5. Mose 9:14 - O Debleskro Drom 2021 (Sinte)

¹⁴ Ma rike man pale, te anap miri bari choli pral lende, un dap len mulo, te well lengro lab bistedo. Tire tchawendar krau me i natsjona, hoi hi sorleder un bareder har kaja.”

O Debleskro Lab 2024 (Sinte-Manouche)

¹⁴ Ma rike man pale, te anap miri bari rholi pral lende, oun dap len moulo, te vell lengro lab bistedo. Tire čavendar krau me i natsyona, hoy hi zorleder oun bareder har kaya.”

5. Mose 9:14 ပူးပေါင်းရင်းမြစ်များ

Esra 9:14

Har nai was kowa jaake, te kras kowa kanna pale, te shunas gar ap tire laba, un te las menge romjen kol wawar menshendar, kai sawo djungelo koowa krenn? Hunte well tiri choli gar jaake pral mende, bis te atchell kek mendar ap o djipen? Bis te kek menshe mendar buder koi hi, kai pral atchan un nai djiwenn dureder?

Debleskri gili 106:23

Doleske kamas lo len mulo te dell, te wals kote gar o Mose, koles job peske wi-rodas. Kowa stas pre, te rikrell lo o Debles leskri choljatar tele, jaake te dell lo len gar mulo.

Debleskri gili 109:13

Kre, te merenn kolla win, kai pal leste wenna. Leskre tchawengre tchawen wenn kek tchawe buder, jaake te well lengro lab bistedo.

Debleskri gili 9:5

Awa, tu lal miro koowa an tiro wast, un beshal tut ap tiro tchatchepaskro stamin un dal man tchatches. Tu hal i tchatchepaskro rai, kai an o tchatchepen tardo hi.

Gosewe laba 10:7

Latche menshe wenn gar bistedo. Kowa, hoi le kran, hi o Debleskro latchepen. I tchilatche wenn bistedo.

Jesaja 48:19

Tire tchawe, kai pal tute wenn, wans jaake bud har i santa pash o baro pani. Un lengre laba merans gar win. Un kek nai tradans len krik glan mande.

Jeremia 14:11

Un o baro Dewel penas ap mande: Tu mangess gar kal menshenge, te wap latches ap lende.

Jeremia 15:1

Un o baro Dewel penas ap mande: Ninna te wals o Mose un o Samuel glan mande tardo, kroms me kal menshenge miro dji gar pre. Trade len krik mandar, un muk len te djal!

Jeremia 7:16

Tu, Jeremia, mangess gar un rowess gar glan mande kal menshenge, witar gar peness mange, hoi len ap o dji hi, un hoi len hunte well, un stakress lenge pash mande witar gar dren. Me kamau tumen gar an-shunell.

Bičepangre 7:51

Un o Stefano penas dureder ap lende: “Tumer kamenn tchi te haiwell. Tumaro dji hi har bar. Tumare kandentsa shunenn tchi, un kamenn gar ap o Debleskro Ducho te shunell. Jaake kran tumare phure. Jaake krenn ninna tumer.

5. Mose 29:20

Job tchiwell les infam, te hi lo kek Israelitari buder. Un ap leste well koi bibacht, hoi koles taprell, kai tel o praassepen hi doleske kai rikras lo pes gar ap kowa, hoi peskro baro Dewel leha win kras, jaake har an kau tchatchepaskro liil tchinlo hi.

5. Mose 32:26

Te daroms me gar o sapen kolendar, kai hi chojedo pral lende, penoms me: “Me marau len halauteren, te well lengro lab bistedo ap i phub.” Kowa krau gar, te phurdenn pen kolla gar pre, kai kuran pen lentsa, te nashte penenn jon gar: “Dran mari soor was kowa. O baro Dewel kras kawa gar.”

Debleskro tsiro 3:5

Kowa, kai soreles an o patsepen atchas, un gar pre das, kowa lella parne ripja. Un leskro lab lau me gar win dran o liil, kai i djide dren tchinlo hi. Ninna penau glan miro dadeste un glan leskre bolepangre, kai job hi miro.