5. Mose 6:14 - O Debleskro Drom 2021 (Sinte)

¹⁴ Ma dja wawar deblenge palla, kolen i menshe dran i themma trul tumende, an-mangenn.

O Debleskro Lab 2024 (Sinte-Manouche)

¹⁴ Ma dja vavar deblenge palla, kolen i menshe dran i themma troul t'mende, an-mangenn.

5. Mose 6:14 ပူးပေါင်းရင်းမြစ်များ

2. Rajengro liil 17:35

Lenge das o baro Dewel peskro lab, te hi lo lengro Dewel un jon leskre menshe. Ap lende penas lo: “Sharenn kek wawar deblen! Ma tchiwenn tumen tele glan lende! Ma mangenn len an! Un anenn lenge kek viechen un kek sungepaskro koowa!

Debleskri gili 44:20

Fothe kram kowa gar, hi kowa jaake, har te dals tu men khetne, un mukals men mank diwje djukle te djiwell. Kek momeli hi glan mende.

2. Mose 20:3

Un tut well kek wawar Dewel har man.

Jeremia 25:6

Ma nashenn wawar deblenge palla, te perenn tele glan lende, te mangenn len an! Ma choirenn man kolentsa, hoi tumare wastentsa kran, te anap kek bibacht pral tumende!”

Jeremia 35:15

Me bitchrom tumenge pale te pale mire rakepangre, kai mange budrenn, un mukom tumenge te penell: Djan tele, hakeno peskro tchilatcho dromestar! Mukenn tumaro tchilatcho koowa, un nashenn buder gar mule deblenge palla, te mangenn len an! Palle nai atchenn an kau them, hoi me tumenge un tumare phurenge dom. Tumer dan gar jak ap mire laba un shunan gar ap mande.

Jeremia 7:6

Ma rikrenn kolen tele, kai hi dran i wawar them, witar gar kol tchawen, kai len kek dad buder hi, un kol romjen, kai len kek rom buder hi! Ma denn kol menshen ratles, kai kek tchilatchepen kran! Ma nashenn wawar deblenge palla. Jon anenn tumen an i bibacht.

5. Mose 11:28

I bibacht well ap tumende, te shunenn tumer gar ap i laba tumaro baro Deblestar, un djan leskro dromestar tele, un djan wawar deblenge palla, kolen tumer gar prindjrenn.

5. Mose 13:7

Nai well, te rakrell jek tchorchanes ap tute: ‘Mer djas un mangas wawar deblen an, kolen gar prindjreh, witar gar tire phure prindjran!’ Kowa nai hi tiro phraal, tiro tchawo oder tiri tchai, tiri romni oder tiro maal, koles o djijestar kameh.

5. Mose 5:7

Un tut well kek wawar Dewel har man.

5. Mose 8:19

Ma bistrenn tumaro baro Debles! Ma nashenn wawar deblen palla! Un ma witsrenn tumen glan lende tele, te mangenn len an! Te krenn kowa, palle dau tumen kau diwes miro lab pre, te wenn tumer jaake mulo dino,

Josua 23:7

Ma tchiwenn tumen khetne kol wawar menshentsa, kai gomme an kau them djiwenn. Lengre deblen denn gar an-gole! Ma denn tumen sowel pash lende! Ma anenn lenge viechen un wawar koowa! Ma witsrenn tumen tele glan lende!

1. Johanni 5:21

Doleske, mire tchawe, denn jak, te mangenn o tchatcho Debles kokres an un kek wawares!