Amos 3:13 - O Debleskro Drom 2021 (Sinte)

¹³ O baro Dewel, ko rai pral o bolepen un i phub, penell: Shunenn kal laba, un penenn i menshenge dran o Jakobeskro kheer: Kowa hi tchatcho:

O Debleskro Lab 2024 (Sinte-Manouche)

¹³ O baro Devel, ko ray pral o bolepen oun i phoub, penell: Shounenn kal laba, oun penenn i menshenge dran o Yakobeskro kheer: Kova hi čačo:

Amos 3:13 ပူးပေါင်းရင်းမြစ်များ

2. Rajengro liil 17:13

Un o baro Dewel das kol menshen an o them Israel un an o them Juda trad, har mukas lo peskre rakepangre un dikepangre lenge te penell: “Mukenn tumaro tchilatche dromma! Un krenn hoi me penau! Un djiwenn pal miro tchatchepen! Un djan tumaro tselo djijeha ap miro drom, hoi sikrom tumare phurende. Un djiwenn pal kol laba, hoi penan tumenge mire budepangre, kai mire rakepangre hi.”

2. Rajengro liil 17:15

Un jon rikran gar leskre laba. Un ko lab, hoi das lo lengre phurende, kai lo penas, te hi lo lengro Dewel un jon leskre menshe, ko lab his lenge tchi moldo. Jon mukan pen gar lestar trad te dell, un nashan kol deblen palla, hoi tchi molenna. Un jaake djiwan le tchitcheske. Jon kran sawo koowa har kol menshe an i themma trul lende, kolendar o baro Dewel lenge penas, te krenn le gar har jon krenna.

2. Familjakro liil 24:19

Un o baro Dewel bitchras peskre rakepangren pash lende, te wenn le pale pale pash o baro Debleste. Ninna te dan kolla len trad, shunan i menshe gar ap lende.

Jesaja 1:24

Doleske penell o baro Dewel, ko rai pral o bolepen un i phub, kai hi o Israeleskro sorelo Dewel: Dikenn tumen glan! Me dau tumen pale, hoi ap mande kran, tumen, kai kamenn man gar. Miri bari choli well pral tumende, kai krenn lauter wawartchandes, har me kamau.

Ezekiel 2:7

Pen lenge mire laba! Nai well, te shunenn le, nai well, te shunenn le gar. Jon hi menshe, kai mukenn pen tchi te penell.

Amos 3:14

Ap ko diwes, kai dau i Israelenge i phagi lengro tchilatchepaske, dau me i chatchepangre an Betel paash. Lengre shinga wenn tele phagedo, un perenn ap i phub.

Amos 5:27

an ko tsiro, kai anau tumen pandles an i them, hoi hi tchiddo pal o foro Damaskus. Me, o baro Dewel, ko rai pral o bolepen un i phub, penau kowa.

Bičepangre 2:40

Un bud wawar labentsa rakras o Petro lentsa, un mangas len, un penas ap lende: “Mukenn tumen win te lell dran o tchilatchepen, te lenn gar koi phagi, hoi well pral kal tchilatche menshende, kai djiwenn an kau tsiro.”

Bičepangre 20:21

Me penom i biboldenge un kolenge, kai kek bibolde hi, te mukenn le pengro tchilatcho drom, un te djan le ap o Debleskro drom, un te patsenn le ap maro rajeste, o Jesuseste.

Efesarja 4:17

Me penau tumenge soreles, hoi mange o rai Jesus penas: Ma djiwenn buder har kol menshe, kai prindjrenn o Debles gar! Kowa, hoi an lengro shero trujel djala, hi tchi moldo.

5. Mose 8:19

Ma bistrenn tumaro baro Debles! Ma nashenn wawar deblen palla! Un ma witsrenn tumen glan lende tele, te mangenn len an! Te krenn kowa, palle dau tumen kau diwes miro lab pre, te wenn tumer jaake mulo dino,

1. Tessalonikarja 4:6

Kek hunte chochell peskro phrales. Koon kowa krella, koles dell o Dewel i phagi. Jaake penam tumenge, un dam tumen trad.

Josua 22:22

“O baro Dewel hi bareder har i tsele wawar debla! O baro Dewel hi bareder har i tsele wawar debla. Job djinell un tumer hunte djinenn kowa ninna: Mer mukam les gar un hadam men gar pral leste. Te hi kawa gar o tchatchepen, nai denn men mulo.