Amos 4:7 - O Debleskro Drom 2021 (Sinte)

⁷ Triin tchon glan kowa kai anan tumaro djob dren, rikrom o brishin pale. Un me dom brishin ap jek foro un gar ap i wawar. O brishin peras ap jek hachetikri phub, un koi wawar phub, kai kek brishin das, meras tele.

O Debleskro Lab 2024 (Sinte-Manouche)

⁷ Triin čon glan kova kay anan t'maro djob dren, rikrom o brishin pale. Oun me dom brishin ap yek foro oun gar ap i vavar. O brishin peras ap yek harhetikri phoub, oun koy vavar phoub, kay kek brishin das, meras tele.

Amos 4:7 ပူးပေါင်းရင်းမြစ်များ

2. Mose 10:22

Un o Mose hadas peskro wast pash o bolepen pre. Kote was i kali rat pral o tselo them Egiptia. Triin diwessa atchas li.

2. Mose 10:23

Jaake kales his, te nai dikas jek o wawares gar. Un kek stas kote pre, kai job his. Pash i Israelitarja his diwes, kote kai jon djiwan.

2. Mose 8:22

O Mose penas: “Kowa djal gar. Kol viechen, hoi mer maro baro Debleske marah, hi pale-tchiddo pash i Egiptarja. Te marah mer kol viechen kote, kai i Egiptarja nai dikenn men, palle hadenn jon barra pre un witsrenn men lentsa mules.

2. Mose 9:26

Kokres an o them Gosen, kai i Israelitarja djiwan, kote peras kek barrengro brishin tele.

2. Mose 9:4

Kau baro nasslepen well gar ap i viechende, hoi i Israelitarjen hi. O baro Dewel krell wawartchandes pash i Egiptarja har pash i Israelitarja. Kolendar merell kek viecho.”

Jesaja 5:6

Un me mukau ko them tchiddo, har lo hi. I ruka wenn gar pale tchinlo, un i phub gar trujel witsedo. Palle wenna subjengre burra un subjengro senlepen bares koi pre. Un me penau o brishineske, te perell lo gar koi tele.

Jeremia 14:22

Kek dewel, koles i menshe an wawar themma an-mangenna, nai bitchrell brishin! Witar gar dell o bolepen dran peste brishin! Na-a, maro baro Dewel, tu hal kowa, kai krell sawo koowa. Doleske dikah ap tute.

Jeremia 14:3

Kol brawele bitchrenn pengre budepangren pal pani. Kolla djan pash i brunna, un hatsenn kek pani. Lengre khore anenn le kek panjeha pale. Lenge hi ropaske, un khatrenn pengro mui i ladjatar.

Jeremia 14:4

I phub hi truk un dell gole pal brishin. Doleske hi kol hachenge ropaske, un khatrenn pengro mui.

Jeremia 3:3

Doleske dell kek brishin an o wend, witar gar an o nijal. Tu dikeh win har i lubni un kameh tut gar te ladjell.

Joel 2:23

Un tumer menshe dran o foro Zion, awenn bachtelo, un giwenn pral kowa, hoi kras o baro Dewel. Job hi tumaro Dewel, un dell tumen doha brishin ap o tchatcho tsiro, har lo kras glan kowa,

Zakarie 14:17

Te hi jek them ap kai phub, dran koleste wenn le gar an Jerusalem, te sharenn le o baro Debles, ko rajes pral o bolepen un i phub, palle dell kek brishin ap ko them.

Johanni 4:35

Tumer penenna: An star tchon anenn le o djob dren. Krenn tumare jaka pre, un dikenn tumen trujel: O tsiro hi kanna kai. Kanna well o djob dren anlo.

1. Korintarja 4:7

Koon penas tuke, te hal tu feteder har ko wawar? Kowa, hoi tut hi, hi tut o Deblestar. Te das job tut lauter, hoske shareh tut?

5. Mose 11:17

Te krenn sawo koowa, nashte well i choli o baro Deblestar pral tumende, un job pandell o bolepen tele, te dell buder gar brishin, un i phub nai mukell tchi pre te djal. Palle merenn tumer sik win an kau latcho them, hoi o baro Dewel tumen das.

Jakobo 5:17

O Elija his i mensho har mer. Job mangas o Deblestar, te dell kek brishin. Un koi das kek brishin ap i phub triin bersha un shob tchon.

Debleskro tsiro 11:6

Len hi i soor, te rikrenn le o brishin pale, jaake te dell kek brishin ap ko tsiro, kai jon o Debleskro lab penenna. Un len hi i soor pral o pani, te nai krenn le dran kol tsele panja rat. Ninna hi len i soor, te nai anenn le haki bibacht pral i phub, jaake bud kope, har jon kamenna.