Amos 4:13 - O Debleskro Drom 2021 (Sinte)

¹³ O Dewel hi kowa, kai kras i berge, un mukell o phurdepen pral i phub te djal. Job sikrell i menshende, hoi kamell lo te krell. Job mukell o kham pre un tele te djal. Job hi o rai pral i tseli phub. Leskro lab hi: Baro Dewel, rai pral o bolepen un i phub.

O Debleskro Lab 2024 (Sinte-Manouche)

¹³ O Devel hi kova, kay kras i berge, oun moukell o phourdepen pral i phoub te djal. Yob sikrell i menshende, hoy kamell lo te krell. Yob moukell o kham pre oun tele te djal. Yob hi o ray pral i tseli phoub. Leskro lab hi: Baro Devel, ray pral o bolepen oun i phoub.

Amos 4:13 ပူးပေါင်းရင်းမြစ်များ

Hiob 9:7

Rakrell lo soreles ap o kham, djal o kham gar pre. Un i bolepangre momelentsa krell lo, te wenn le gar diklo.

Debleskri gili 135:7

Job mukell wolke pral i phub pre te djal, dell brishin ap i phub, ninna koi jag, hoi ap o bolepen pre un tele karje dell. Job anell o baro ducho win, hoi pral i phub phurdell.

Debleskri gili 139:2

Tu prindjreh miro beshepen un miro tardepen. Tu haiweh fun dural, hoi an miro shero trujel djal.

Debleskri gili 147:18

Job penell i lab, un o gib well pani; job bitchrell i ducho, hoi phurdell pral i phub, un o pani, hoi djajedo his, nashella palle.

Debleskri gili 65:6

Tu rakreh mentsa dran baro koowa, hoi tu kreh an tiri soor un an tiro tchatchepen. Tu, Dewel, leh men win dran o tchilatchepen. Ap tute dikenn i menshe ap i tseli phub. Ninna kolla dikenn pal tute, kai djiwenn pash i bare panja, hoi jaake dur krik hi.

2. Mose 10:22

Un o Mose hadas peskro wast pash o bolepen pre. Kote was i kali rat pral o tselo them Egiptia. Triin diwessa atchas li.

2. Mose 14:20

te was li mashkral i Egiptarja un i Israelitarja. Un joi his kali glan i Egiptarja. Pash i Israelitarja his li i momeli an i rat. Un i tseli rat nai wan i Egiptarja gar pash lende.

Jesaja 40:12

Koon hi jaake baro, te nai lell lo i tsele panja an peskro wast? Koon nai tchiwell peskro wast ap o bolepen un penell, har buchlo kowa hi? Koon nai tchiwell i tseli tchik i phubjatar an i baro tcharo, te dikell lo har bud kowa hi? Un koon nai penell, har pharo i berge hi, un nai tchiwell len ap i waga? Kek mensho nai krell kowa!

Jesaja 45:7

Me hom kowa, kai krell, te well diwes un rati. Me hom kowa, kai dell bacht un bibacht. Me, o baro Dewel, krau kowa lauter.

Jesaja 47:4

Kowa penell o Israeleskro Dewel, kai kokres ko tchatcho Dewel hi, un kai lell o koowa peskre menshendar an peskro wast. Leskro lab hi ‘baro Dewel, rai pral o bolepen un i phub’.

Jesaja 48:2

Tumer kharenn tumen pal o Debleskro foro, un rikrenn tumen ap o Debleste pral o Israel. Leskro lab hi ‘baro Dewel, rai pral o bolepen un i phub’.

Jesaja 5:30

Un an ko tsiro well pral lende i bari gole, sawi gole har o baro pani krell. Un te dikell jek palle tele ap i phub, dikell lo kalepen un bare duka. Un pesse wolke krenn, te well o diwes tamlo.

Jeremia 10:13

Te dell job gole, well bud pani khetne an o bolepen; i wolke mukell job te well fun dural, un mukell jag pral un tele karje te dell an o brishin. Ninna o phurdepen well win dran peskro kheer.

Jeremia 10:16

Har wawartchandes hi ko Dewel, koles o Jakobeskre tchawe an-mangenna! Job hi kowa, kai kras halauter. Un i Israelitarja hi leskre menshe. Job kharell: o baro Dewel, ko rai pral o bolepen un i phub.

Jeremia 13:16

Hadenn tumaro baro Debles, jaake rah har o diwes hi, un tumen tumare pire gar an o tamlepen ap i berge dukrenna. Ninna te lurenn tumer ap koi momeli, anell o baro Dewel tamlepen un kali rat pral tumende.

Jeremia 46:18

Me dau man sowel pash miro djipen, penell o baro rai, koleskro lab hi ‘o baro Dewel, o rai pral o bolepen un i phub’: I baro rai wella, kai hi bareder har i tsele wawar, jaake har i berga Tabor bareder hi har i berga trul late, un har i berga Karmel hadell pes pash o baro pani.

Jeremia 51:16

Te dell job gole, well bud pani khetne an o bolepen; i wolke mukell job te well fun dural, un mukell jag pral un tele karje te dell an o brishin. Ninna o phurdepen well win dran peskro kheer.

Jeremia 51:19

Har wawartchandes hi ko Dewel, koles o Jakobeskre tchawe an-mangenna! Job hi kowa, kai kras halauter. Un i Israelitarja hi leskre menshe. Job kharell: o baro Dewel, ko rai pral o bolepen un i phub.

Daniel 2:28

Kanna djin, an o bolepen hi i Dewel, kowa nai sikrell, hoi khatedo hi. Un job mukell o baro rajes Nebukadnezares te djinell, hoi wella an kol tsirja, kai wenna. Ake kowa, hoi suni dal un ko dikepen, hoi dikal, har sowal:

Daniel 2:30

Me hom gar gosweder har i wawar, kai ap i phub djiwenna. Man was kawa sikedo, te djiness tu, hoi koi suni kamell te penell, un te haiwess, hoi an tiro dji hi.

Hosea 12:6

job, o rai pral o bolepen un i phub, leskro lab hi ‘baro Dewel’.

Joel 2:2

Kowa hi i kalo diwes, i tamlo diwes, pherde wolke. Jaake sik har o kham pre djal pral i berge, wenn bud bud lurde pral o them, kolla hi jaake sorelo un jaake bud, har gomme gar koi his, un witar buder gar wella an kek tsiro.

Amos 3:13

O baro Dewel, ko rai pral o bolepen un i phub, penell: Shunenn kal laba, un penenn i menshenge dran o Jakobeskro kheer: Kowa hi tchatcho:

Amos 5:27

an ko tsiro, kai anau tumen pandles an i them, hoi hi tchiddo pal o foro Damaskus. Me, o baro Dewel, ko rai pral o bolepen un i phub, penau kowa.

Amos 5:8

O baro Dewel kras o bolepangre momlia, kol momlia, hoi sikrenn: o wend well un i nijal well. Dran i rat krell job o diwes, un dran o diwes i rat. Dran o baro pani lell job o pani un tchorell les ap i phub. Job kharell ‘Baro Dewel’.

Amos 6:8

O baro un sorelo Dewel, ko rai pral o bolepen un i phub, das pes sowel pash peskro djipen un penas: Me hom chojedo pral o pre-phurdepen o Jakobeskre tchawendar, un nai dikau lengre shukar khera buder gar glan i jaka. Doleske dau o foro un lauter, hoi koi dren hi, an i wasta wawar menshendar.

Amos 8:9

O baro Dewel, maro rai, penell: An ko diwes djal o kham tele mashkral o diwes. Un mashkral o diwes well i rati pral o them.

Amos 9:6

Job hi kowa, kai krell peskro kheer an o bolepen, un tchiwell peskro bolepaskro kheer pral i phub. Job dell o pani win gole dran o baro pani, un tchorell les ap i phub. Leskro lab hi ‘baro Dewel’.

Micha 1:3

Dikenn, o baro Dewel djal win dran peskro kheer, un well tele un djal pral i berge ap kai phub.

Habakuk 3:19

O baro Dewel krell man soreles. Job krell mire pire har i pire o tserfestar, te nai stap pral i berge un perau gar. Pash kai gili well bashedo ap dorjengre bashepangre.

Zakarie 12:1

Kawa hi o lab, hoi penas o baro Dewel pral o Israel: Kowa penell o baro Dewel, kai kras o bolepen buchlo un tchiwas i phub soreles tardo, un das o menshes o ducho.

Mateo 9:4

Un o Jesus haiwas, hoi an lengro shero trujel djas. Un job penas ap lende: “Hoske djal sawo tchilatchepen an tumaro shero trujel?

Johanni 2:25

Job djinas, har i menshe hi. Leske hunte penell kek, hoi an o mensheskro dji hi.

Johanni 3:8

O sorelo ducho, hoi phurdell pral i phub, djal, kai kamell lo. Tu shuneh les. Kai job wella, un kai job djala, djineh tu gar. Jaake hi pash koleste, kai wella dran Debleskro Ducho boldo.”

5. Mose 32:13

Job mukas len o rai te well pral o pralstuno them. Un jon nai chan o djob ap i hachetikri phub. Gwin mukas lo len te hatsell mank i bare barra, un djet te lell i rukendar, hoi ap barrengri phub bares wan.

5. Mose 33:29

Bachtelo han tumer, Israelitarja! Koon hi jaake har tumer? Tumen kokres las o baro Dewel dran o pandepen win. Job well ap tumari rig, un rikrell peskro wast pral tumende. Job kurell pes tumenge, un krell, te wenn tumer sorleder har kolla, kolentsa kurenn tumen. Jon hunte witsrenn pen tele glan tumende, un tumer djan pral lende wergel.