5. Mose 7:16 - O Debleskro Drom 2021 (Sinte)

¹⁶ Tumer hunte marenn i tsele natsjone, hoi tumaro baro Dewel an tumare wasta dell. Jon hunte khaitenn tumen gar, un lengre deblen hunte mangenn gar an. Jon anans tumen an i bibacht.

O Debleskro Lab 2024 (Sinte-Manouche)

¹⁶ T'mer hounte marenn i tsele natsyone, hoy t'maro baro Devel an t'mare vasta dell. Yon hounte khaytenn t'men gar, oun lengre deblen hounte mangenn gar an. Yon anans t'men an i bibarht.

5. Mose 7:16 ပူးပေါင်းရင်းမြစ်များ

Debleskri gili 106:34

Mare phure maran gar kol wawar menshen an o them, har o baro Dewel lenge penas.

Debleskri gili 106:36

un mangan lengre deblen an. Jaake peran le o baro Debleskro dromestar tele.

2. Mose 23:33

Mukenn len gar tumentsa khetne an tumaro them te djiwell! Te krans le kowa, nai anans le tumen jaake dur, te mangenn tumer lengre deblen an un shunenn buder gar ap mande. Un kowa wals tumaro merepen.

Jeremia 21:7

Un koi pal dau me o Zedekja, ko baro rajes pral Juda, an kol wasta o baro rajestar pral Babilonia, o Nebukadnezar, ninna leskre pralstunen un kol menshen kate an kau foro, kolla, kai gar meran ap o nasslepen, an o kurepen un i bokatar. Kowa penau me, o baro Dewel. Me dau tumen an i wasta kolendar, kai kamenn tumen te marell. O Nebukadnezar mukell tumen lauteren o chareha mulo te dell, un les khaitell kowa gar, un job krell peskro dji tumenge pandlo.

4. Mose 33:55

Te tradenn tumer gar kol menshen krik, kai djiwenn an ko them, palle dukrenn tumen kolla, kai tumer djido mukan, har i kasht an o jak, un har i tchupni, kolah i grumni glan tradedo well. Un jon krenn tumenge o djipen phares an ko them kai tumer djiwenna.

1. Korintarja 15:33

Ma patsenn, kai lengro tchatcho hi! Ma krenn kowa, hoi jon krenna!

5. Mose 13:8

Nai well, te penell lo: ‘Mange kol debles an kol menshendar, kai hi trul tute’, oder ‘ko debles kol menshendar, kai hi dur tutar’. Kai le ninna hi ap i tseli phub,

5. Mose 13:9

ma kre, hoi job tutar kamell, un shun gar ap leste! Job te khaitell tut gar! Tut well kek dji leske! Ma khate leskri doosh!

5. Mose 19:13

Job te khaitell tumen gar! Sawo marepaskro hunte merell, te djal tumenge mishto an Israel. Job maras jekes, ap koleste kek doosh his.

5. Mose 19:21

Ko chocheno hunte khaitell tumen gar! Krenn jaake: Jek djipen i djipaske, jek jak i jakeske, jek dand i dandeske, jek wast i wasteske, jek piro i pireske!

5. Mose 25:12

palle well lake ko wast tele dino. Joi hunte khaitell tumen gar.

5. Mose 7:2

Te dell tumaro baro Dewel len an tumare wasta, un tumer denn len, palle hunte marenn len halauteren. Tumer hunte krenn gar lentsa win, te wenn lengre mala, un hunte sikrenn kek latchepen ap lende.

5. Mose 7:25

Chatchrenn i figure lengre deblendar! Ko rup un ko sonakai, hoi ap lende hi, lenn gar tele tumenge, te wenn tumare djia gar pandles ap kowa. Sawo koowa wals djungeles glan tumaro baro Debleskre jaka.

Josua 11:20

O baro Deblestar was, te kran kol menshe pengre djia har bar, jaake te djan le an o kurepen khatar o Israel, un wan halauter lendar maredo. I Israelitarja hunte wan lenge gar latches. Na-a, jon hunte dan len halauteren mulo, jaake har o baro Dewel kowa ap o Mose penas.

Čačepangre 2:12

un mukan o baro Debles, kai o Dewel lengre phure dadendar hi, un len win anas dran o them Egiptia. Un jon nashan wawar deblenge palla, – kol deblenge, kolen i menshe an-mangan, kai trul lende djiwan. Un jon peran glan lende tele, un jaake kran le, te well o baro Dewel chojedo.

Čačepangre 2:3

Koi penom me: Me tradau len gar glan tumende win. Un jon wenn tumenge har shelle, kai taprell jek viechen dren. Un ap ko diwes, kai mangenn tumer lengre deblen an, taprenn tumer dren.”

Čačepangre 3:6

Un i Israelitarja lan penge lengre tchen un romedineran len. Un jon dan pengre tchen lengre tchawende, un mangan lengre deblen an.

Čačepangre 8:27

Un o Gideon kras dran ko sonakai jek dewel. Un tchiwas les pre an peskro foro, hoi kharella Ofra. Un o tselo Israel was koi, te mangenn le les an. Un doleske peras o Gideon un leskro tselo kheer o tchatcho dromestar tele.