5. Mose 6:11 - O Debleskro Drom 2021 (Sinte)

¹¹ ninna khera pherdo latcho koowa, hoi tu gar khetne lal, un wi-dine brunne, hoi tu gar dran o bar win dal, ninna drakengre ruka un djeteskre ruka, hoi tu gar an i phub tchiwal. Un palle, te chah kolestar lauter un weh tchalo,

O Debleskro Lab 2024 (Sinte-Manouche)

¹¹ ninna khera pherdo lačo koova, hoy tou gar khetne lal, oun vi-dine brounne, hoy tou gar dran o bar vin dal, ninna drakengre rouka oun djeteskre rouka, hoy tou gar an i phoub čival. Oun palle, te rhah kolestar lauter oun veh čalo,

5. Mose 6:11 ပူးပေါင်းရင်းမြစ်များ

Nehemia 9:25

Jon lan sorele forja dren, un i latcho them, khera, hoi pherdo latcho koowa his, pani, hoi dran wi-dine bare barra was, drakengre ruka, djeteskre ruka, un bud wawar ruka, hoi latcho chapen hidjran. Un jon chan un wan tchalo un thullo. Un jon mukan les penge latches te djal. Jaake baro his tiro latchepen ap lende.

Debleskri gili 105:44

Job das len o them wawar menshendar, un halauter, hoi kolen his, das lo lende, te well kowa lengro.

5. Mose 11:15

Un me mukau o senlepen ap tiri phub pre te djal tire viechenge. Tumen hi hako tsiro doha te chal.

5. Mose 14:29

Palle nai wenn i Levitarja, kolen kek phub hi, kai an tiro foro djiwenn, ninna i wi-themarja, i tchawe, kolen kek dad buder hi, un i djuwja, kolengro rom meras, un jon te chan un wenn tchales. Te krenn tumer jaake, tchiwell tumaro baro Dewel peskri bacht ap halauter, hoi krenna.

5. Mose 19:1

Ap ko tsiro, kai tradas tumaro baro Dewel kol wawar menshen win dran ko them, hoi lo tumende dell, un tumer lan ko them dren, un djiwenn an lengre forja un an lengre khera, palle hunte rodenn tumenge triin forja win, kai nai djan kolla dren, kai naashepangre hi.

5. Mose 32:15

O Jeshurun djiwas i shukar djipen, his tchalo un brawelo. Har was lo pesso, phurdas lo pes pre. Un mukas o Debles, kai les kras, un witsras les ap i rig. Leskro sorelo rikepaskro his leske tchi moldo.

Josua 24:13

Un me dom tumen i them, koleske tumer tumen gar tele maran, un forja, hoi tumer gar pre tchiwan. Kanna djiwenn tumer an kal forja un chan kol drake fun i drakengre ruka un djeteskre ruka, hoi tumer gar an i phub tchiwan.”

Čačepangre 3:7

Un i Israelitarja kran, hoi tchilatches his glan i jaka o baro Deblestar, un bistran, kai o baro Dewel pengro Dewel hi. Un jon mangan o debles Baal un i debletsa Ashera an.