5. Mose 7:7 - O Debleskro Drom 2021 (Sinte)

⁷ Kowa kras lo gar doleske, kai hans budeder har kol wawar. Na-a, tumer han i tikneder natsjona har kol wawar.

O Debleskro Lab 2024 (Sinte-Manouche)

⁷ Kova kras lo gar doleske, kay hans boudeder har kol vavar. Na-a, t'mer han i tikneder natsyona har kol vavar.

5. Mose 7:7 ပူးပေါင်းရင်းမြစ်များ

1. Familjakro liil 16:19

An ko tsiro his le gar bud, gar budeder har i wast pherdo, un his wi-themarja an o them.

Debleskri gili 105:12

An ko tsiro his le gar bud, gar budeder har i wast pherdo, un his wi-themarja an o them.

Debleskri gili 115:1

Tu kokres, baro Dewel, wess sharedo! Tu hunte wess sharedo, gar mer! Tu hal kowa, kai latcho hi un hako tsiro peskro lab rikrell.

Debleskri gili 44:3

Tu tradal tiro wasteha i wawar menshen win dran lengro them, un dal ko them mare phurende. Kol wawar menshen dal tu paash, te nai djiwan mare phure an ko them.

Jesaja 51:2

ap o Abraham, tumaro phuro dad un ap i Sara, tumari phuri dai! Len his kek tchawe, har dom o Abrahames gole. Un me tchiwom miri bacht un soor ap lende un dom len bud tchawen.

Jesaja 63:9

dran ko tselo pharo koowa, hoi ap lende tchiddo his. Kek wawar, kek bolepaskro un kek bitchepaskro was lenge ap i rig. Na-a job kokres was, un las len dran kowa lauter win. Dran leskro tselo dji kamas lo len un his lenge latches. Doleske las lo len koi win, hadas len pre, un hidjras len hake diwessa an ko phuro tsiro.

Ezekiel 20:5

Pen lenge: Kawa penell o baro Dewel, maro rai: Me rodom i Israelitarja win, te wenn le mire menshe. Har jon gomme an o them Egiptia his, penom lenge, koon me hom. Awa, me hadom miro wast pre, te dap man sowel, un penom kolenge dran o kheer Jakob: Me, o baro Dewel, hom tumaro Dewel.

Ezekiel 36:22

Doleske pen ap o kheer Israel: Kawa penell o baro Dewel, maro rai: Tumer kran, kai was djungeles rakedo pral mande mank i menshende an wawar themma, pash kolende tumer wan. Kowa, hoi kanna krau, krau gar tumenge dran o kheer Israel. Na-a, kowa krau, te well miro latcho lab pale sharedo.

Mateo 7:14

Tikno hi ko wudar un gar buchlo hi ko drom, kai i menshe hatsenn o djipen. Un gar bud hi kolla, kai ap ko drom djana.

Louka 12:32

Ma darenn! Kate han tumer gar bud un gar an-diklo. O Dewel, kai hi tumaro dad an o bolepen, kowa kamella, te lenn tumer leskro brawlepen un railepen.

Remarja 11:6

Kran jon latcho koowa? Un doleske rodas lo len win? Na-a! Te krals lo kowa, wals peskro kamlepen gar o tchatcho kamlepen.

Remarja 9:18

Lauter krell lo jaake, har job kamella. Ap koneste job latches kamell te well, ap koleste hi lo latcho. Koneske job i dji dran bar kamell te dell, koleske dell lo i dji dran bar.

Remarja 9:21

Kowa hi jaake har pash i mensheste, kai krell tchare un pirja dran jek kotar loli phub. Te kamell lo, krell lo i shukar tcharo, hoi bud moldo hi. Un te kamell lo, krell lo i wawar tcharo, kai tchiklo koowa dren tchiddo wella.

5. Mose 1:10

Tumaro baro Dewel kras tumen jaake bud. Tumer han kau diwes jaake bud har kol momlia an o bolepen hi.

5. Mose 10:22

70 (efta-deesh) menshe his tumare phure, har le an o them Egiptia tele djan. Un kanna kras tumaro baro Dewel tumendar jaake bud har i bolepangre momlia.

5. Mose 14:2

Tumer han o baro Debleskre menshe. Job hi tumaro Dewel. Tumen rodas lo win dran i tsele themma ap i phub, te wenn i natsjona, hoi leske hi.

5. Mose 4:37

Job kamas tumare phuren o tselo djijestar, un rodas lengre tchawen win un kolengre tchawen, un halauter kai lendar wenna. Un job djas tumentsa, har anas lo tumen win dran o them Egiptia peskri bari sorjah,

1. Johanni 3:1

Dikenn, har baro o Debleskro kamlepen menge hi. O Dewel, maro dad, penell ap mende: “Mire tchawe.” Un tchatchepah, kolla ham mer. Dran kowa haiwenn men kol menshe gar, kai o Debles gar prindjrenna. Jon haiwenn gar, koon job hi.

1. Johanni 4:10

Kawa hi o Debleskro kamlepen: Hi gar jaake, kai mer kamam o Debles. Na-a, job kamas men, un bitchras peskro tchawes, te lell job mari doosh ap peste.