Amos 4:1 - O Debleskro Drom 2021 (Sinte)

¹ Shunenn kau lab, tumer romja i pralstunendar pral o foro Samaria! Tumer han har i thulle grumja ap i berge Bashan. Tumer krenn i tchorwelenge tchilatchepen, rikrenn i tiknen tele, un penenn ap tumare romende: Anenn menge mool, te pijas mer!

O Debleskro Lab 2024 (Sinte-Manouche)

¹ Shounenn kava lab, t'mer romya i pralstunendar pral o foro Samaria! T'mer han har i thoulle groumya ap i berge Bashan. T'mer krenn i čorvelenge čilačepen, rikrenn i tiknen tele, oun penenn ap t'mare romende: Anenn menge mool, te piyas mer!

Amos 4:1 ပူးပေါင်းရင်းမြစ်များ

1. Rajengro liil 16:24

Palle ginas lo koi berga Samaria o murshestar Shemer, un plaissras dui zentnarja rup. Un kote ap koi berga kras lo i foro, un kharas kau foro “Samaria” pal ko lab o murshestar Shemer, koleske i berga glan kowa his.

Hiob 20:19

I tchorwelen rikras lo tele, un was lenge gar ap i rig. Job tradas menshen dran pengre khera, te lell lo peske kol khera, hoi job gar kras.

Hiob 24:4

Jon tradenn i tchorwelen o dromestar tele. Un kolen tchi hi, kolla hunte khatrenn pen lendar.

Debleskri gili 12:5

un penenna: “Mer haiwah te rakrell. Maro rakepah ham soreles. Koon hi o pralstuno pral mende?”

Debleskri gili 140:12

Koles i tchilatchi tchip hi, koles te well kek bacht an kau them! Un i marepangre, te wenn le tradedo i bibachtjatar un hunte perenn!

Debleskri gili 22:12

Atch gar dur mandar, man hi daar, un kek hi ap miri rig tardo.

Gosewe laba 22:7

O brawelo hi o rai pral o tchorweleste. Un kowa, kai patsell peske lowe, hunte budrell koleske, pash koleste job sijaan hi.

Sikepaskro 4:1

Palle dikom halauter, hoi gar tchatcho hi ap i phub. Me dikom i swa kolendar, kai dan le lenge gar lengro tchatchepen, un kolenge kek ap i rig was. Kolla, kai kran lenge tchilatchepen, his sorelo. Doleske was kek ap lengri rig.

Sikepaskro 5:8

Hi feteder o themeske, te hi les i baro rai, kai dikell koi pre, te well ap o hachetikro them budedo, te well i menshen doha djipaske.

Jesaja 28:1

Djungeles djal tuke, tu foro Samaria! Tu hal tchiddo ap i berga, hoi hi tardo pral o brawelo them. Un hal har i rajeskri stadi. I menshe dran o them Efrajim, kai i moljatar mate hi, sharenn pen tuha. Tiro shukapen hi har i blume, hoi merell tele.

Jesaja 5:8

Djungelo djal kolenge, kai krenn pen jek kheer pal o wawar, un ginenn penge jek kotar phub pal o wawar, bis te buder kek kotja phub pral atchenn, un lenge kokres o tselo them hi.

Jesaja 56:12

Jon denn gole: Awenn kai, me kamau mool te anell, te pijas men mates! Un taissar krah har kau diwes, un gomme shukeder!

Jesaja 58:6

Kanna penau tuke, hoi i diwes hi, hoi glan mire jaka mishto hi: I diwes, kai kreh tu kol shelle pre kolendar, kai pandlo wan, un kai kek tchilatchepen kran. Muk kolen te djan, ap kolende pharo koowa tchiwal! Le ko koowa krik, koleha len tele rikral! Un phage kol shelle, hoi trul lengre menja pandlo hi.

Jeremia 50:11

Ninna te han bachtelo un sharenn tumen, kai randan miro them win, un stenn har o terne grumja an o senlepen, un denn gole har i sorele graja,

Jeremia 50:27

Marenn i tsele terne murshen, denn len tele tchurje har terne gurma! Har djungeles djal lenge! Lengro diwes was, ko tsiro, kai lenn le pengri phagi!

Jeremia 51:34

O foro Jerusalem penell: O Nebukadnezar, ko baro rai dran o them Babilonia, chas man pre un maras man. Har i baro panjeskro sap chas lo man, un kras peskro per pesso miro brawlepah. Palle witsras lo man krik har i khoro, kai tchi dren hi. “Mu well pral o foro Babilon ko tchilatchepen, hoi was menge ninna kerdo”, penenn i menshe ap i berga Zion. “I Babilonarja mukan maro rat te nashell. Kanna mu nashell lengro rat!”

Jeremia 6:6

Kawa penell o baro Dewel, o rai pral o bolepen un i phub: Denn i ruka tele an o foro Jerusalem, un krenn i drom, hoi djal pre ap o foreskri massuri o forestar Jerusalem! An kau foro hi tchi har tchilatchepen dren. Doleske lell lo peskri phagi.

Jeremia 7:6

Ma rikrenn kolen tele, kai hi dran i wawar them, witar gar kol tchawen, kai len kek dad buder hi, un kol romjen, kai len kek rom buder hi! Ma denn kol menshen ratles, kai kek tchilatchepen kran! Ma nashenn wawar deblenge palla. Jon anenn tumen an i bibacht.

Ezekiel 18:12

un rikrell i tchorwelen sorjah tele, ninna kolen, kolen gar doha djipaske hi, un lell sorjah peske, hoi gar leskro hi. Te patsas lo lowe win, dell lo kowa gar pale, hoi das les ko tchorwelo ko tsireske, kai les sijaan pash leste hi. Un job mangell i chochene deblen an, un krell, hoi glan o Debleske jaka djungeles hi.

Ezekiel 22:12

Hi sawe mank tumende, kai mukan pen te plaissrell, te marenn le jekes. Kolen, kai sijaan pash tumende hi, kolendar lenn tumer budeder lowe pale, har patsan lenge. Tumer krenn tumen braweles ap i wawarende, kolen tumer chochenn un ap lende sorjah djan. Un man, o baro Debles, tumaro rajes, bistran tumer.

Ezekiel 22:27

Tire pralstune hi har diwje djukle, kai marenn, un hi boklo pal rat. Jon marenn menshen, te lenn le lengro koowa penge.

Ezekiel 22:29

I menshe an Israel chochenn un randenn wawaren. Jon rikrenn kolen tele, kai tchorwelo hi, un kolen gar doha djipaske hi. Ninna i wi-themarjen, kai mank lende djiwenn, rikrenn le sorjah tele, un denn len gar pengro tchatchepen.

Ezekiel 22:7

Kolla, kai an Jerusalem djiwenn, dikenn tele ap pengro dadeste un ap pengri date, un chochenn i wi-themarjen, kai pash lende djiwenn. Un kol djuwjen, kolengro rom meras, un kol tchawen, kolengro dad meras, kolen rikrenn le sorjah tele.

Ezekiel 34:16

Kolla, kai nashedo hi, rodau me. Un kolla, kai nashran pen, anau me pale. Un kolla, kai pen dukran, pandau i diklo trujel. Un kolla, kai nasselo hi, krau soreles. Un i thullen un sorelen lau an i jak. Me dau jak ap lende har mishto hi.

Ezekiel 39:18

Chan o mass i sorele lurdendar, un pijenn o rat i pralstunendar ap kai phub! Jon wenn maredo, har te wans le thulle vieche, kai o Debleske maredo wenn, har murshkane bakre, tikne bakre, busja un gurma, kai halauter dran o them Bashan hi.

Joel 3:3

Un me dau sikepen ap o bolepen un ap i phub: rat, jag un jagakro ducho.

Amos 3:1

Shunenn, tumer Israelitarja, hoi o baro Dewel pral tumende rakras, pral o tselo kheer Israel peskre tsele familjentsa, kolen job win anas dran o them Egiptia:

Amos 3:3

O Amos penas: Nai denn pen dui mursha khetne ap i drom, un kran gar win, kai te taprenn le pen? Na-a!

Amos 5:11

Kowa krenn tumer: I tchorwelen rikrenn tele, un lenn lendar budeder djob har tchatcho hi. Doleske well jaake: An kol shukar newe khera, hoi tumenge kran, djiwenn tumer gar. Un i mool kol newe drakengre rukendar, hoi an i phub tchiwan, pijenn tumer gar.

Amos 6:1

Djungeles djal kolenge, kai djiwenn i shukar djipen ap i berga Zion! Djungeles djal kolenge, kai djiwenn an o foro Samaria, un krenn pen kek shero! Djungeles djal tumenge, kai han i raja pral Israel – koi an-dikli natsjona, pash kolende i Israelitarja wenna!

Amos 6:6

Mool pijenn tumer dran khore, un makenn tumen dren o feteder djeteha. Un tumen hi gar ropaske pral o kheer Josef, hoi paash dino well.

Maleachi 3:5

Un me kamau pash tumende te well, te wap tumaro tchatchepaskro rai. Un mange nai patsenna, me rakrau o tchatchepen win pral i menshende, kai hadenn man gar: kolla, kai durkrenna, kol mursha, kai chochran pengri romjat, un kol djuwja, kai chochran pengri romes, kolla, kai phagenn pengri sowel, un kolla, kai djan djungeles kolentsa trujel, kai budrenn lenge, un kolla, kai chochenn kol djuwjen, kolengro rom meras, un kolla, kai chochenn kol tchawen, kolen buder kek dad hi, un kolla, kai rikrenn kol wi-themarjen tele, kai djiwenn mashkral tumende. Ko penell o baro Dewel, ko rai pral o bolepen un i phub.

4. Mose 21:33

Palle rissran le pen un djan pral ap ko drom, kai djal an o them Bashan. Koi was o baro rai pral o them Bashan, – leskro lab hi Og, – peskre tsele lurdentsa pash lende, te kurell lo pes lentsa, un tapras len pash o foro Edrei.

5. Mose 24:14

Te budrell tuke i tchorwelo Israelitari, ninna i wi-themari, kai djiwell an tiro foro un tiro them, hunte rikress gar leskro plaissepen pale, hoi jek diweske hi.

5. Mose 28:33

Lauter, hoi ap tiri hachetikri phub baro was, koleske tu phares budral, chan sawe menshe, kai wenn dran i dur them. Un tu weh sorjah tele rikedo, un hunte budress tel duka tiro tselo djipen.