Amos 4:11 - O Debleskro Drom 2021 (Sinte)

¹¹ His sawe forja pash tumende, kai krom jaake paash, har krom i forja Sodom un Gomorra paash. Un tumer hans har i kotar kasht, hoi was win tserdedo dran i jag. Ninna palle wan tumer gar pale pash mande, penell o baro Dewel.

O Debleskro Lab 2024 (Sinte-Manouche)

¹¹ His save forya pash t'mende, kay krom yaake paash, har krom i forya Sodom oun Gomorra paash. Oun t'mer hans har i kotar kasht, hoy vas vin tserdedo dran i yag. Ninna palle van t'mer gar pale pash mande, penell o baro Devel.

Amos 4:11 ပူးပေါင်းရင်းမြစ်များ

Jesaja 13:19

O Babilon his i shukester foro mank i rajengre themma. Koleha sharenn pen i Kaldearja. O Dewel krell kau foro paash, jaake har lo i forja Sodom un Gomorra paash kras.

Jesaja 7:4

Un pen ap leste: “De jak! Atch pokones! Ab sorelo un ma traash glan kol dujende, o Rezin, ko Syrari, un o Pekach, koleskro dad o Remalja hi. Ninna te hi le chojedo, hi le tchi wawar har tele chatchedo kasht, kai gomme jagakro ducho pre djal.

Jesaja 9:12

Un i menshe dran Israel wan gar pale pash koleste, kai len kol dawa dell, un rodan gar o baro Debles, ko rajes pral o bolepen un i phub.

Jeremia 23:14

Ko djungelo koowa, hoi dikau pash mire rakepangre an Jerusalem, hi gomme bareder: I mursha chochenn pengre romjen, un i djuwja pengre romen; jon rakrenn chochepen, un krenn i tchilatchen sorelo. Jaake rikrenn le i menshen pale, te mukenn le pengro tchilatcho drom. Kal rakepangre hi jaake tchilatcho har i menshe an Sodom un Gomorra his.

Jeremia 49:18

Jaake har djas i forjenge Sodom un Gomorra un kol forjenge trul lende, jaake djal ninna o themeske Edom: Ko them well jaake paash dino, kai nai djiwell buder kek mensho koi. Un kek mensho krell pes kote i kheer. Kowa penell o baro Dewel.

Jeremia 5:3

Baro Dewel, tire jaka dikenn ap i djipen an o tchatchepen. Tu dal len i phagi. – Jon haiwenn kowa gar. Tu kral len paash mulo. – Un jon atchan, har jon hi. Jon djan pal pengro shero. un kamenn gar pengro tchilatcho drom te mukell.

Jeremia 50:40

Jaake har das o Dewel i forja Sodom un Gomorra khetne, ninna kol forja trul lende, jaake djal ninna o themeske Babilonia: Ko them well jaake paash dino, kai nai djiwell buder kek mensho koi. Kowa penell o baro Dewel.

Ezekiel 24:13

Jerusalem, kowa, hoi kras tut pale-tchiddo, hi tiro wi-ladjedo koowa. Har kamom me ko pale-tchiddo koowa tutar krik te lell, kamal te atchell har hals. Doleske atcheh pale-tchiddo, jaake rah me miri choli ap tute win mukom!

Hosea 11:5

An o them Egiptia djan le gar pale. O them Assur well o rai pral lende, doleske kai kaman le gar pale pash mande te well.

Hosea 11:8

Har nai mukaus me tutar, Efrajim, har nai daus tut an o wast kolendar, kai marenn tut, Israel? Kraus me tuha, har krom kol forjentsa Adma un Zebojim? Na-a, kowa phagals miro dji! Tu khaiteh man jaake!

Amos 4:6

Me hom kowa, kai bitchras i bok an tumare tsele forja. Ninna te his tumen gar doha chapen an o tselo them, wan tumer gar pale pash mande, penell o baro Dewel.

Haggai 2:17

Me rikrom o brishin pale, tumaro djob meras tele, brishineskre barra mukom ap tumari hachetikri phub te perell. Pal ko tselo koowa wan tumer gar pale pash mande, un mangan tumen gar tele pash mande.

Zakarie 3:2

Un o bolepaskro o baro Deblestar penas ap o bengeste: “O baro Dewel te tchingrell ap tute, tu beng! O baro Dewel, kai rodas o Jerusalem win, mu tchingrell ap tute! Kau mursh hi har i kasht, win tserdedo dran i jag.”

Remarja 9:29

Kowa hi jaake har o Debleskro rakepaskro, o Jesaja, penas: Te mukals o Dewel, ko rai pral o bolepen un i phub, gar tchawe mendar te atchenna pral, palle merans mare tsele menshe jaake har i menshe an i forja Sodom un Gomorra.

1. Korintarja 3:15

Te chatchrell kowa an i jag krik, hoi job pre tchiwas, nashrell job lauter. Job kokres djal gar nashedo. Job hi har jek, kai nashell dran i kheer win, hoi chatchella.

5. Mose 28:24

Awa, brishin dell gar buder ap tumende tele. Na-a, tchik un santa phurdell o baro Dewel pral tumaro them, bis te han mulo.

5. Mose 29:23

Palle penenn i menshe dran i tsele wawar themma: “Hoske kras o baro Dewel kawa kau themeha? Hoske was lo jaake chojedo?”

2. Petro 2:6

Un o Debleskri choli was pral kol forja Sodom un Gomorra. Un job chatchras kol forja jaake te atchas tchi har barra un jagakri tchik. Jaake sikras job kolende, kai pal lende wenna, hoi djal kolentsa, kai gar ap leste shunenna.

Judas 1:23

Wawar nashran pen. Kolen anenn ap o tchatcho drom! Kowa hi jaake har te tserdans len dran i jag win. Wawar djiwenn i djungelo djipen. Rakrenn ninna kolenge latches an o dji! Un denn garda, te krenn gar kowa, hoi jon krenna. Lengro djipen hi har i tchiklo ripen ap lende.

Judas 1:7

Jaake lan ninna kol menshe i phagi, kai djiwan an i forja Sodom un Gomorra un an kol forja trul lende. Jon kran wi-ladjedo koowa har kol bolepangre un djan wawar mass palla. I phagi, hoi pral kol menshende was, sikrell mende, hoi kolenge djal, kai sawo koowa krenna. Jon djan an i jag, hoi hako tsiro chatchella.

Debleskro tsiro 9:20

Un kol wawar menshe, kai gar maredo wan, kolla mukan gar pengro tchilatcho drom, un mukan gar tele, te mangenn le kowa an, hoi jon pen pengre wastentsa kran. Jon mukan gar tele, te mangenn le i bengen an, witar gar kol figuren dran sonakai, rup, saster, barra un kasht, hoi gar nai dikenna, un gar nai shunenna, un gar nai nashenna.