5. Mose 9:7 - O Debleskro Drom 2021 (Sinte)

⁷ Ma bistrenn, har choiran tumaro baro Debles an o mulo them, Ko diwesseha har djan tumer win dran o them Egiptia bis te wan kate, kai kanna han, kaman gar ap leste te shunell.

O Debleskro Lab 2024 (Sinte-Manouche)

⁷ Ma bistrenn, har rhoyran t'maro baro Debles an o moulo them, Ko divesseha har djan t'mer vin dran o them Egiptia bis te van kate, kay kanna han, kaman gar ap leste te shounell.

5. Mose 9:7 ပူးပေါင်းရင်းမြစ်များ

2. Mose 14:10

Har i Israelitarja pre dikan, un dikan, te lell len o Farao peskre lurdentsa palla, was i bari traash pral lende. Un jon dan ap o baro Debleste gole.

2. Mose 14:11

Un jon penan ap o Moseste: “Lal tu men doleske kai an o mulo tato them, te meras kate? His an o them Egiptia kek phub, te was mer paskedo? Hoske kral tu kowa, un lal men dran o them Egiptia win?

2. Mose 16:2

Kote an o mulo tato them wan le chojedo ap o Moseste un o Aroneste.

2. Mose 17:2

Un jon tchingran ap o Moseste un penan: “De men pani te pijell!” Un o Mose penas: “Hoske tchingrenn tumer ap mande? Hoske patsenn gar, te hi o baro Dewel pash mende un dell men kowa, hoi men hunte wals?”

2. Mose 23:21

Denn jak, te shunenn ap kowa, hoi job tumenge penell! Me bitchrom les. Te shunenn tumer gar ap leste, bistrell lo tumari doosh gar.

Jesaja 48:8

An kek tsiro shunan tumer, hoi penom, witar gar kaman kowa te djinell. Un i rah tsiro his tumare kanda pandlo mire labenge. Tchatchepah, me djinom tumaro phukepen. Un jaake rah har ap i phub han, wenn tumer kharedo: Kolla, kai kamenn tchi o Deblestar te djinell.

Jeremia 11:10

Jon krenn sawo tchilatcho koowa har lengre phure kran, kai glan lende his, un kaman ap mire laba witar gar te shunell, un nashan kol wawar deblen palla un mangan len an. Jaake rikran kol menshe dran o kheer Israel un dran o kheer Juda kol laba gar dren, hoi krom lengre phurentsa win.

Jeremia 32:30

I menshe dran o kheer Israel un dran o kheer Juda kran, hoi glan mire jaka djungelo hi, jaake rah har jon i natsjona hi:

Jeremia 44:9

Bistran tumer koi doosh, hoi tumare phure ap pende anan, i doosh i bare rajendar dran o them Juda, un i doosh lengre romjendar, ninna tumari doosh, kai anan pral tumende, un ko tchilatcho koowa, hoi tumare romja kran an o them Juda un ap i dromma an o foro Jerusalem?

Ezekiel 20:13

Ninna an o mulo tato them mukan pen i Israelitarja tchi mandar te penell. Jon djiwan gar jaake, har lendar kamom. Un ap mire tchatchepaskre laba dan le tchi. Un mire tchatchepaskre laba hi kolla, kolentsa o mensho djido atchell, te rikrell lo pes ap lende. Un jon kran bud koowa ap o Debleskro diwes, hoi hunte krans le gar, un jaake wom gar sharedo. Kote kamom miri choli pral lende win te tchorell, te hunte merans le lauter an o mulo tato them.

Ezekiel 20:43

Un kote well tumenge kowa an o shero, hoi kran un har djiwan, koleha tumer tumen pale-tchiddo kran. Un ko tselo tchilatcho koowa, hoi kran, well tumenge tchadepaske.

Ezekiel 20:8

Jon mukan pen tchi mandar te penell, un kaman gar ap mande te shunell. Kek witsras kol djungele figuren krik, hoi lo an-mangas. Kol egiptikre deblen kaman le gar te mukell. Kote kamom miri choli pral lende win te tchorell. Gomme kote an o them Egiptia kamom miri tseli choli ap lende win te mukell.

Ezekiel 36:31

Un palle well tumenge an o shero, har tchilatcho kowa his, hoi kran un har djiwan. Un ko tselo tchilatcho koowa, hoi kran, un har i chochene deblen an-mangan, well tumenge tchadepaske.

4. Mose 11:4

Mank i Israelitarja his ninna wawar menshe, kai lentsa djan. Kolen was i bari bok pal mass. Koi rowan kol Israelitarja ninna pale, un penan: “Koon dell men mass chapaske?

4. Mose 14:22

Kol tsele mursha, kai dikan miro railepen un ko baro un sorelo koowa, hoi krom an o them Egiptia un an o mulo tato them, un kaman bud kope gar te patsell, kai hom lentsa, un shunan gar ap kowa, hoi me penom,

4. Mose 17:10

“Djan win kol menshendar. Me kamau len ap jek kopo te marell.” Un kol dui witsran pen ap pengro mui.

4. Mose 21:5

Un jon tchingran ap o Debleste un ap o Moseste un penan: “Hoske anal tu men dran o them Egiptia win, te meras mer an o mulo tato them, kai hi kek maro un kek pani? Un menge well djungelo ko chapastar, kai kek thulepen dren hi?”

4. Mose 25:2

Kolla kaman, te wenn i Israelitarja lentsa, te anenn jon viechen pengre deblenge. Un i Israelitarja wan lentsa un chan ko massestar un mangan kolengre deblen an.

1. Korintarja 15:9

Me lom i patslen palla, te marap len. Doleske hom me o tikneder mashkral lende, kolen o Jesus bitchras, te penenn le i menshenge o latcho lab lestar. Un me hom gar moldo, te penenn jon, kai me jek lendar hom.

Efesarja 2:11

Ma bistrenn, koon tumer hans, har boldo wan! Tumer hans kek bibolde. Un i bibolde penan ‘Bi-tchinle’ ap tumende. I bibolde wan ap pengro mass tchinlo, un kowa han tumer gar.

5. Mose 31:27

Me djinau, har djan tumer pal tumaro shero un kamenn gar te shunell. Ninna kanna, kai gomme pash tumende djiwau, mukenn tumenge tchi o baro Deblestar te penell. Har well kowa, te hom mulo?”

5. Mose 8:2

Ma bistrenn, har djas tumaro baro Dewel glan tumende an kol 40 (star-deesh) bersha, har djan an o mulo tato them trujel. Kote sikras lo tumen: Te hi lo gar tumentsa, nai krenn tchi. Ninna kamas lo win te hatsell, hoi an tumare djia hi: Shunenn tumer ap leskre laba oder gar?

5. Mose 9:24

Jaake rah har prindjrau tumen, hi tumen sherja har barra un krenn gar, hoi o baro Dewel tumenge penell.

5. Mose 9:4

Pal kowa, kai tradas len tumaro baro Dewel glan tumende win, ma penenn: Dran maro tchatcho djipen anas men o baro Dewel an kau them, te las le menge dren. Na-a, dran o tchilatcho djipen kol menshendar tradas len o baro Dewel win glan tumende.