Amos 3:10 - O Debleskro Drom 2021 (Sinte)

¹⁰ Jon dikenn gar ap o tchatchepen, penell o baro Dewel. Jon lenn penge brawlepen khetne an pengre khera, hoi tchoran le un lan le sorjah i wawarendar krik.

O Debleskro Lab 2024 (Sinte-Manouche)

¹⁰ Yon dikenn gar ap o čačepen, penell o baro Devel. Yon lenn penge bravlepen khetne an pengre khera, hoy čoran le oun lan le zoryah i vavarendar krik.

Amos 3:10 ပူးပေါင်းရင်းမြစ်များ

Hiob 20:21

Job chas lauter an peste dren, mukas tchi pral i wawarenge. Doleske atchell leskro shukar djipen gar.

Debleskri gili 14:4

“Djinenn kol tchilatche gar, hoi jon krenna”, penell o baro Dewel, – “kolla, kai chan mire menshen har i kotar maro? Un ap mande denn le gar gole.”

Gosewe laba 1:13

Tchoras kutch koowa menge, te kras mare khera pherdo kolestar.

Gosewe laba 11:16

I kamli djuwel well sharedo. Un i mursh, kai haiwell pes te kurell, well brawelo.

Gosewe laba 28:5

Tchilatche menshe haiwenn gar, hoi o tchatchepen hi. Kolla, kai o baro Debles rodenn, kolla haiwenn lauter mishto.

Sikepaskro 4:1

Palle dikom halauter, hoi gar tchatcho hi ap i phub. Me dikom i swa kolendar, kai dan le lenge gar lengro tchatchepen, un kolenge kek ap i rig was. Kolla, kai kran lenge tchilatchepen, his sorelo. Doleske was kek ap lengri rig.

Jeremia 4:22

O baro Dewel penell: Mire menshe hi diwjo, un patsenn man gar. Dinelo hi le, man prindjrenn le gar. Har dinele tchawe hi le, kai tchi haiwenn. Gosewo doha hi le, te krenn le tchilatchepen. Har jon latchepen krenna, djinenn le gar.

Jeremia 5:4

Me penom mange: Kolla hi tchorwele menshe, kai tchi djinenna, un prindjrenn gar o Debleskro drom un leskro tchatchepen.

Ezekiel 18:7

Job rikrell kekes sorjah tele. Te patsas lo lowe win, dell lo kowa pale, hoi das les ko tchorwelo ko tsireske, kai les sijaan pash leste hi. Job lell kekestar tchomone sorjah peske. Peskro maro dell lo koles, kones bok hi, ninna koola koles, kai kek an-ripaske hi.

Ezekiel 22:29

I menshe an Israel chochenn un randenn wawaren. Jon rikrenn kolen tele, kai tchorwelo hi, un kolen gar doha djipaske hi. Ninna i wi-themarjen, kai mank lende djiwenn, rikrenn le sorjah tele, un denn len gar pengro tchatchepen.

Ezekiel 8:17

Un job penas ap mande: Tu mensho, dikal tu kawa? Hi i menshenge dran o kheer Juda gar doha, te krenn le ko tselo djungelo koowa kate? O tselo them kran le pherdo tchilatchepen. Hunte choirenn le man pale te pale? Dik, har rikrenn le penge senele patria glan pengre naka!

Hosea 7:1

Hako kopo, kai kamau mire menshenge lauter pale mishto te krell, palle sikrell pes, hawi doosh o Efrajim ap peste anas, un har baro o tchilatchepen kol menshendar an o foro Samaria hi. Jon hi chochepangre. Tchorepangre phagenn an i khera dren. Un randepangre tchorenn i menshen win ap o drom.

Amos 4:1

Shunenn kau lab, tumer romja i pralstunendar pral o foro Samaria! Tumer han har i thulle grumja ap i berge Bashan. Tumer krenn i tchorwelenge tchilatchepen, rikrenn i tiknen tele, un penenn ap tumare romende: Anenn menge mool, te pijas mer!

Amos 5:7

Bibacht ap tumende, tumer rissrenn o tchatchepaskre laba, un stakrenn ap o tchatchepen trujel!

Amos 6:12

Nashenn i graja ap i bare barra? Na-a! Nashte budrenn i hache koi pre i grumjentsa? Na-a! Tumer rissrenn o tchatchepaskre laba jaake, te wenn le har tchomone, hoi marell, un o tchatcho drom jaake, te hi lo har i shutlo pipen!

Amos 6:3

Tumer patsenn, kai hi o tchilatcho diwes dur krik tumendar. Djinenn: Kowa, hoi krenn, mukell ko diwes sikeder te well, kai tchilatche raja pral tumende wenn.

Amos 6:8

O baro un sorelo Dewel, ko rai pral o bolepen un i phub, das pes sowel pash peskro djipen un penas: Me hom chojedo pral o pre-phurdepen o Jakobeskre tchawendar, un nai dikau lengre shukar khera buder gar glan i jaka. Doleske dau o foro un lauter, hoi koi dren hi, an i wasta wawar menshendar.

Micha 6:10

An i khera i tchilatchendar hi brawlepen, hoi kolla chochepah khetne anan. Te bikrenn un ginenn le tchomone, lenn le i piri, hoi tikneder hi har li hunte wals. Sawo koowa hi djungeles glan mande.

Zefanja 1:9

Ninna dau kolen i phagi, kai stenn an o wudar dren, te stakrenn le gar ap o kasht tel o wudar. Ninna kolen dau i phagi, kai anenn an pengro rajeskro kheer sawo koowa, hoi lan le chochepah un tchorepah.

2. Petro 3:5

Kol menshe kamenn gar te haiwell, kai kras o Dewel o bolepen un i phub glan i rah tsiro. Jaake har job penas, djas i phub win dran o pani un atchas ap jek rig tchiddo, un o pani ap i wawar rig.