Amos 2:15 - O Debleskro Drom 2021 (Sinte)

¹⁵ Kolla, kai denn karje, hunte tserdenn pen pale, sikede naashepangre wenn dren lino, un klissepangre nashrenn pengro djipen.

O Debleskro Lab 2024 (Sinte-Manouche)

¹⁵ Kolla, kay denn karye, hounte tserdenn pen pale, sikede naashepangre venn dren lino, oun klissepangre nashrenn pengro djipen.

Amos 2:15 ပူးပေါင်းရင်းမြစ်များ

Sikepaskro 9:11

Pale dikom, har ap kai phub djala: O sikeder naashepaskro well gar glanstunes an. O sorleder kurepaskro hi gar o feteder lurdo. Sikle menshe hi gar kolla, konen o budeder chapen hi. I gosewe hi gar i brawele. Kowa, kai tchomone mishto haiwell, hi gar kowa, kai an-diklo hi. O tsiro un i bacht penenn, har hakeneske djal.

Jesaja 31:3

I Egiptarja hi menshe un kek debla. Un lengre graja hi vieche, – len hi kek debleskri soor. Ap ko tsiro, kai hadell o baro Dewel peskro wast pre, te dell lo len, perenn kolla, kai wan i wawarenge ap i rig, khetne kolentsa. Un khetne merenn le.

Jeremia 51:56

wenn kolla pral o foro Babilon, kai phagenn o foro tele. Kol sorele kurepangre an Babilon wenn pandlo, lengre boge wenn phagedo. O baro Dewel hi i Dewel, kai dell lenge ko tchilatchepen pale, hoi le kran.

Ezekiel 39:3

Un me dau tuke tiro bogo dran tiro serwo wast, un tire faile dran tiro tchatcho wast.

Amos 9:1

Me dikom o Debles, maro rajes, tardo pash i chatchepaskri an peskro kheer. Un job penas: De ap o pralstuno kotar kol barrendar, kai hidjrenn miro kheer! De jaake soreles, te trissenn ninna i telstune barra, un o tselo kheer an kotja perella, un muk len te perell ap i sherja kal menshendar. Un hoi lendar pral atchell, kamau te marell o chareha. Kek nai nashell peske. Kek atchell djido.

Haggai 2:22

Un me witsrau i beshepangre kol themengre rajendar trujel un lau lengri soor krik. Lengre kurepangre wurdja witsrau trujel khetne kolentsa, kai koi pre beshenna. I graja un i klissepangre merenna. Jek dell o wawares mulo.

Zakarie 10:5

I menshe an o them Juda wenn soreles har bare kurepangre, kai stakrenn kolen tele an i tchik ap o drom, kai kurenn pen lentsa. O baro Dewel hi lentsa an o kurepen. Ninna i klissepangre hunte tserdenn pen pale glan lende.