5. Mose 8:5 - O Debleskro Drom 2021 (Sinte)

⁵ Jaake haiwenn tumer an tumare djia, tumaro baro Dewel kras tumentsa har i dad peskro tchaweha.

O Debleskro Lab 2024 (Sinte-Manouche)

⁵ Yaake hayvenn t'mer an t'mare djia, t'maro baro Devel kras t'mentsa har i dad peskro čaveha.

5. Mose 8:5 ပူးပေါင်းရင်းမြစ်များ

2. Samuel 7:14

Me kamau leskro dad te well. Un job well miro tchawo. Un job te krell i tchilatcho koowa, dau me les i phagi, jaake har menshe i phagi denna.

Debleskri gili 89:32

un krenn gar, hoi lendar kamau, un rikrenn pen gar ap mire laba,

Debleskri gili 94:12

Bachtelo hi kowa, koneste tu, baro Dewel, leskri doosh sikreh, koleste tu sikreh, har te djiwell lo.

Gosewe laba 13:24

I dad, kai peskro tchaweste kek phagi dell, krell leske gar mishto. Koon les kamell o djijestar, kowa rikrell pes gar pale, te dell lo les i phagi.

Gosewe laba 3:11

Miro tchawo, ma dik tchilatches, te dell tut o baro Dewel i phagi! Ma naash lestar krik, te dell lo tut trad.

Gosewe laba 3:12

Kones o baro Dewel o djijestar kamell, koles dell lo, jaake har i dad peskro tchaweha krell, ap koleste job latches dikell.

Sikepaskro 7:14

Te hi tut i latcho tsiro, palle muk les tuke latches te djal. Te hi tut i djungelo tsiro, palle dikess dren: O Dewel kras ko jek tsiro har ko wawar, te djinell o mensho gar, hoi wella an kol diwessa, kai wenna.

Jesaja 1:3

Haki grumni prindjrell koles, koneske joi hi. Un haki burika djinell koi platsa, kai lakro rai dell lat te chal. O Israel prindjrell kowa gar. Mire menshe haiwenn kowa gar.

Ezekiel 12:3

Tu mensho, le tire koola khetne, har te wals jek, kai hunte djal an o pandepen. Un kre tut pral o diwes ap o drom, te nai dikenn kowa halauter. Glan lengre jaka djas tu kote win, kai khere hals, un djas ap i wawar platsa. Jaake te nai wals, te djal lenge i jaka pre – kolenge, kai mukenn pen tchi te penell.

Ezekiel 18:28

Job dikas peskri tseli doosh dren, hoi lo ap peste anas, un mukas peskro tchilatcho drom, doleske atchell lo djido un hunte merell gar.

1. Korintarja 11:32

Te lah mer i phagi o Deblestar, palle krell job kowa, te djas mer gar khetne i wawar menshentsa nashedo.

5. Mose 1:31

Un an o mulo tato them hidjras lo tumenge har i dad peskro tchawes ap tumaro tselo drom, hoi djan bis kate, kai kanna han.”

5. Mose 4:23

Kanna denn tumen jak, te bistrenn gar, hoi tumaro baro Dewel tumentsa win kras! Ma krenn tumenge i figura tchomonestar, hoi mangenn an, har te wals i dewel. Tumaro baro Dewel penas tumenge soreles, te krenn kowa gar.

5. Mose 4:36

Dran o bolepen win rakras lo ap tumende, te sikrell lo tumen leskro drom. Un ap i phub mukas lo tumen peskri bari jag te dikell. Un dran koi jag win shunan tumer kol laba, hoi job ap tumende rakras.

5. Mose 4:9

Denn soreles jak ap tumende, te bistrenn gar – jaake rah har djiwenn, – hoi tumare jakentsa dikan! Un penenn tumare tchawenge un lengre tchawenge,

5. Mose 8:6

Doleske denn jak ap i laba tumaro baro Deblestar, un djan ap leskre drom, un shunenn o tselo djijeha ap leste.

Debleskro tsiro 3:19

Lauteren, kai kamau o djijestar, kolende sikrau lengri doosh, un penau lenge dawentsa, te shunenn le ap mande. Mukenn kanna tumaro tchilatcho drom, un awenn pale ap miro drom!