Amos 5:2 - O Debleskro Drom 2021 (Sinte)

² Koi terni tchai Israel peras, te stell li buder gar pre. Muklo hi li tchiddi ap i phub, un kek hi koi, kai hadell lat pre.

O Debleskro Lab 2024 (Sinte-Manouche)

² Koy terni čay Israel peras, te stell li bouder gar pre. Mouklo hi li čiddi ap i phoub, oun kek hi koy, kay hadell lat pre.

Amos 5:2 ပူးပေါင်းရင်းမြစ်များ

2. Rajengro liil 15:29

An ko tsiro, har o Pekach ko baro rai pral o them Israel his, was o Tiglat-Pileser, ko baro rai pral o them Assur, un peras an o them Israel dren un las peske kol forja Ijon, Abel-Bet-Maacha, Janoach, Kedesh, Hazor, Gilead un dran o them Galilea ko tselo them Naftali. Un mukas kol menshen, kai kote djiwenn, krik te anell an o them Assur.

2. Rajengro liil 17:16

Un jon mukan kol tsele laba o baro Deblestar, kai lengro Dewel hi, un kran penge dui terne gurma un i figura, hoi i debletsa Ashera sikras, un mangan i tsele bolepangre momlia an un ninna o debles Baal.

Jesaja 14:21

Tire mursh tchawe hunte merenn! Awenn un denn len mulo! Jon hunte merenn ko tchilatchepaske, hoi lengre phure kran, te nai hadenn le pen gar buder, un lenn i phub penge dren un krenn penge forja koi pre.

Jesaja 24:20

I phub perell jek rigjatar ap i wawar har i mato, un perell khetne har i plachteno kheer. O tchilatcho koowa ap i phub hi jaake pharo, te perell li un stell gar buder pre.

Jesaja 3:8

O foro Jerusalem peras, un o them Juda hi koi tchiddo. Hoske? Jon dukran o baro Debles pengre labentsa, un ninna koleha, hoi le kran. Kowa, hoi o sorelo Dewel lenge penas, kaman le gar te krell.

Jesaja 37:22

Kawa hi ko lab, hoi o baro Dewel ap leste penell: Dik, har o foro Zion pral tute sal! An leskre jaka tchi-moldo hal. Har i terni tchai o Jerusalem hi, un kamell te djinell tutar tchi.

Jesaja 43:17

Me hom kowa, kai mukom i wurdja un i graja win te djal, ninna bud sorele kurepangre. Khetne his le koi tchiddo, un stan buder gar pre; win chatchedo hi le har i momeli, hoi buder gar chatchell.

Jeremia 14:17

Un tu peness lenge kal laba: Me rowau ap o diwes un ap i rati, un nai mukau gar tele. Mire menshe, kolen kamau har miri tchai, hi khetne dino, un lengro dukepen well gar buder sasto.

Jeremia 18:13

Doleske penell o baro Dewel: Putchenn i menshendar an wawar themma: Kai das sawo djungelo koowa, har kol menshe dran Israel kran?

Jeremia 2:27

kolla, kai ap i debla penenna: “Tu hal miro dad!” un ap i barrengre debla: “Tu anal man ap i phub.” Mange sikran le pengro dumo un gar pengro mui. Te well kanna i bibacht pral lende, denn le gole: “Rai! Ab ap mari rig!”

Jeremia 31:4

Israel, miri pirni! Me krau tut pale baro. Tutar well pale i natsjona. Tu kress tut pale shukar, bashress un djas win ap o khelepen.

Jeremia 4:20

Jek foro pal i wawar well dino. O tselo them denn le paash. Ap jek kopo hi mire un plachtene khera khetne dino.

Jeremia 50:32

Kote perell ko pre-phurdo un atchell tchiddo. Un kek hi koi, kai tchiwell les pale ap peskre pire. Me kamau an leske forja jag te tchiwell, kowa te chal halauter pre, hoi kote trujel hi.

Jeremia 51:64

un pen: “Jaake hunte djal o foro Babilon tele, un well buder gar pre dran koi bari bibacht, hoi o baro Dewel pral kau foro anell.” Palle hi ko foro buder gar koi. Kalla his o Jeremijeskre laba.

Jeremia 8:4

Ap mande penas lo: Pen ap lende: Kowa penell o baro Dewel: Te perell jek, stell job sik pale pre. Te nashrell pes jek, rissrell job sik pale trujel.

Jeremia 9:21

O baro Dewel penell: Kol mule menshe atchenn tchiddo har ful ap i hachetikri phub, har o djob, hoi tchinlo was, un tchiddo atchas pal o tchinepaskro, un kek las les khetne.

Jeremia 9:9

Me kamau pral kau them an i berge rowell, un pral ko senelo pralstuno them i ropaskri gili te giwell. Lauter hi pre-chatchedo. Kek mensho djal koi trujel. Kek grumja un bakre denn kote gole. Ninna kol tchirkle un i diwje vieche nashan penge, un mukenn pen buder gar te dikell.

Ropaskre gilja 2:13

Ach, Jerusalem, hoi te penap tuke? Miro foro, hoi jaake kamau, har nai dap tut kamle laba? Kekeske djas jaake djungeles har tuke! Hoi nai penoms tuke, te djal tuke feteder? Tiri duk hi jaake baro har o baro pani. Koon nai krell tut sasto?

Hosea 14:1

I menshe an o foro Samaria lenn pengri phagi. Jon mukan pen tchi te penell pengro Deblestar. Doleske wenn le o chareha maredo. Un lengre tikne tchawe wenn mulo dino. Un i djuwja, kai lenn i tchawo, wenn pre tchinle.

Hosea 6:2

Pal dui diwessa dell lo men newo djipen, un ap o triinto diwes mukell lo men pale ap i pire tardo te well, te nai djiwas glan leste.

Amos 8:14

Un kolla, kai denn pen sowel pash o chocheno dewel an Samaria, un penenn: ‘pash ko dewel, koles o kheer Dan an-mangell’, un ‘pash o dewel o forestar Beersheba’, kal menshe perenn un stenn buder gar pre.

Amos 9:11

O baro Dewel penell: Ap ko diwes krau o Davideskro kheer newes, kowa hoi kanna khetne peredo hi. Kote, kai lo paash hi, krau les tseles. Kote, kai barra win phagedo hi, tchiwau len pale pre. Me krau les jaake har lo glan bud tsiro his.