Amos 2:12 - O Debleskro Drom 2021 (Sinte)

¹² Un hoi krenn tumer: Tumer denn kolen mool te pijell, kai mange koi hi! Un ap mire rakepangre penenn tumer: Ma rakrenn an o Debleskro lab!

O Debleskro Lab 2024 (Sinte-Manouche)

¹² Oun hoy krenn t'mer: T'mer denn kolen mool te piyell, kay mange koy hi! Oun ap mire rakepangre penenn t'mer: Ma rakrenn an o Debleskro lab!

Amos 2:12 ပူးပေါင်းရင်းမြစ်များ

Jesaja 30:10

Ap i dikepangre penenn le: “Ma dikenn i dikepen.” Un ap o Debleskre rakepangre penenn le: “Ma penenn menge, hoi o Dewel tumende sikras un hoi tchatcho hi! Penenn menge kowa, hoi pes menge shukar an-shunell! Un sikrenn men sau koowa, har mari djia les kamenn.

Jeremia 11:21

I menshe an Anatot kaman man mulo te dell, un penan mange: Muk tele, te rakress, hoi o baro Dewel tuke penas, te kameh gar, te maras tut mare wastentsa! Doleske penell o baro Dewel, ko rai pral o bolepen un i phub: Me kamau kol menshen an Anatot i phagi te dell: Lengre terne mursha wenn o chareha mulo dino, un lengre tchawe un tcha hunte merenn i bokatar.

Jeremia 35:5

Un me tchiwom glan kol murshende dran o kheer Rechab khore pherdi mool, ninna tchare, te nai pijenn le, un penom: Pijenn mool!

Amos 7:13

Kate an Betel mangell o baro rai o Debles an, kate hi leskro kheer. Doleske nai rakreh tu gar pale kate an o Debleskro lab.”

Amos 7:16

Kanna shun tu o Debleskro lab! Tu kamal gar, te penap me i Israelenge kol laba, hoi o baro Dewel pral lende penas. Tu kamal gar te rakrap pral o kheer Isaak.

Micha 2:6

Atch! Muk! penenn le. Ma rake sawe laba! Sawi ladj well gar pral mende!

4. Mose 6:2

Pen ap i Israelitarja: Te dell jek pes sowel, – nai well i mursh, ninna i djuwel, – un penell o baro Debleske, te well lo leske i tsireske koi,

4. Mose 6:3

palle hunte pijell kowa kek mool un soreli chatchedi, witar kek wawar pipen, hoi dran drake kerdo was. Job hunte chal witar kek drake, kek, hoi pesso hi, witar kek, hoi truk hi.