Amos 4:9 - O Debleskro Drom 2021 (Sinte)

⁹ Me bitchrom i tato phurdepen un i nasslepen ap tumaro djob, jaake te meras o djob tele. Ninna chan i stepangre lauter, hoi bares was an tumari baar un an tumaro drakengro them, ap tumare faigetikre ruka un djeteskre ruka. Ninna palle wan tumer gar pale pash mande, penell o baro Dewel.

O Debleskro Lab 2024 (Sinte-Manouche)

⁹ Me bičrom i tato phourdepen oun i nasslepen ap t'maro djob, yaake te meras o djob tele. Ninna rhan i stepangre lauter, hoy bares vas an t'mari baar oun an t'maro drakengro them, ap t'mare faygetikre rouka oun djeteskre rouka. Ninna palle van t'mer gar pale pash mande, penell o baro Devel.

Amos 4:9 ပူးပေါင်းရင်းမြစ်များ

1. Rajengro liil 8:37

Nai well i bari bok pral kau them, ninna i djungelo nasslepen, i tsiro, kai dell kek brishin, i nasslepen ap o djob, bud stepangre un kirme, kai chan o tselo senlepen, lurde, kai wenn dran wawar themma un tchiwenn pen trul i forja un pandenn len dren – hawi bibacht un nasslepen ninna wella,

2. Familjakro liil 6:28

Nai well i bari bok pral kau them, ninna i djungelo nasslepen, i tsiro, kai dell kek brishin, i nasslepen ap o djob, bud stepangre un kirme, kai chan o tselo senlepen, lurde, kai wenn dran wawar themma un tchiwenn pen trul i forja un pandenn len dren – hawi bibacht un nasslepen ninna wella,

Jesaja 1:5

Han gomme gar doha dino? Hoske rikrenn tumare djia pandlo un djan dureder ap tumaro tchilatcho drom? Tumaro tselo shero hi pherdo dukepen, un tumaro tselo dji hi nasselo.

Jesaja 50:11

Tumer lauter, kai i jag krenn, un kashta tchinenn un an-chatchenn, te denn tchurje lentsa, nashenn an tumari jag! Un chatchrenn tumen kokres kol kashtentsa, hoi an-chatchan! Kawa hi, hoi ap tumende well dran o wast o baro Deblestar: An phare duka wenn tumer koi tchiddo.

Jesaja 9:12

Un i menshe dran Israel wan gar pale pash koleste, kai len kol dawa dell, un rodan gar o baro Debles, ko rajes pral o bolepen un i phub.

Jeremia 3:10

Un an ko tselo koowa was i Juda, lakri pheen, gar pash mande o tselo djijestar, kokres o mujeha, penas o baro Dewel.

Jeremia 5:3

Baro Dewel, tire jaka dikenn ap i djipen an o tchatchepen. Tu dal len i phagi. – Jon haiwenn kowa gar. Tu kral len paash mulo. – Un jon atchan, har jon hi. Jon djan pal pengro shero. un kamenn gar pengro tchilatcho drom te mukell.

Hosea 11:5

An o them Egiptia djan le gar pale. O them Assur well o rai pral lende, doleske kai kaman le gar pale pash mande te well.

Joel 1:4

Bud bud stepangre wan pral o them un beshan pen ap o djob. Hoi mukan kolla pral, chan kolla, kai pal lende wan. Hoi kolla pral mukan, chan kolla, kai pal kolende wan. Hoi palle pral atchas, chan kolla, kai pal kolende wan.

Joel 1:7

Tchi hi buder ap mare drakengre ruka, kek patria hi buder ap mare faigetikre ruka. Ninna lengro kasht hi nango un parno, lauter hoi ap lende his, chan le tele.

Joel 2:25

Un me dau tumen kol bersha pale, hoi nashran, har i bud stepangre lauter chan. Me homs, kai kolen lauteren mank tumende bitchrom.

Amos 4:6

Me hom kowa, kai bitchras i bok an tumare tsele forja. Ninna te his tumen gar doha chapen an o tselo them, wan tumer gar pale pash mande, penell o baro Dewel.

Amos 4:8

Un i menshe dran dui, triin forja djan an i wawar foro, te hatsenn le pani. Un kote his gar doha lenge. Ninna palle wan tumer gar pale pash mande, penell o baro Dewel.

Habakuk 3:17

O faigetikro ruk hi gomme gar senelo, un ap i drakengre ruka hi kek drake. O djeteskro ruk hidjrell kek djeteskre drake. un ap i hachetikri phub well kek djob baro. Kek bakre hi win, un kek grumja hi tarde an i stanja.

Haggai 2:17

Me rikrom o brishin pale, tumaro djob meras tele, brishineskre barra mukom ap tumari hachetikri phub te perell. Pal ko tselo koowa wan tumer gar pale pash mande, un mangan tumen gar tele pash mande.

Maleachi 3:11

Un me rikrau i stepangren dur krik tumari phubjatar, te chan le gar kowa pre, hoi kote baro was. Un tumare drakengre ruka wenn pherde drake. Ko penell o baro Dewel, ko rai pral o bolepen un i phub.

5. Mose 28:22

Job bitchrell tumen sawo nasslepen, hoi chal tumen pre, tumaro mass well lolo un tato, un i fibro chatchell an tumende. Un job rikrell o brishin pale an tumaro them. Un i tato ducho krell, te well o djob nasselo un merell tele. Un kowa halauter well pral tumende bis te mulo han.

5. Mose 28:42

Tumare tsele ruka un halauter hoi an tumaro them bares was, chan i stepangre.