5. Mose 6:7 - O Debleskro Drom 2021 (Sinte)

⁷ un peness len ninna tire tchawenge, te bistrenn le len gar. Rake lendar, te hal khere beshdo, un te djah ap o drom, un te tchiweh tut tele un te steh pale pre.

O Debleskro Lab 2024 (Sinte-Manouche)

⁷ oun peness len ninna tire čavenge, te bistrenn le len gar. Rake lendar, te hal khere beshdo, oun te djah ap o drom, oun te čiveh tout tele oun te steh pale pre.

5. Mose 6:7 ပူးပေါင်းရင်းမြစ်များ

1. Mose 18:19

Me rodom les mange win, te penell lo peskre tchawenge un kolenge, kai pal leste wenna, te rikrenn pen le ap miro drom un krenn, hoi mishto un tchatcho hi, te nai mukap me halauter ap o Abrahameste te well, hoi me leske penom.”

Hiob 8:10

Tire phure nai sikrenn tut, hoi le win hatsan, un hoi jon an pengro djipen dikan:

Debleskri gili 119:13

Me penau i wawarenge, har tu o tchatchepen wi-rakral.

Debleskri gili 119:46

Glan i bare rajende rakrau kolestar, hoi tu menge penal, hoi te kras mer, un ladjau man gar.

Debleskri gili 129:8

Un kek, kai kote ap o drom djal, penell ap lende: “O baro Debleskri bacht well ap tumende! Mer rakrah bacht pral tumende an o baro Debleskro lab.”

Debleskri gili 37:30

Goswepen well dran o mui i latcho menshestar, un leskri tchip rakrell o tchatchepen.

Debleskri gili 71:17

Miro Dewel, tu hal miro sikepaskro fun tiknes pre, un ninna kanna rakrau me pral ko baro koowa, hoi tu lauter kral.

Gosewe laba 10:21

O rakepen kolestar, kai an o tchatchepen tardo hi, dell bud menshen newi soor. Kolen tchi an o shero hi, kolla merenn dran ko dinelo koowa, hoi le kran.

Gosewe laba 15:2

O gosewo rakrell jaake, te haiwenn i wawar, hoi mishto hi. Dran o narweleskro mui well tchi har dinlepen.

Gosewe laba 15:7

I gosewengro rakepen sikrell i wawarende, hoi lenge mishto hi. Kowa, hoi i dinelen an o shero hi, hi tchi moldo.

Gosewe laba 6:22

Te djah, sikrenn le tuke o drom, te tchiweh tut, denn le ap tute jak. Un te steh pale pre, wenn le tuke an o shero.

Jesaja 38:19

Kolla, kai djiwenn, awa, i djide hi kolla, kai sharenn tut, jaake har me sharau tut kau diwes. I dada penenn pengre tchawenge, kai tu tiro lab rikreh.

Maleachi 3:16

Koi rakran kolla mank pende, kai djiwenn o baro Debleha. Un o baro Dewel das jak ap lengre laba un shunas, hoi le penenn, un mukas len an i liil dren te tchinell, te wenn le gar bistedo. An kau liil hi kolla dren tardo, kai djiwan leha, un hadan leskro lab.

Mateo 12:35

Dran i latcho mensheskro dji wella latcho koowa. Dran i tchilatcho dji wella tchilatcho koowa.

Louka 6:45

Dran i latcho mensheskro dji well latcho koowa. Dran i tchilatcho dji well tchilatcho koowa. I mensho penell kowa, hoi an leskro dji dren hi.

Efesarja 4:29

Rakrenn kek tchilatche un djungele laba! Kowa, hoi tumer penenna, hunte well latches kolenge, kai shunenna, te lenn le newi soor an pengro djipen.

Efesarja 6:4

Tumer dada, ma choirenn tumare tchawen! Penenn lenge, hoi o Dewel lendar kamella, un sikrenn lende, har te djan le ap o Debleskro drom!

5. Mose 11:19

Un penenn len tumare tchawenge. Rakrenn kol labendar, te han khere, un ninna te djan ap o drom, te tchiwenn tumen tele, un ninna te stenn pre.

5. Mose 6:2

jaake te rikrenn tumaro baro Debles glan i jaka tumaro tselo djipen, un denn jak ap halauter, hoi lo tumendar kamella, ap leskre tsele laba, hoi me tumenge penau, te rikrenn tumen ap lende, tumer un tumare tchawe un tchawengre tchawe. Jaake djiwenn tumer i rah tsiro an tumaro them.

Kolossarja 4:6

Rakrenn lentsa kamles, un trashenn gar, te penenn o tchatchepen! Jek te putchell tumendar tchomone pral tumaro patsepen, palle rakrenn leha jaake, har kowa koleske mishto hi.

1. Petro 3:15

O Jesus Kristo kokres te well o rai an tumare djia! Un te putchenn le tumendar tchomone pral tumaro patsepen, ma darenn kek tsiro, te penenn lenge, ap koneste tumer patsenna.

Ruth 2:12

O baro Dewel mu dell tut ko latchepen pale, hoi tu lake kral! Job, o baro Dewel, ko Dewel pral o Israel, pash koleste tu wal, un tel koleskro wast tut khatral, job te dell tut i shukar brawlepen halautereske, hoi kral.”

Ruth 2:4

Pal i tsiro was o Boas dran o foro Betlehem un penas ap peskre budepangre, kai o djob tchinenn: “O baro Dewel well tumentsa!” Un jon penan ap leste: “O baro Dewel dell tut peskri bacht!”

Ruth 4:11

Un i tsele mursha un phureder, kai pash o foreskro wudar his, penan: “Mer dikam kowa un djinah, jaake hi kowa. O baro Dewel krell, te well koi djuwel, kai an tiro kheer weh, har i Rachel un har i Lea. Kol dui djuwjendar was o tselo kheer Israel. Un tu wess brawelo mank tire menshende Efrat, un tiro lab well sharedo an o foro Betlehem!