5. Mose 8:3 - O Debleskro Drom 2021 (Sinte)

³ Un job mukas tumen te bokell, te haiwenn, tumaro chapen well lestar. Un job das tumen o Manna te chal, hoi tumer gar prindjran un tumare phure witar gar. Kowa kras lo, te sikrell lo tumen, te djiwell o mensho gar o chapastar kokres. Na-a, i mensho djiwell hako labestar, hoi dran o mui o baro Deblestar win djal.

O Debleskro Lab 2024 (Sinte-Manouche)

³ Oun yob moukas t'men te bokell, te hayvenn, t'maro rhapen vell lestar. Oun yob das t'men o Manna te rhal, hoy t'mer gar prindjran oun t'mare phoure vitar gar. Kova kras lo, te sikrell lo t'men, te djivell o mensho gar o rhapastar kokres. Na-a, i mensho djivell hako labestar, hoy dran o mouy o baro Deblestar vin djal.

5. Mose 8:3 ပူးပေါင်းရင်းမြစ်များ

Debleskri gili 105:40

Jon mangan lestar mass, un job mukas pesse tchirkle te well. O mareha dran o bolepen kras lo len tchalo.

Debleskri gili 37:3

Dik ap o baro Debleste, te krell lo tuke latchepen! Un kre, hoi mishto hi! Atch an o them, un djib kolestar, hoi tire wastentsa budral!

Mateo 4:4

Penas o Jesus: “An o Debleskro lab hi tchinlo: O maro kokres rikrell i menshes gar djido. Job djiwell dran hako lab, hoi o Dewel rakrella.”

Louka 4:4

Koi penas o Jesus: “An o Debleskro lab hi tchinlo: O maro kokres rikrell i menshes gar djido.”

1. Korintarja 10:3

Un jon halauter chan ko jek chapen, hoi was o Deblestar.

5. Mose 29:5

Tumen his kek maro te chal, un kek mool un wawar sorelo pipen te pijell. O baro Dewel das tumen chapaske, te haiwenn tumer, te hi job tumaro Dewel.

5. Mose 29:6

Un har wan tumer ap kai platsa, kote djas o Sihon, ko rai pral o foro Heshbon un o Og, ko rai pral Bashan win, te kurenn le pen mentsa. Un mer dam len.

5. Mose 32:47

Kalla hi laba, hoi tumenge bud moldo hi. Jon hi tumaro djipen. Djiwenn pal lende, un tumer djiwenna i rah tsiro an ko them wergel o panjestar Jordan, kai kanna dren djan, te lenn les tumenge dren.

5. Mose 9:9

Me homs pre ap i berga, te lap lestar kol barra, an koleste job i deesh laba tchinas, hoi hunte rikrenn, te wenn leskre menshe. Kote atchom me 40 (star-deesh) diwessa un ratsja. Maro chom me kek, un pani pijom me witar gar.