Amos 5:19 - O Debleskro Drom 2021 (Sinte)

¹⁹ Kowa hi har te nashals jek peske glan o lewo, un i wawar baro diwjo viecho taprals les. Job khatrell pes an i kheer, tchiwell peskro wast ap i wanta, un i sap dandrell les.

O Debleskro Lab 2024 (Sinte-Manouche)

¹⁹ Kova hi har te nashals yek peske glan o levo, oun i vavar baro divyo firho taprals les. Yob khatrell pes an i kheer, čivell peskro vast ap i vanta, oun i sap dandrell les.

Amos 5:19 ပူးပေါင်းရင်းမြစ်များ

Sikepaskro 10:8

Koon i cheb win hadella, nai perell koi dren. Un koon i massuri khetne phagella, koles nai dandrell i sap.

Jesaja 10:2

An i tchorwelengro koowa rakrenn le kek tchatchepen win. Un kolenge, kai gar an-dikle hi mank mire menshende, lenn le kowa krik, hoi lenge pal o tchatchepen hi. Jon lenn kowa krik, hoi i djuwjen hi, kolengre romma meran, un tchorenn i tchawen win, kolen kek dad buder hi.

Jesaja 10:3

Hoi kamenn tumer te krell ap ko diwes, kai well tumari phagi pral tumende? Ap ko diwes, kai well i bibacht fun dural pral tumende? Pash koneste kamenn tumer palle te nashell? Un kai mukenn tumer palle tumaro brawlepen?

Bičepangre 28:4

Har kol menshe ko themestar ko sap ap leskro wast dikan, penan le: “Kawa hi jek, kai maras jekes. Dran o baro pani was job djido win, un kanna lell lo peskri phagi.”

5. Mose 32:24

I bokatar merenn le, un o fibro chal len pre. Pharo nasslepen marell len. Me bitchrau diwje vieche un tchilatche sapa mank lende, kai dandrenn len mulo.

Josua 10:18

Koi penas o Josua: “Tchiwenn bare barra glan i grotta, te nai djal kek win. Un tchiwenn murshen glan late tardo, hoi ap late jak denn.