5. Mose 7:3 - O Debleskro Drom 2021 (Sinte)

³ Ma romedinerenn kek lentsa! Tumare tchen denn gar lengre mursh tchawende! Un lengre tchen lenn gar tumare mursh tchawenge, te romedinerenn le len.

O Debleskro Lab 2024 (Sinte-Manouche)

³ Ma romedinerenn kek lentsa! T'mare čen denn gar lengre morsh čavende! Oun lengre čen lenn gar t'mare morsh čavenge, te romedinerenn le len.

5. Mose 7:3 ပူးပေါင်းရင်းမြစ်များ

1. Mose 24:3

un de tut sowel ap o baro Debleste, ap o Debleste pral o bolepen un i phub, te less miro tchaweske kek romjat, kai well kate dran o them Kanaan.

1. Rajengro liil 11:2

Kolla his sawe menshendar, kolendar o baro Dewel ap i Israelitarja penas: “Ma mukenn tumen lentsa dren, un jon hunte mukenn pen gar tumentsa dren. Jon tserdans tumare djia pash lengre deblende.” Ap kal djuwjende nashras o Salomo peskro dji.

1. Rajengro liil 16:31

Un har te wals gar doha, kai kras job ko tselo tchilatcho koowa, hoi ninna o Jerobeam kras, koleskro dad o Nebat his, romedineras lo i Isebel, koi tchat o rajestar pral Sidon. Leskro lab his Etbaal. Un o Ahab djas koi un witsras pes glan o chocheno debleste Baal tele, un mangas les an.

Esra 10:3

Mer kras maro Debleha win, te bitchras mer kol tsele djuwjen un lengre tchawen mendar krik, jaake har penan tumer – tu, miro rai, un kolla, kai rikrenn maro Debleskre laba. Mer kamah les jaake te krell, har an o Moseskre lila tchinlo hi.

Esra 9:12

Doleske ma denn tumare tchen lengre tchawenge! Un lengre tchen ma lenn len tumare tchawenge! Ma awenn lengre mala! Un denn jak, te wenn le gar brawelo, an kek tsiro. Palle nai wenn tumer soreles an o them, un nai chan ko latchepen, hoi an ko them koi hi. Kowa nai denn palle tumare tchawen, te djiwenn le an hako tsiro an ko them.’

Nehemia 10:30

jon dan pen khetne pengre phralentsa, kol pralstunentsa mank lende, un dan pen sowel, te djan le ap o Debleskro drom, jaake har sikras lende o Mose, koles o Debleskro wast his, te djiwenn le pal hako lab un pal o tchatchepen, hoi das len o baro Dewel, lengro rai, un te kamenn kowa te krell, hoi job lendar kamell.

Čačepangre 14:3

Kote penas leskro dad un leskri dai ap leste: “Hi mank tire tsele menshende kek tchai tuke? Hatseh kek romni mank i tsele Israelitarja, te hunte djas tu pash i Filistarja, un less tuke i romni kolendar, kai gar tchinlo hi ap pengro mass?” O Simson penas ap peskro dad: “Koja le mange! Joi hi i shukar an mire jaka.”