5. Mose 9:1 - O Debleskro Drom 2021 (Sinte)

¹ Shunenn, tumer menshe Israel! Tumer djan kau diwes pral o pani Jordan, te lenn themma tumenge dren kol menshendar, kai hi bareder un sorleder har tumer. Lengre forja hi bares, un bare massurja djan trul lende pre an o bolepen.

O Debleskro Lab 2024 (Sinte-Manouche)

¹ Shounenn, t'mer menshe Israel! T'mer djan kava dives pral o pani Yordan, te lenn themma t'menge dren kol menshendar, kay hi bareder oun zorleder har t'mer. Lengre forya hi bares, oun bare massurya djan troul lende pre an o bolepen.

5. Mose 9:1 ပူးပေါင်းရင်းမြစ်များ

1. Mose 11:4

Un jon penan: “Awenn, mer krah menge i foro un i baro kheer, hoi djal an o bolepen. Jaake sikrah hakeneske, har baro mer ham. Un mer atchah khetne an ko them.”

2. Mose 32:1

Har dikan i menshe, kai o Mose i rah tsiro krik atchas, un gar buder koi berga tele was, wan le khetne pash o Aron un penan ap leste: “Dja, kre menge i dewel, kai djal glan mende! Mer djinah gar, hoi ko Moseha djas, kai anas men dran o them Egiptia win.”

Daniel 4:11

un das gole: ‘Denn ko ruk trujel! Un denn leskre kashta tele! Tserdenn leskre patria lestar tele! Un witsrenn leskre rukengre trujel, te nashenn i vieche tel leste lestar krik! Un i tchirkle mukenn pengre kashta ninna!

Amos 2:9

Djinenn tumer gar, mire menshe, his tumenge, kai tradom i Amorarja glan tumende krik, kolen, kai his jaake baro un sorelo har ruka. Tchi atchas lendar pral.

4. Mose 13:22

Un jon djan an o them Negev, un wan bis pash o foro Hebron. Kote djiwas o Ahiman un o Sheshai un o Talmai, kolengro dad o Anak his. O foro Hebron was newo kerdo efta bersha glan o foro Zoan an o them Egiptia.

4. Mose 33:51

“Rake kol Israelentsa un pen lenge: Ap ko tsiro, kai djan tumer pral o pani Jordan an o them Kanaan,

5. Mose 1:28

Kai djas koi? Mare phrala kran mare djia darenes, har penan le ap mende: Kolla menshe hi sorleder un bareder har mer, lengre forja hi baro un lengre massurja djan pre bis pash o bolepen. Un ninna dikam mer o Anakarja kote!’

5. Mose 11:23

palle tradell o baro Dewel i menshen dran kal tsele themma glan tumende win. Un tumer lenn i themma sawe menshendar tumenge dren, kai hi budeder un sorleder har tumer.

5. Mose 11:31

Tumer djan tchatchepah pral o Jordan, un wenn an ko them dren, te lenn les tumenge dren. Kau them das tumen tumaro baro Dewel, te lenn les tumenge dren un djiwenn koi.

5. Mose 27:2

Ap ko diwes, kai tumer pral o lengsto pani Jordan wergel djan an ko them, hoi tumaro baro Dewel tumen dell, palle lenn bare barra, un tchiwenn len jek ap o wawar, un makenn len parnes.

5. Mose 3:18

An ko tsiro penom i murshenge dran kol familja Ruben, Gad un Manasse: “Tumaro baro Dewel das tumen kawa them, te lenn les tumenge dren. Kanna lenn tumaro kurepaskro koowa un djan tumare phralenge, kol wawar Israelenge glan win.

5. Mose 4:1

Kanna shun, Israel, hoi tumaro baro Dewel tumendar kamell. Denn jak ap leskre tchatchepaskre laba, hoi me tumen sikrau. Rikrenn tumen ap kowa, te atchenn djido, un te wenn dren an ko them, te nai lenn les tumenge dren, ko them, ap koleste tumaro baro Dewel tumare phurenge pes sowel das, te dell lo les lende.

5. Mose 4:38

un tradas menshen win dran lengre themma glan tumende, natsjone, kai bareder un sorleder hi har tumer, te dell lo tumende lengro them, jaake har kowa kanna hi.

5. Mose 6:10

O baro Dewel, kai tiro Dewel hi, anell tut an ko them, kai job pes pash o Abraham, o Isaak un o Jakob sowel das, te dell lo les tute. Kote hi bare un shukar forja, hoi tu gar kral,

5. Mose 7:1

Tumaro baro Dewel anell tumen an ko them, hoi tumaro well. Un job tradell bud menshen glan tumende win: I Hetarja un i Girgasharja un i Amorarja un i Kanaanitarja un i Perisarja un i Hiwarja un i Jebusarja. Kolla hi efta natsjone, kai hi bareder un sorleder har tumer.

Josua 1:11

“Djan mashkral i plachtene khera un penenn i menshenge: Lenn chapen un pipen pash tumende o dromeske! An triin diwessa djan tumer pral o pani Jordan an ko them dren, hoi dell tumen o baro Dewel, kai tumaro Dewel hi, te well ko them tumaro!”

Josua 14:12

Un kanna de man kol berge, kolendar o baro Dewel an ko diwes rakras! Tu shunal an ko diwes, te djiwenn kol Anakarja koi an bare sorele forja. Te hi o baro Dewel mantsa, palle nai tradap len win, har o baro Dewel kowa penas.”

Josua 3:14

Un i menshe djan win dran lengre plachtene khera, te djan le wergel o pani Jordan. Un i rashaja, kai hidjrenn ko mochton, kai o Debleskre deesh laba dren hi, djan lenge glan win.

Josua 3:16

atchas o pani, hoi pralstunes lendar his, tardo har i kheer dur pral pash o foro Adam, hoi pash Zaretan tchiddo hi. Un ko pani, hoi telstunes lendar his un tele an o Londo Baro Pani nashell, kowa nashas buder gar pal un djas krik. Un jaake nai djan i tsele menshe ap i wawar rig, pash ko foro Jericho.

Josua 3:6

Un ap i rashajende penas lo: “Hadenn o mochton pre, kai o Debleskre deesh laba dren hi! Un djan glan i menshende glan!” Koi hadan le o mochton pre, un djan i menshenge glan win.

Josua 4:19

Kowa his o deshto diwes an o glanstuno tchon, har i Israelitarja ap i wawar rig o panjestar Jordan wan. Un jon tchiwan pengre plachtene khera pre ap i platsa, hoi kharella Gilgal. Kai platsa hi pash o foro Jericho ap koi rig, kai o kham pre djala.

Josua 4:5

Un job penas ap lende: “Djan mashkral an o pani glan o mochton, kai i laba tumaro baro Deblestar dren hi! Un hakeno tumendar hadell jek bar ap leskro phik, jek bar haki bari familjake, hoi wella kol deesh-te-dui Israeleskre tchawendar.