Amos 1:1 - O Debleskro Drom 2021 (Sinte)

¹ Kawa hi, hoi sikras o Dewel o Amoseske pral o kheer Israel an ko tsiro, kai o Usija o baro rai his pral o them Juda. Un o Jerobeam, koleskro dad o Joash hi, his o baro rai pral Israel. His dui bersha glan ko tsiro, kai i phub soreles trissas un pre phagas. O Amos was dran o foro Tekoa un his jek kolendar, kai dan jak ap i bakrende.

O Debleskro Lab 2024 (Sinte-Manouche)

¹ Kava hi, hoy sikras o Devel o Amoseske pral o kheer Israel an ko tsiro, kay o Usiya o baro ray his pral o them Youda. Oun o Yerobeam, koleskro dad o Yoash hi, his o baro ray pral Israel. His douy bersha glan ko tsiro, kay i phoub zoreles trissas oun pre phagas. O Amos vas dran o foro Tekoa oun his yek kolendar, kay dan yak ap i bakrende.

Amos 1:1 ပူးပေါင်းရင်းမြစ်များ

2. Samuel 14:2

Un job bitchras jekes an o gab Tekoa, un mukas kotar i gosewi djuwjat te anell, un penas ap late: “Kre jaake har te wals i djuwel, kai rowell pral jekeste, kai meras! Un rib tuke i kalo ripen an, un mak tut gar o djeteha dren! Kre jaake har i djuwel krella, kai lake rah tsiro ropaske hi pral koleste, kai meras.

1. Rajengro liil 19:19

Un o Elija djas dureder un hatsas o Elisa, koleskro dad o Shafat hi. Un o Elisa budras ap i kotar phub. Glan leste djan deesh-te-jek budepangre, hakeno dui grumjentsa, kai hadan i phub trujel. Job kokres his o deesh-te-duito, kai djas glan dui grumja. Kote djas o Elija pash leste un witsras leske leskri plaashka trujel.

2. Rajengro liil 14:21

Un i tsele menshe dran o them Juda lan leskro tchawo, o Asarja, un kran les baro rai, har his lo 16 (deesh-te-shob) bersha phuro.

2. Rajengro liil 14:23

Har o Amazja, koleskro dad o Joash his, an o deesh-te-pantchto bersh o baro rai pral o them Juda his, was o Jerobeam baro rai pral o them Israel. Leskro dad kharas ninna Joash. O Jerobeam his 41 (star-deesh-te-jek) bersha baro rai un djiwas an ko tsiro an o foro Samaria.

2. Familjakro liil 11:6

Kal forja his: Betlehem, Etam, Tekoa,

2. Familjakro liil 20:20

Un jon stan sik taissarlake pre, un djan win an o mulo them Tekoa. Har jon win djan, djas o Josafat glan lende, un penas: Murshale dran Juda un Jerusalem, shunenn, hoi tumenge penau: Patsenn o baro Debleske, kai tumaro Dewel hi, un tumer atchenn sorelo, patsenn, hoi leskre rakepangre tumenge penan, palle well lauter mishto tumenge.

2. Mose 3:1

O Moseskri romjakro dad his o Jetro, ko rashai an o them Midian. Koles his bakre un busja. Un o Mose das jak ap lende, un anas len pral o tato mulo them, un was pash o Debleskri berga, hoi kharella Horeb.

Jesaja 1:1

Kowa hi, hoi mukas o baro Dewel o murshes Jesaja te dikell pral o them Juda un pral o foro Jerusalem. O Jesaja his o tchawo ko murshestar Amoz. Kowa his an ko tsiro, kai his o Usija, o Jotam, o Ahas, un o Hiskija i bare raja pral o them Juda.

Jeremia 1:1

Kalla hi kol laba, hoi o Jeremia rakras. Leskro dad his o Hilkija. Kowa his jek kol rashajendar an o gab Anatot an o them Benjamin.

Jeremia 28:8

O Debleskre rakepangre, kai his glan mande un glan tute, kolla rakran glan i rah tsiro pral kurepen, bok un nasslepen, hoi well pral sorele themma un bud menshende.

Jeremia 6:1

Tumer menshe dran o kheer Benjamin, nashenn dran Jerusalem! un phurdenn koi phurdepaskri an Tekoa! Krenn i jag ap i berga Bet-Kerem, te well o jagakro ducho i sikepen! Bari bibacht un merepen well kotar, kai norden hi.

Jeremia 7:27

Te peneh tu, Jeremia, lenge kowa lauter, shunenn jon gar ap tute. Te deh tu len gole, penenn jon tchi koi pre.

Hosea 1:1

Kawa hi o lab, hoi penas o baro Dewel ap o Hosea, koleskro dad o Beeri his, an ko tsiro, har o Usija, o Jotam, o Ahas un o Hiskija kol bare raja pral o them Juda his, un o Jerobeam, koleskro dad o Joash his, ko baro rai pral o them Israel his.

Amos 7:14

O Amos penas: “Me hom kek Debleskro rakepaskro, koles siklo was, har te rakrell lo o Debleskro lab, un kowa koleske plaissedo well. I bakrengro hom me, un faigetikre ruka hi man. Kolestar djiwau.

Micha 1:1

Kawa hi i lab o baro Deblestar, hoi penas lo ap o Micha dran Moreshet an ko tsiro, kai o Jotam, o Ahas un Hiskija i bare raja pral o them Juda his. An ko tsiro sikras les o baro Dewel, hoi pral Samaria un Jerusalem wella.

Zakarie 14:5

Koi tala djal jaake dur har Azel. An koi tala mank o baro Debleskre berge nashenn tumer tumenge jaake, har tumare phure nashan penge, har i berge trissan an ko tsiro, kai o Usija o baro rai pral o them Juda his. Un palle well miro baro Dewel. Un leskre tsele bolepangre wenn khetne leha.

Mateo 4:18

Un har job pash o baro pani an o them Galilea djas, dikas lo kote dui phralen: O Simon, kai kharella ninna Petro, un leskro phrales, o Andreas. Kolla his matchepangre, un witsran pengre matchengre gone an o pani, te taprenn le matchen.

1. Korintarja 1:27

O Dewel rodas kolen win, kai an i menshengre jaka gar gosewo hi, te dikenn i gosewe menshe, kai lengro goswepen tchi molella. Job rodas kolen win, kai hi len kek soor an i menshengre jaka, te dikenn i sorele, kai lengri soor tchi molella.