5. Mose 9:9 - O Debleskro Drom 2021 (Sinte)

⁹ Me homs pre ap i berga, te lap lestar kol barra, an koleste job i deesh laba tchinas, hoi hunte rikrenn, te wenn leskre menshe. Kote atchom me 40 (star-deesh) diwessa un ratsja. Maro chom me kek, un pani pijom me witar gar.

O Debleskro Lab 2024 (Sinte-Manouche)

⁹ Me homs pre ap i berga, te lap lestar kol barra, an koleste yob i deesh laba činas, hoy hounte rikrenn, te venn leskre menshe. Kote ačom me 40 (star-deesh) divessa oun ratsya. Maro rhom me kek, oun pani piyom me vitar gar.

5. Mose 9:9 ပူးပေါင်းရင်းမြစ်များ

1. Rajengro liil 19:8

Kote stas lo pre un chas un pijas, un djas an kai chapaskri soor star-deesh diwessa un star-deesh ratsja, bis te was lo ap o Debleskri berga, o Horeb.

2. Rajengro liil 6:22

Koi penas o Elisa: “Na-a, ma de len mulo! Tu mareh witar kek lurden, kai tapral an o kurepen. Tchip maro un pani glan kalende, te chan le un te pijenn le, un muk len pash lengro rajeste te djal.”

2. Mose 24:12

Un o baro Dewel penas ap o Moseste: “Ab pash mande ap i berga pre un atch kote, te dap tut kol barra, kai tchinom mire laba dren, te sikrap mire menshende, har te djiwenn le, te djinenn jon, hoi te krenn un hoi te krenn gar.”

2. Mose 24:15

Har o Mose ap i berga djas, tchakras koi wolka i tseli berga.

2. Mose 24:18

O Mose djas mashkral dren an koi wolka, un djas dureder pre ap i berga, un atchas star-deesh diwessa un star-deesh ratsja pral ap koi berga.

2. Mose 31:18

Un har o baro Dewel kowa lauter ap o Mose rakras ap i berga Sinai, das job les i dui barra, kai o Debleskre deesh laba dren tchinlo hi. O Dewel tchinas len peskro gushteha dren.

2. Mose 32:1

Har dikan i menshe, kai o Mose i rah tsiro krik atchas, un gar buder koi berga tele was, wan le khetne pash o Aron un penan ap leste: “Dja, kre menge i dewel, kai djal glan mende! Mer djinah gar, hoi ko Moseha djas, kai anas men dran o them Egiptia win.”

2. Mose 34:28

Star-desha diwessa un ratsja atchas o Mose ap i berga pash o baro Debleste. An kowa tsiro chas lo tchi un pijas lo tchi. Job tchinas kol deesh laba ap kol dui barra, – kol laba, kai penenna, hoi o Dewel peskre menshendar kamella.

Mateo 4:2

Un star-deesh (40) diwessa un ratsja chas o Jesus tchi. Un palle was les i bari bok.

Galatarja 4:24

Kal dui djuwja hi har dui koowa, hoi o Dewel i menshentsa an Israel win kras. Jek koowa kras o Dewel lentsa win ap i berga Sinai. Kote lan i menshe o Moseskre laba. Kol laba hi o rai pral lende, jaake har his i rai pral i Hagar tardo.

5. Mose 8:3

Un job mukas tumen te bokell, te haiwenn, tumaro chapen well lestar. Un job das tumen o Manna te chal, hoi tumer gar prindjran un tumare phure witar gar. Kowa kras lo, te sikrell lo tumen, te djiwell o mensho gar o chapastar kokres. Na-a, i mensho djiwell hako labestar, hoi dran o mui o baro Deblestar win djal.

5. Mose 9:11

Har kol 40 (star-deesh) diwessa un ratsja trujel his, das man o baro Dewel kol dui barra, kai kol deesh laba dren tchinlo hi,

5. Mose 9:15

Me rissrom man un djom koi berga tele. Un koi berga chatchas an i jag. Un kol dui barra kol deesh labentsa his an mire wasta.

5. Mose 9:18

Un me witsrom man tele glan o baro Debleste, un homs tchiddo glan leste har koi ersto kopo 40 (star-deesh) diwessa un ratsja. Maro chom kek, un pani pijom gar. Un mangom les tumenge, te dikell lo gar ap tumari bari doosh, hoi tumer ap tumende lan, har sawo djungelo koowa kran, un les jaake chojedo kran.

Hebrearja 9:4

An i palstuni isema his o sonakaskro bob tardo, kai kutch gudlo kasht pral pre chatchedo was, hoi mishto sungella. Koi his ninna o sonakaskro mochton. An leste his o sonakaskro khoro, kai his ko maro dren tchiddo, hoi Manna kharella. An ko mochton his ninna o Aroneskro kasht, hoi senelo was, ninna kol dui tchinle barra. Ap kolende his i deesh Debleskre laba tchinlo, hoi o Dewel peskre menshentsa win kras.