5. Mose 6:22 - O Debleskro Drom 2021 (Sinte)

²² Un o baro Dewel kras baro un sorelo koowa, hoi kek wawar nai krell un anas bari bibacht pral i Egiptarja un pral o baro rajeste un koleskro tselo kheer. Kowa dikam mare jakentsa.

O Debleskro Lab 2024 (Sinte-Manouche)

²² Oun o baro Devel kras baro oun zorelo koova, hoy kek vavar nay krell oun anas bari bibarht pral i Egiptarya oun pral o baro rayeste oun koleskro tselo kheer. Kova dikam mare yakentsa.

5. Mose 6:22 ပူးပေါင်းရင်းမြစ်များ

Debleskri gili 135:9

un sikras baro koowa un peskri bari soor ap tute, Egiptia, un ap tiro baro rai un leskre tsele budepangre.

Debleskri gili 136:4

Job kokres krell baro koowa, hoi kek wawar nai krella. Leskro latchepen atchella hako tsireske!

Debleskri gili 91:8

Awa, tire jakentsa dikeh tu les. Tu dikeh har i tchilatche lenn pal kowa, hoi jon kran.

2. Mose 10:2

Kowa krom, te nai peness tu tire tchawenge un tire tchawengre tchawenge, har krom me ap i Egiptarja, un hawo baro koowa me krom mank lende an miri soor. Tumer hunte djinenn, te hom me o baro Dewel.”

2. Mose 3:20

Doleske tchiwau bari bibacht ap i Egiptarja, un krau baro koowa mank lende, hoi sikrella miri soor. Pal kowa mukenn le tumen te djal.

5. Mose 1:30

Tumaro baro Dewel djal glan tumende win un kurell pes tumenge, jaake har lo glan tumare jaka an o them Egiptia tumenge kras.

5. Mose 3:21

An ko tsiro penom ap o Josua: “Tire jaka dikan kowa halauter, hoi tumaro baro Dewel kal dui rajentsa kras. Un jaake krell o baro Dewel hako rajeha an hako them, kai tu djah.

5. Mose 4:3

Tumare jaka dikan, hoi o baro Dewel kras pash i berga Baal-Peor. Hakenes, kai o chocheno debles Baal an-mangas, maras tumaro baro Dewel mashkral tumende.

5. Mose 4:34

Kek wawar dewel djas un las peske menshen win dran i wawar them, har job kras, har las lo tumen win dran o them Egiptia. Job sikras peskri bari soor un kras sau koowa, hoi kek wawar nai krell, un anas bud bibacht ap i Egiptarjen. Job kuras pes tumenge. Peskro sorelo wasteha un peskri pre-hadedi mussjah las lo tumen win, un kras i Egiptarenge bari daar. Kowa lauter dikan tumer.

5. Mose 6:21

Palle peness tu ap tiro tchaweste: “Mer hams budepangre o baro rajestar an o them Egiptia. Un o baro Dewel anas men win dran Egiptia peskri bari sorjah.

5. Mose 6:23

Un men las lo koi win, te anell lo men an kau them, jaake har job pes sowel das glan mare phurende, te dell lo men kau them.

5. Mose 7:19

Tumer dikan, har lo peskri bari soor sikras, un kras sau koowa, hoi kek wawar nai krell, un anas bud bibacht ap i Egiptarjen. Peskro sorelo wasteha un peskri pre-hadedi mussjah anas lo tumen win. Jaake krell tumaro baro Dewel i menshentsa an i tsele themma, kolendar tumer darenn.