5. Mose 9:26 - O Debleskro Drom 2021 (Sinte)

²⁶ Un me mangom o baro Debles un penom: “Baro Dewel miro rai, ma mare tire menshen, kol menshen, kai tu win lal dran o them Egiptia tiri bari sorjah un tiro sorelo wasteha, te wenn le tire menshe!

O Debleskro Lab 2024 (Sinte-Manouche)

²⁶ Oun me mangom o baro Debles oun penom: “Baro Devel miro ray, ma mare tire menshen, kol menshen, kay tou vin lal dran o them Egiptia tiri bari zoryah oun tiro zorelo vasteha, te venn le tire menshe!

5. Mose 9:26 ပူးပေါင်းရင်းမြစ်များ

2. Samuel 7:23

Un kai hi menshe ap i phub har tire menshe Israel? Kolenge djal tu koi, te less len dran o pandepen win, te wenn le tire menshe. Ko baro un sorelo koowa, hoi tu lenge kral, kras, te wal prindjedo ap i phub. Tu tradal wawar menshen lengre deblentsa win glan tire menshende, kai tu win lal dran Egiptia, te wenn le tire.

1. Rajengro liil 8:51

Jon hi tire menshe, kai tu tuke wi-rodal, un win anal dran o them Egiptia, har dran an i bob, kai bud jag dren hi.

Nehemia 1:10

Jon hi tire budepangre, tire menshe, kolen tu win lal dran i tchilatche wasta tiri bari sorjah un tiro sorelo wasteha.

Debleskri gili 106:23

Doleske kamas lo len mulo te dell, te wals kote gar o Mose, koles job peske wi-rodas. Kowa stas pre, te rikrell lo o Debles leskri choljatar tele, jaake te dell lo len gar mulo.

Debleskri gili 107:2

Kowa te penenn i wi-line menshe, kolen o baro Dewel win las dran i wasta kolendar, kai len pandan.

Debleskri gili 28:9

Ab ap i rig tire menshenge! Tchip tiri soor un tiri bacht ap mende, kai tiro ham! Ab hako tsiro har i bakrengro menge, kai dell jak ap peskre bakrende un dell len lauter, hoi len hunte well djipaske!

Debleskri gili 57:1

I gili o rajeske pral o gipangre, te giwell har koi gili ‘Ma mare men’. O David tchinas kai gili an ko tsiro, har job glan o Saul ap o naashepen his, un pes an koi grotta khatras.

Debleskri gili 77:15

Tu hal ko Dewel, kai sawo baro koowa krell, hoi kek wawar nai krella. Tu sikral tiri bari soor pash i menshende an wawar themma.

Debleskri gili 78:35

Un lenge was an o shero, te hi o Dewel kowa, kai rikrell len, un kai job, o Dewel pral halauter, kowa hi, kai len win lell dran o merepen.

Debleskri gili 99:6

O Mose un o Aron his leskre rashaja, un o Samuel his mank kolende, kai les an-mangan. Jon dan ap o baro Debleste gole, un job shunas len.

2. Mose 15:13

Tire menshenge kamlo hal, kolenge, kai tu i sorjah win lal un ap i latcho drom anal, hoi pash tiro Debleskro kheer djal.

2. Mose 33:13

Te dikeh latches ap mande, muk man tiro drom te djinell. Me kamau tut feteder te haiwell, te krap, hoi mishto hi glan tire jaka. Biste kowa gar: Kol menshe hi tire menshe.”

2. Mose 34:9

“Miro rai, te dikeh tu latches ap mande, palle dja mentsa, ninna te djan kal menshe pal pengro shero. Biste mari doosh un ko tchilatcho koowa, hoi kram, un muk men pale tire menshe te well.”

Jesaja 44:23

Tu bolepen, gib kolestar, hoi o baro Dewel kras! Tu telstunepen i phubjatar, de gole i bachtjatar! Tumer berge, giwenn! Tu weesh tire tsele rukentsa, gib! O baro Dewel las o Jakobes dran o merepen win, un o Israel sharell les.

Jesaja 63:19

Un mer wam har sawe, pral kolende tu an kek tsiro o rai hals, un pral kolende tiro lab gar win gole dino was.

Jeremia 14:21

Bitche men gar tutar krik, te well gar djungeles rakedo pral tute! Muk kek te sal pral Jerusalem, kai tiri raili beshepaskri tardo hi! Ma biste, hoi tu mentsa win kral, un le tire laba gar pale!

Jeremia 15:1

Un o baro Dewel penas ap mande: Ninna te wals o Mose un o Samuel glan mande tardo, kroms me kal menshenge miro dji gar pre. Trade len krik mandar, un muk len te djal!

Ropaskre gilja 2:20

Baro Dewel, muk tire jaka ap mende te dikell! Dik, koneha jaake trujel djal! Hunte chan i djuwja pengre tchawe, kolen jon ap i mussja hidjrenn? Hunte wenn i rashaja un tire rakepangre an tiro kheer mulo dino?

Micha 6:4

Me hom kowa, kai anas tumen dran o them Egiptia win, kai hans pandle budepangre. Me dom tumen o Mose, o Aron un i Mirjam, te djan le glan tumende.

5. Mose 13:5

Leske djan palla! Rikrenn les tumenge glan i jaka pash halauter, hoi krenn! Lauter, hoi job penas, krenn! Shunenn ap leste! Mangenn les an! Un rikrenn tumen ap leste!

5. Mose 15:15

Un tu bistress gar, te hals i budepaskro an o them Egiptia, un tiro baro Dewel las tut kote win. Doleske penau me tuke kowa kau diwes.

5. Mose 21:8

Baro Dewel, mangah tut, le kai doosh mendar, tire menshendar Israel, kolen tu dran o pandepen win lal. Ma dik ap mende, har te wams mer kolla, kai maram i menshes, ap koleste kek doosh tchiddo hi.” Palle lell o baro Dewel koi doosh lendar krik.

5. Mose 32:9

I Israelitarja hi leskre menshe. Jon, o Jakobeskre tchawe, hi kolla, kai rodas lo peske win.

5. Mose 7:8

Dran peskro kamlepen tumenge rodas o baro Dewel tumen win, te rikrell lo peskri sowel dren, hoi job tumare phurende das. Doleske anas lo tumen peskro sorelo wasteha win dran o them, kai pandlo hans, dran o wast o Faraestar, ko rajestar pral Egiptia.

5. Mose 9:12

un penas ap mande: “Naash, dja sik kai berga tele! Kol menshe, kai tu dran o them Egiptia win anal, kran i tchilatcho koowa. Sik djan le ko dromestar tele, kai me sikrom lende. Jon kran penge i dewel dran sonakai.”

5. Mose 9:27

Ma biste tire budepangre, o Abraham un o Isaak un o Jakob! Ma dik koi pre, te hi kal menshen kai djia har barra. Ma dik ap lengro tchilatchepen, un ap koi doosh hoi le ap pende anan.

5. Mose 9:29

Jon hi tire menshe, kolen tu win lal dran o them Egiptia tiri bari sorjah un tiro sorelo wasteha, te wenn le tire menshe!”

Tito 2:14

Job das peskro djipen an o merepen, te las lo mari tseli doosh ap peste, un te kras lo maro dji djudjo, te was mer leskre menshe, un te kamas i tseli sorjah latcho koowa te krell.

Hebrearja 9:12

Har o Jesus an o Debleskro kheer an o bolepen djas, anas lo gar i bakrengro rat peha, witar gar i grumjengro rat. Na-a. Peskro rat anas lo glan o Debleste. Kowa kras lo jek kopo un gar bud kope. Un jaake las lo mari doosh hako tsireske mendar.

Debleskro tsiro 5:9

Un jon giwenn i newi gili, un penenn: Tu hal moldo, te less ko liil, un te kress ko liil pre. Tu wal maredo, un plaissral tiro rateha, te giness menshen tiro Debleske. Kolla wenna dran hako them, haki natsjona, haki harmenatsjona un hako rakepen.

1. Samuel 7:9

Un o Samuel las i terno bakro, hoi gomme thud pijas, un maras les un chatchras les tseles o baro Debleske. Un job das ap o baro Debleste gole, un mangas les o Israeleske. Un o baro Dewel shunas ap leste.