5. Mose 8:12 - O Debleskro Drom 2021 (Sinte)

¹² An ko tsiro, kai djal tumenge mishto, un nai chan tumenge tchales, un djiwenn an shukar khera,

O Debleskro Lab 2024 (Sinte-Manouche)

¹² An ko tsiro, kay djal t'menge mishto, oun nay rhan t'menge čales, oun djivenn an shoukar khera,

5. Mose 8:12 ပူးပေါင်းရင်းမြစ်များ

Gosewe laba 30:9

Te wals man budeder har man hunte well, nai penaus: “Koon hi o baro Dewel?” Un te wals man gar doha, nai tchoraus un anaus ladj ap miro Debleste.

Sikepaskro 2:4

Me krom baro koowa: Me krom mange khera un drakengre themma,

Ezekiel 11:3

Jon penenn: “Hi gar o tsiro koi, te kras menge khera? O foro hi har i piri, un mer ham har o mass, hoi dren hi. Menge djal tchi.”

Amos 5:11

Kowa krenn tumer: I tchorwelen rikrenn tele, un lenn lendar budeder djob har tchatcho hi. Doleske well jaake: An kol shukar newe khera, hoi tumenge kran, djiwenn tumer gar. Un i mool kol newe drakengre rukendar, hoi an i phub tchiwan, pijenn tumer gar.

Haggai 1:4

Hi ko tsiro kai, te beshenn tumer an shukar kerde khera, un miro kheer hi paash dino un tchiddo an kotja?

Louka 17:28

O tsiro, kai o Mensheskro Tchawo pale wella, hi ninna har o tsiro, kai o Lot djiwas. Jon chan, pijan, jon ginan, bikran, jon budran ap pengro kotar phub, un kran penge khera.

5. Mose 28:47

Tumaro baro Dewel das tumen bud latcho koowa, awa, budeder har doha lauterestar. Un tumer hans gar leske koi i bachtelo djijeha.

5. Mose 31:20

Me anau len an ko them, jaake har man sowel dom glan lengre phurende, te krap kowa. Kowa hi i them, an koleste bud thud un gwin hi. Un jon chan un wenn tchalo un thullo. Un kote nashenn le wawar deblenge palla, un mangenn kolen an. Un ap mande dikenn le tele, un phagenn koi sowel, hoi le mantsa dren djan.

5. Mose 32:15

O Jeshurun djiwas i shukar djipen, his tchalo un brawelo. Har was lo pesso, phurdas lo pes pre. Un mukas o Debles, kai les kras, un witsras les ap i rig. Leskro sorelo rikepaskro his leske tchi moldo.

5. Mose 6:10

O baro Dewel, kai tiro Dewel hi, anell tut an ko them, kai job pes pash o Abraham, o Isaak un o Jakob sowel das, te dell lo les tute. Kote hi bare un shukar forja, hoi tu gar kral,

5. Mose 8:13

un tumen wan bud grumja, bakre, rup un sonakai, un halauter hoi tumen hi, was budeder,