanja 1:15

Kau diwes hi i diwes, kai o Debleskri choli pral i menshende well, i diwes pherdi daar un traash, i diwes, kai lauter paash dino un tele phagedo well, i diwes, kai tamlo well, un kali rati well, i diwes, kai kale wolke i phub tchakrenna,

Mateo 22:13

Penas o baro rai ap peskre budepangre: Pandenn les ap i pire un ap i wasta, un witsrenn les win an i kali rat! Un kote rowenn le un dandrenn i danda i dukatar khetne.”

Mateo 24:29

Un sik pal kol tchilatche diwessa, well o kham kalo har i rat, un o moonto dikell kek buder. Un i bare momlia ap o bolepen perenn tele. Un i bolepaskri soor perell khetne.

Judas 1:13

Jon hi har diwje panja, hoi witsrenn pengro tchik, hoi an lende hi, win ap i phub glan lende. Jon hi har bolepangre momlia, hoi dran pengro drom win djan, un hunte djan kanna hako tsireske an i kali rat.

Debleskro tsiro 16:10

Un o pantchto bolepaskro tchoras peskro tcharo win pral o viecho un leskro them, kai job o rai hi. Un i rati was ap lende. Un leskre menshe dandran ap pengri tchip i dukatar.