Amos 3:15 - O Debleskro Drom 2021 (Sinte)

¹⁵ Me dau lengre nijalengre khera khetne, un ninna lengre wendengre khera. Un khetne perenn kol khera, hoi shukar kerdo hi i dandentsa fun i elefante; hako baro kheer well paash dino, penell o baro Dewel.

O Debleskro Lab 2024 (Sinte-Manouche)

¹⁵ Me dau lengre niyalengre khera khetne, oun ninna lengre vendengre khera. Oun khetne perenn kol khera, hoy shoukar kerdo hi i dandentsa foun i elefante; hako baro kheer vell paash dino, penell o baro Devel.

Amos 3:15 ပူးပေါင်းရင်းမြစ်များ

1. Rajengro liil 22:39

Un ko tselo wawar koowa, hoi pral o Ahab penepaske hi, un halauter, hoi job kras, kowa hi tchinlo an i familjakro liil o bare rajendar pral Israel. Kote dren hi ninna tardo, har job peske i kheer kras dran kutch parno dand, un hawe forja job mukas sorleder te krell.

Debleskri gili 45:8

Tu kameh o tchatchepen, un nai dikeh gar kolen glan tire jaka, kai o tchilatchepen krenna. Doleske rodas tut o Dewel, tiro Dewel, win un tchoras bud bacht pral tute win, budeder har pral hako wawar rajeste.

Jesaja 5:9

O baro Dewel, ko rai pral o bolepen un i phub, das pes sowel un penas glan mire kanda: Kol bud khera wenn paash dino, un kek djiwell buder an kol bare shukar khera!

Jeremia 36:22

His an o wend un o baro rai his beshdo an peskro wendeskro kheer glan i jag.

Amos 2:5

Me bitchrau i jag an o them Juda, un chatchrau kol sorele khera tele an Jerusalem.

Amos 3:11

Doleske penell o baro Dewel, maro rai, ap i menshende an Samaria: Kurepangre wenn trul tumaro them, pandenn les dren, phagenn i sorele massurja tele, un randenn tumare khera win.

Amos 5:11

Kowa krenn tumer: I tchorwelen rikrenn tele, un lenn lendar budeder djob har tchatcho hi. Doleske well jaake: An kol shukar newe khera, hoi tumenge kran, djiwenn tumer gar. Un i mool kol newe drakengre rukendar, hoi an i phub tchiwan, pijenn tumer gar.

Amos 6:11

Djinenn: O baro Dewel, te penell job: ‘O baro kheer hunte perell khetne’, palle perell lo khetne. Un te penell job: ‘O tikno kheer hunte perell an kotja’, palle perell lo an kotja.

Maleachi 1:4

Te penenn ninna leskre tchawe, kol Edomarja: ‘Ninna te wan mare forja paash dino, mer tchiwah len newes pre’, palle penau me, o baro Dewel, ko rai pral o bolepen un i phub: ‘Ninna te tchiwenn le kol forja pale pre, me dau halauter pale paash.’ Un wawar menshe penenn pral lende ‘tchilatcho them’ un ‘kalla hi menshe, pral kolende o baro Dewel pes choirella an hako tsiro’.

Čačepangre 3:20

Un o Ehud was pash leste dren, har o baro rai pral an i isema beshdo his, kai gar jaake tato his, un hoi leske kokres his. Un o Ehud penas: “Ko lab, hoi man tuke hi, hi o Deblestar.” Koi stas o baro rai dran peskri beshepaskri pre.