Amos 4:2 - O Debleskro Drom 2021 (Sinte)

² O baro Dewel, maro rai, das pes sowel pash peskro lab: O tsiro wella, kai taprenn le tumen jaake har matche tapedo wenn i ranjentsa. Hakeno tumendar hi har i matcho ap i raan.

O Debleskro Lab 2024 (Sinte-Manouche)

² O baro Devel, maro ray, das pes sovel pash peskro lab: O tsiro vella, kay taprenn le t'men yaake har mače tapedo venn i ranyentsa. Hakeno t'mendar hi har i mačo ap i raan.

Amos 4:2 ပူးပေါင်းရင်းမြစ်များ

Debleskri gili 89:35

Koi sowel, hoi lenge dom, phagau gar. Un kol laba, hoi dran miro mui djan, krau me gar wawartchandes.

Debleskri gili 89:36

Jek kopo dom me man sowel, un chochau o Davides gar: Jaake har tchatcho hi, kai hom o Dewel, jaake hi tchatcho,

Jesaja 37:29

Tiri choli was glan mire kanda. Tiro pre-phurdo rakepen hi prindjedo mandar. Kanna shun, hoi tuke krau: An tiro nak i gustri tchiwau, un i ledertikri rima trul tiri meen pandau, un ap ko drom, kai tu wal, bitchrau me tut kanna pale pale.

Jeremia 16:16

Me kamau bud matchepangren win bitchrell. Kolla hunte matchrenn len. Pal kowa bitchrau bud jegarjen win, te taprenn jon len, kai jon ninna hi: ap haki bari un tikni berga, un mank kol bare barra, kai khatran le pen.

Ezekiel 29:4

Me dau sasterne kanengre tchurje an tiro mui. Un krau te atchenn i matche an tire shuppe pandlo. Palle tserdau tut win dran o pani khetne kol matchentsa, kai ap tute pandlo hi.

Ezekiel 34:16

Kolla, kai nashedo hi, rodau me. Un kolla, kai nashran pen, anau me pale. Un kolla, kai pen dukran, pandau i diklo trujel. Un kolla, kai nasselo hi, krau soreles. Un i thullen un sorelen lau an i jak. Me dau jak ap lende har mishto hi.

Ezekiel 38:4

Un krau, te rissress tut trujel. Un me dau sasterne kanengre tchurje an tiro mui. Un tserdau tut win dran tiro them tire tsele lurdentsa, i grajentsa un kolentsa hoi ap lende klissenn, halauter shukar an-rido. Bud bud lurde hi le, un hidjrenn bare un tikne shilte un chare.

Amos 6:8

O baro un sorelo Dewel, ko rai pral o bolepen un i phub, das pes sowel pash peskro djipen un penas: Me hom chojedo pral o pre-phurdepen o Jakobeskre tchawendar, un nai dikau lengre shukar khera buder gar glan i jaka. Doleske dau o foro un lauter, hoi koi dren hi, an i wasta wawar menshendar.

Amos 8:7

O baro Dewel, koles i Israelitarja sharenn, job das pes sowel un penas: An kek tsiro bistrau kau tchilatcho koowa, hoi le kran.