Amos 2:11 - O Debleskro Drom 2021 (Sinte)

¹¹ Tumare mursh tchawendar rodom sawen win, kai wan mire rakepangre. Un tumare terne murshendar rodom mange murshen win, kai mange kokres koi hi. Tumer Israelitarja, penenn mange: Hi kowa gar jaake? penell o baro Dewel.

O Debleskro Lab 2024 (Sinte-Manouche)

¹¹ T'mare morsh čavendar rodom saven vin, kay van mire rakepangre. Oun t'mare terne morshendar rodom mange morshen vin, kay mange kokres koy hi. T'mer Israelitarya, penenn mange: Hi kova gar yaake? penell o baro Devel.

Amos 2:11 ပူးပေါင်းရင်းမြစ်များ

1. Rajengro liil 17:1

O Elija dran o gab Tishbe an o them Gilead penas ap o Ahab: “Me penau tuke an o lab o baro Deblestar, kai o Israeleskro djido Dewel hi, glan koleste hom me tardo: An kol bersha, hoi kanna wenna, dell kek brishin, witar gar djal i sapeno ducho pre dran i phub, bis te penau me kowa.”

1. Rajengro liil 18:4

Un an ko tsiro, kai i Isebel o baro Debleskre rakepangren kamas te marell, las o Obadja sheel lendar un khatras len, i paash-sheel an kai grotta un i paash sheel an koi grotta, un anas lenge maro un pani, te chan le un pijenn le.

1. Rajengro liil 19:16

Un o Jehu, koleskro dad o Nimshi hi, koleske makess ninna latcho djet ap o shero, te well job o rai pral o Israel. Un o Elisa, koleskro dad o Shafat hi dran Abel-Mehola, koleske mak ninna latcho djet ap leskro shero, te well job i Debleskro rakepaskro pal tute!

1. Rajengro liil 20:13

Koi was i Debleskro rakepaskro pash o Ahab, ko baro rajeste pral Israel, un penas ap leste: “Kawa penell o baro Dewel: Dikeh tu kol bud bud lurden? Tchatchepah, me kamau len kau diwes an tiro wast te dell, te haiwess tu, me hom o baro Dewel!”

1. Rajengro liil 20:35

Koi his Debleskre rakepangre, kai ap jek platsa khetne djiwan. Un jek lendar penas ap i wawareste: “O baro Dewel penas mange, te dess tu man.” Ko wawar kamas kowa gar te krell.

1. Rajengro liil 20:41

Kote las ko Debleskro rakepaskro sik ko diklo tele, hoi glan leskre jaka his. Un o baro rai pral Israel dikas, te his job i Debleskro rakepaskro.

1. Rajengro liil 22:8

O baro rai pral Israel penas ap o Josafat: “Kate hi gomme jek mursh, o Micha, koleskro dad o Jimla hi, kowa nai putchell menge o baro Deblestar. Man hi i choli ap leste. Hako kopo, kai penas lo mange tchomone glan-wi, his les kek latcho lab mange, kokres djungele laba his les mange.” O Josafat penas pale pale: “Tu, o baro rai, hunte rakress gar jaake!”

2. Rajengro liil 17:13

Un o baro Dewel das kol menshen an o them Israel un an o them Juda trad, har mukas lo peskre rakepangre un dikepangre lenge te penell: “Mukenn tumaro tchilatche dromma! Un krenn hoi me penau! Un djiwenn pal miro tchatchepen! Un djan tumaro tselo djijeha ap miro drom, hoi sikrom tumare phurende. Un djiwenn pal kol laba, hoi penan tumenge mire budepangre, kai mire rakepangre hi.”

2. Rajengro liil 6:1

Kol Debleskre rakepangre penan ap o Eliseste: “Dik, ko kheer, kai mer wah khetne, hi gar baro doha.

2. Familjakro liil 36:15

Un o baro Dewel, lengro phurengro Dewel, bitchras bud bitchepangren pash lende, te dell lo len trad. Les khaitan peskre menshen un peskro kheer.

Jeremia 11:21

I menshe an Anatot kaman man mulo te dell, un penan mange: Muk tele, te rakress, hoi o baro Dewel tuke penas, te kameh gar, te maras tut mare wastentsa! Doleske penell o baro Dewel, ko rai pral o bolepen un i phub: Me kamau kol menshen an Anatot i phagi te dell: Lengre terne mursha wenn o chareha mulo dino, un lengre tchawe un tcha hunte merenn i bokatar.

Jeremia 2:31

O baro Dewel penell: Tumer tchilatche menshe! Denn garda ap kowa, hoi me tumenge penau! Hom me i Israelenge i mulo them, i them, kai kek pani hi? Hoske penenn mire menshe: ‘Mer nai djah, kai kamah, un hunte nashas tuke gar buder gar pal.’

Jeremia 2:5

Kowa penell o baro Dewel: Hawo djungelo koowa hatsan tumare phure ap mande, kai djan jon mandar krik, un mangan figuren an, kai kek dewel hi. Un jaake djan le tele.

Jeremia 26:11

Un i rashaja un i chochene rakepangre penan ap i pralstunende un i wawar menshende, kai hi koi: “Kau mursh hunte merell; job rakras djungeles pral kau foro, har shunan tumer tumare kandentsa.”

Jeremia 7:25

Fun ko diwes, har me tumare phuren dran Egiptia anom bis kai diwes, bitchrom pale te pale mire budepangren pash tumende, kol rakepangren, kai mire laba dureder penan.

Ropaskre gilja 4:7

I pralstune pral Zion his djudjeder har gib, un parneder har thud. Jon his sasto un sorelo, un shukar har i kutch blaueto bar.

Micha 2:6

Atch! Muk! penenn le. Ma rake sawe laba! Sawi ladj well gar pral mende!

Bičepangre 4:18

Un jon dan len gole, dan len trad, un penan ap lende: “Ma rakrenn buder tchi o Jesusestar! Ma penenn i menshenge tchi, hoi job tumenge penas!”

Bičepangre 5:28

“Mer dam tumen soreles trad, te rakrenn tumer tchi buder o Jesusestar. Un kanna well lestar rakedo an o tselo foro Jerusalem. Un tumer penenn, kai mer maram les. Kamenn tumer, te well leskro rat pral mende?”

Bičepangre 7:51

Un o Stefano penas dureder ap lende: “Tumer kamenn tchi te haiwell. Tumaro dji hi har bar. Tumare kandentsa shunenn tchi, un kamenn gar ap o Debleskro Ducho te shunell. Jaake kran tumare phure. Jaake krenn ninna tumer.

5. Mose 18:18

I Debleskro rakepaskro har tu jek hal, kai well lendar, koles bitchrau me lenge. Un me kamau leske mire laba an leskro mui te tchiwell. Un job rakrell ap lende halauter, hoi me leske penau.

1. Samuel 19:20

Kote bitchras o Saul lurden, te anenn le o Davides. Har dikan kolla kol tsele Debleskre rakepangren un lengro pralstunes, o Samueles, un shunan, har kolla o Debleskro rakepen win rakran, koi was o Debleskro ducho pral kol bitchepangren. Un jon rakran ninna o Debleskro rakepen win.

1. Samuel 3:20

Un i Israelitarja an o tselo them dran Dan bis Beersheba, haiwan, te hi o Samuel o baro Debleskro rakepaskro.