5. Mose 6:15 - O Debleskro Drom 2021 (Sinte)

¹⁵ Tiro baro Dewel hi mank tumende un kamell te kamess les kokres. Te rikreh gar pash leste, well leskri choli pral tute, un job lell tut krik i phubjatar.

O Debleskro Lab 2024 (Sinte-Manouche)

¹⁵ Tiro baro Devel hi mank t'mende oun kamell te kamess les kokres. Te rikreh gar pash leste, vell leskri rholi pral toute, oun yob lell tout krik i phoubyatar.

5. Mose 6:15 ပူးပေါင်းရင်းမြစ်များ

1. Mose 7:4

An efta diwessa mukau me brishin tele te well ap i phub: star-desha diwessa un star-desha rati, jaake te merell ap i phub o tselo djipen, hoi krom.”

1. Rajengro liil 13:34

Kai doosh, hoi anas o Jerobeam ap peste, kras, te meras leskri familja win, un was buder gar hatslo ap i tseli phub.

2. Familjakro liil 36:16

Jon sanan o Debleskre bitchepangren win. Un leskre laba his lenge tchi moldo, un jon rikran o Debleskre rakepangre dineleske. Doleske was o baro Debleskri choli jaake phares pral peskre menshende, te nai wan le gar win lino koi dran.

Debleskri gili 90:11

Koon patsell, te nai well tiri choli jaake baro? Un koon darell tiri choljatar?

Debleskri gili 90:7

Dran tiri choli merah jaake sik. Tiri choli khossell men krik.

2. Mose 20:5

Tu witsress tut gar glan i wawar debleste tele, un mangess les gar an. Me, o baro Dewel, hom tiro Dewel, un kamau, te kamess man kokres. Kolen, kai kamenn mandar tchi te djinell un anenn doosh ap pende, dau me i phagi. Me dau ninna i phagi lengre tchawende un kolengre tchawende jaake rah har triin-te-star familje jek pal i wawar djiwenn.

2. Mose 32:12

Kameh, te penenn i Egiptarja: ‘Kau Dewel anas i Israelitarjen dran maro them win, te marell lo len an i berge, te atchell kek lendar pral ap i phub.’ Mangau tut, dja pale tiri chatchedi choljatar! Muk kai bibacht gar pral lende te well!

Jeremia 28:16

Doleske penell o baro Dewel: Tiro rakepah anal i menshen o Debleskro dromestar krik. Doleske lau tut krik i phubjatar. Kau bersh mereh tu.”

Jeremia 7:6

Ma rikrenn kolen tele, kai hi dran i wawar them, witar gar kol tchawen, kai len kek dad buder hi, un kol romjen, kai len kek rom buder hi! Ma denn kol menshen ratles, kai kek tchilatchepen kran! Ma nashenn wawar deblenge palla. Jon anenn tumen an i bibacht.

Amos 3:2

Mank i tsele natsjone ap kai phub han tumer kokres kolla, kolen mange win rodom, un ap lende jak dom. Doleske hi tumari doosh jaake baro, un me hunte dap tumen i phagi.

Amos 9:8

Me, o baro Dewel hom o rai, un lau ko tselo tchilatchepen an o jak, hoi i menshe an o them Israel krenn. Doleske thowau les krik i phubjatar. Win lino wenn gar bud menshe, ninna te well gar o tselo kheer Israel maredo. Kowa penau me, o baro Dewel.

4. Mose 35:34

Krenn ko them gar pale-tchiddo, kai djiwenn tumer, un kai ninna me djiwau. Me hom o baro Dewel, un djiwau mashkral tumende.

1. Korintarja 10:22

Ma choirenn o Debles! Mer ham gar sorleder har job.

5. Mose 11:17

Te krenn sawo koowa, nashte well i choli o baro Deblestar pral tumende, un job pandell o bolepen tele, te dell buder gar brishin, un i phub nai mukell tchi pre te djal. Palle merenn tumer sik win an kau latcho them, hoi o baro Dewel tumen das.

5. Mose 4:24

Job hi i soreli jag, hoi halauter pre chatchrell, un kamell, te kamenn tumer les kokres.

5. Mose 5:9

Tu witsress tut gar glan i wawar debleste tele, un mangess les gar an. Me, o baro Dewel, hom tiro Dewel, un kamau, te kamess man kokres. Kolen, kai kamenn mandar tchi te djinell un anenn doosh ap pende, dau me i phagi. Me dau ninna i phagi lengre tchawende un kolengre tchawende jaake rah har triin-te-star familje jek pal i wawar djiwenn.

5. Mose 7:4

Kol tcha anens tumare mursh tchawen o baro Debleskro dromestar tele, jaake te mangens le wawar deblen an. Palle wals o baro Debleskri choli pral tumende, un sik marals job tumen.

Josua 23:12

Te rissrenn tumer tumen lestar tele, un tchiwenn tumen kol wawar menshentsa khetne, kai gomme an kau them djiwenn, un romedinerenn len,