Amos 2:10 - O Debleskro Drom 2021 (Sinte)

¹⁰ Me anom tumen win dran o them Egiptia, djom glan tumende star-deesh bersha an o mulo tato them, un dom tumen o them, kai i Amorarja khere his, te well lo tumenge.

O Debleskro Lab 2024 (Sinte-Manouche)

¹⁰ Me anom t'men vin dran o them Egiptia, djom glan t'mende star-deesh bersha an o moulo tato them, oun dom t'men o them, kay i Amorarya khere his, te vell lo t'menge.

Amos 2:10 ပူးပေါင်းရင်းမြစ်များ

Nehemia 9:21

Star-desha bersha dal len lauter, hoi len hunte his o djipaske. Lengre koola djan gar paash, lengre pire wan gar pesso.

Debleskri gili 95:10

Star-deesh bersha was mange djungeles, te dikom ap kol menshende, un penom: “Kalla hi menshe, kai peran ap pengre sherja un djinenn gar, hoi tchatcho hi. Ap miro drom kamenn le gar te djal.”

2. Mose 12:51

Un ap kau diwes anas o baro Dewel i tsele Israeleskre familjen win dran o them Egiptia, jek familja pal i wawar.

2. Mose 20:2

Me, o baro Dewel, hom tiro Dewel, koon tut win las dran o them Egiptia, kai tu i pandlo budepaskro hals.

2. Mose 3:8

Me wom tele, te lap len dran o wast kol menshendar an o them Egiptia win, un anau len dran kau them win un dau len i latcho un baro them, kai hi bud thud un gwin. An ko them djiwenn kanna i Kanaanitarja, i Hetarja, i Amorarja, i Perisarja, i Hiwarja un i Jebusarja.

Jeremia 2:6

Un putchan pen gar: Kai hi o baro Dewel, kai anas men dran o them Egiptia win, un djas glan mende an o mulo tato them, an ko diwjo un truk them, kai tchi har santa un barra hi, kai kek drom hi, un kek mensho djiwell?

Ezekiel 20:10

Un me anom len win dran o them Egiptia, un anom len an o mulo tato them.

Amos 3:1

Shunenn, tumer Israelitarja, hoi o baro Dewel pral tumende rakras, pral o tselo kheer Israel peskre tsele familjentsa, kolen job win anas dran o them Egiptia:

Amos 9:7

O baro Dewel penell: Tumer Israelitarja han mange jaake har i menshe an o them Etiopia. Tumen lom dran o them Egiptia win, i Filistarjen lom dran o them Kreta win, un i Syrarja dran o them Kir. Hoi hi wawartchandes tumentsa?

Micha 6:4

Me hom kowa, kai anas tumen dran o them Egiptia win, kai hans pandle budepangre. Me dom tumen o Mose, o Aron un i Mirjam, te djan le glan tumende.

4. Mose 13:32

Un jon anan djungelo koowa pre pral ko them, kai dikan le pen trujel, un penan ap i Israelitarja: “Ko them, kai djam trujel, te dikas, har kowa hi, chal kolen, kai djiwenn kote. Un kol tsele menshen, kai dikam kote, hi bareder har mer.

4. Mose 21:25

Jaake las o Israel peske kal tsele forja, kai djiwan i Amorarja, ninna o foro Heshbon un kol tsele forja, kai koi pashel hi. Un i Israelitarja djiwan kote.

4. Mose 32:13

Jaake was o baro Debleskri choli pral i Israelitarja, un job mukas len trujel te djal an o mulo tato them star-deesh bersha, bis te kek buder koi his kol tsele menshendar, kai choiran o baro Debles.

Bičepangre 13:18

Star-deesh bersha rikras len o Dewel an o mulo them ap o djipen.

Bičepangre 7:42

O Dewel djas peske lendar un mukas len. Koi mangan jon i momlia an o bolepen an. Jaake was kowa, hoi tchinlo hi an o liil, kai o Debleskre rakepangre tchinan. Kote penell o Dewel: Murshale an Israel, mange chatchran tumer kek viechen, un anan kek chapen glan mande an kol star-deesh bersha, har hans an o mulo them.

5. Mose 1:39

Palle penas o baro Dewel ap mende lauterende: “Tumer penan: ‘Mare tchawe perenn kolenge an i wasta, kai hi chojedo ap mende.’ Me penau tumenge: Jon, kai kau diwes gomme gar djinenn, hoi mishto un hoi tchilatcho hi, hi kolla, kai wenn an o them dren, te lenn le les dren.

5. Mose 2:7

Ma bistrenn, maro baro Dewel das men bacht an halauter, hoi mare wasta kran. Job das jak ap mende ap o drom an kau baro mulo them: Star-deesh (40) bersha his o baro Dewel mentsa, un halauter hoi men hunte was, das lo men.

Josua 13:4

un ko tselo them, kai i Kanaanitarja djiwenn, fun o foro Meara, kai i Sidonarja djiwenn, bis pash o foro Afek un bis ap ko them Amor;

Josua 24:8

Palle anom me tumen an o them ap i wawar rig o panjestar Jordan, kai i Amorarja djiwan. Un jon kuran pen tumentsa. Un me dom len an tumaro wast. Un tumer lan lengro them dren. Un me tradom len glan tumende win, bis te kek lendar pral atchas.