Amos 4:8 - O Debleskro Drom 2021 (Sinte)

⁸ Un i menshe dran dui, triin forja djan an i wawar foro, te hatsenn le pani. Un kote his gar doha lenge. Ninna palle wan tumer gar pale pash mande, penell o baro Dewel.

O Debleskro Lab 2024 (Sinte-Manouche)

⁸ Oun i menshe dran douy, triin forya djan an i vavar foro, te hatsenn le pani. Oun kote his gar doha lenge. Ninna palle van t'mer gar pale pash mande, penell o baro Devel.

Amos 4:8 ပူးပေါင်းရင်းမြစ်များ

1. Rajengro liil 18:5

Un o Ahab penas ap o Obadja: “Mer djas an o tselo them trujel, pash hake panja, tikne un lengste, un rodas senlepen, te nai atchenn i graja un i maultikre burike djido, un kek vieche merenn hunte.”

Jesaja 9:12

Un i menshe dran Israel wan gar pale pash koleste, kai len kol dawa dell, un rodan gar o baro Debles, ko rajes pral o bolepen un i phub.

Jeremia 23:14

Ko djungelo koowa, hoi dikau pash mire rakepangre an Jerusalem, hi gomme bareder: I mursha chochenn pengre romjen, un i djuwja pengre romen; jon rakrenn chochepen, un krenn i tchilatchen sorelo. Jaake rikrenn le i menshen pale, te mukenn le pengro tchilatcho drom. Kal rakepangre hi jaake tchilatcho har i menshe an Sodom un Gomorra his.

Jeremia 3:3

Doleske dell kek brishin an o wend, witar gar an o nijal. Tu dikeh win har i lubni un kameh tut gar te ladjell.

Jeremia 3:7

Un me patsom, har joi kowa lauter kras, well joi pash mande pale. Kowa kras joi gar. Lakri pheen, i Juda, kai man ninna chochras, dikas,

Jeremia 5:3

Baro Dewel, tire jaka dikenn ap i djipen an o tchatchepen. Tu dal len i phagi. – Jon haiwenn kowa gar. Tu kral len paash mulo. – Un jon atchan, har jon hi. Jon djan pal pengro shero. un kamenn gar pengro tchilatcho drom te mukell.

Hosea 11:5

An o them Egiptia djan le gar pale. O them Assur well o rai pral lende, doleske kai kaman le gar pale pash mande te well.

Hosea 7:10

I Israelengre pre-phurde djia sikrenn, har bud doosh ap lende hi. Ninna te hi kowa jaake, wenn le gar pale pash mande, lengro baro Debleste, un rodenn man gar.

Amos 4:6

Me hom kowa, kai bitchras i bok an tumare tsele forja. Ninna te his tumen gar doha chapen an o tselo them, wan tumer gar pale pash mande, penell o baro Dewel.

Micha 6:14

Te chan tumer tchomone, wenn gar tchalo. Un kowa, hoi tumer tumenge ap i rig tchiwenn, nai rikrenn gar. Kowa, hoi tumenge atchas, krau paash an o kurepen.

Haggai 1:6

Tumer budrenna ap tumari phub, un anenn gar bud dren. Tumer chan un wenn gar tchalo; tumer pijenn un tumari trush atchella; tumer riwenn tumen latches an, un tumenge well gar tates. Un kones lowe hi, kowa tchiwell len an i possita, kai i cheb dren hi.

Haggai 2:17

Me rikrom o brishin pale, tumaro djob meras tele, brishineskre barra mukom ap tumari hachetikri phub te perell. Pal ko tselo koowa wan tumer gar pale pash mande, un mangan tumen gar tele pash mande.