5. Mose 9:6 - O Debleskro Drom 2021 (Sinte)

⁶ Jaake djinenn kanna, hi gar dran tumaro tchatcho djipen, te dell tumen tumaro baro Dewel kau latcho them, te lenn les tumenge dren. Tumer han menshe i djijentsa har bar.

O Debleskro Lab 2024 (Sinte-Manouche)

⁶ Yaake djinenn kanna, hi gar dran t'maro čačo djipen, te dell t'men t'maro baro Devel kava lačo them, te lenn les t'menge dren. T'mer han menshe i djiyentsa har bar.

5. Mose 9:6 ပူးပေါင်းရင်းမြစ်များ

2. Familjakro liil 30:8

Ma krenn tumare djia har bar, har les tumare phure kran! Shunenn ap o baro Debleste! Un awenn an leskro kheer, koles job peske win rodas hako tsireske, un mangenn les an, kai tumaro Dewel hi! Palle djal leskri bari choli tumendar krik.

2. Familjakro liil 36:13

Ninna te hunte das job pes sowel glan o Debleste, te rikrell lo pes ap o baro rajeste pral o them Babilonia, o Nebukadnezar, peras lo kolestar tele, un shunas buder gar ap leste. Un job djas pal peskro shero un kras peskro dji har i bar, un was buder gar pale pash o baro Debleste, kai o Israeleskro Dewel hi.

Debleskri gili 78:8

jaake te wenn le gar har pengre phure, kai o Debleskro dromestar tele peran, un kaman gar te shunell. Kolengre djia his gar sorelo, un jon his gar pengro tselo djijeha pash o Debleste.

2. Mose 32:9

Un o baro Dewel penas ap o Mose: “Me dikau, kai djiwenn kol menshe pal pengro shero un kamenn gar te shunell.

2. Mose 33:3

Jaake anau tumen an ko them, kai hi bud thud un gwin. Me wau gar tumentsa. Tumer djiwenn pal tumaro shero un kamenn gar te shunell. Un me doms nai tumen mulo ap o drom, te djoms tumentsa.”

2. Mose 34:9

“Miro rai, te dikeh tu latches ap mande, palle dja mentsa, ninna te djan kal menshe pal pengro shero. Biste mari doosh un ko tchilatcho koowa, hoi kram, un muk men pale tire menshe te well.”

Ezekiel 2:4

Jon djan pal pengro shero, un lengro dji hi dran bar. Pash kolende bitchrau tut. Lenge peness: Kawa penell o baro Dewel, maro rai!

Ezekiel 20:44

Tumer Israelitarja, te djau me jaake tumentsa trujel, te wap sharedo, un krau gar pal tumare tchilatche dromma, un pal tumaro tchilatcho koowa, hoi kran, palle dikenn un haiwenn tumer, te hom me o baro Dewel, tumaro rai.

Ezekiel 36:22

Doleske pen ap o kheer Israel: Kawa penell o baro Dewel, maro rai: Tumer kran, kai was djungeles rakedo pral mande mank i menshende an wawar themma, pash kolende tumer wan. Kowa, hoi kanna krau, krau gar tumenge dran o kheer Israel. Na-a, kowa krau, te well miro latcho lab pale sharedo.

Bičepangre 7:51

Un o Stefano penas dureder ap lende: “Tumer kamenn tchi te haiwell. Tumaro dji hi har bar. Tumare kandentsa shunenn tchi, un kamenn gar ap o Debleskro Ducho te shunell. Jaake kran tumare phure. Jaake krenn ninna tumer.

5. Mose 10:16

Doleske shunenn kanna ap o baro Debleste, un djan gar buder pal tumaro shero!

5. Mose 3:18

An ko tsiro penom i murshenge dran kol familja Ruben, Gad un Manasse: “Tumaro baro Dewel das tumen kawa them, te lenn les tumenge dren. Kanna lenn tumaro kurepaskro koowa un djan tumare phralenge, kol wawar Israelenge glan win.

5. Mose 31:27

Me djinau, har djan tumer pal tumaro shero un kamenn gar te shunell. Ninna kanna, kai gomme pash tumende djiwau, mukenn tumenge tchi o baro Deblestar te penell. Har well kowa, te hom mulo?”

5. Mose 9:13

Un o baro Dewel rakras pale mantsa un penas: “Me dikau, kai djiwenn kol menshe pal pengro shero un kamenn gar te shunell.

5. Mose 9:24

Jaake rah har prindjrau tumen, hi tumen sherja har barra un krenn gar, hoi o baro Dewel tumenge penell.