5. Mose 6:1 - O Debleskro Drom 2021 (Sinte)

¹ Un kawa hi o lab, lauter, hoi tumaro baro Dewel tumendar kamella, un leskre tchatchepaskre laba, hoi lo mande das, te penap len tumenge, te nai djiwenn pal lende an o them, an kowa tumer kanna djan, te lenn les tumenge dren,

O Debleskro Lab 2024 (Sinte-Manouche)

¹ Oun kava hi o lab, lauter, hoy t'maro baro Devel t'mendar kamella, oun leskre čačepaskre laba, hoy lo mande das, te penap len t'menge, te nay djivenn pal lende an o them, an kova t'mer kanna djan, te lenn les t'menge dren,

5. Mose 6:1 ပူးပေါင်းရင်းမြစ်များ

2. Mose 21:1

Kolla hi i laba, hoi lenge peness. Ap kolende hunte rikrenn le pen.

2. Mose 23:13

Denn jak un rikrenn ap lauter, hoi me tumenge penom! Ma mangenn wawar deblen an! Lengre laba hunte wenn gar dran tumare muja win!

Ezekiel 20:19

Me, o baro Dewel, hom tumaro Dewel. Rikrenn tumen ap mire laba, hoi tumenge sikrenn, hoi tumendar kamau! Djiwenn pal mire tchatchepaskre laba!

Ezekiel 37:24

Un jek dran i familja o Davidestar, kai hi har o David miro budepaskro, well lengro baro rai. Job well i bakrengro kolenge halauterenge, un dell jak ap lende. Un jon djiwenn pal mire tchatchepaskre laba un krenn, hoi lendar kamau.

3. Mose 27:34

Kawa hi kol laba, hoi penas o baro Dewel o Moseske, har his lo ap i berga Sinai, te rikrenn pen i Israelitarja ap lende.

4. Mose 36:13

Kalla hi kol tchatchepaskre laba, kai o baro Dewel o Moseske penas, te rikrenn pen i Israelitarja ap lende. Job penas len lenge an o telstuno them Moab pash o pani Jordan, wergel o foro Jericho.

5. Mose 12:1

Kanna penau tumenge, hoi o Dewel tumendar kamella un leskre tchatchepaskre laba, hoi hunte rikrenn an ko them, hoi dell tumen o baro Dewel, kai ninna o Dewel tumare phurendar his, te lenn les tumenge dren. Denn jak ap kal laba, un rikrenn tumen ap lende jaake rah har djiwenn.

5. Mose 3:18

An ko tsiro penom i murshenge dran kol familja Ruben, Gad un Manasse: “Tumaro baro Dewel das tumen kawa them, te lenn les tumenge dren. Kanna lenn tumaro kurepaskro koowa un djan tumare phralenge, kol wawar Israelenge glan win.

5. Mose 33:3

O baro Dewel kamell peskre menshen o djijestar. Job rikrell peskro wast pral halauterende, kai leske hi. Jon beshenn pen pash leskre pire, un shunenn ap leskre laba.

5. Mose 4:1

Kanna shun, Israel, hoi tumaro baro Dewel tumendar kamell. Denn jak ap leskre tchatchepaskre laba, hoi me tumen sikrau. Rikrenn tumen ap kowa, te atchenn djido, un te wenn dren an ko them, te nai lenn les tumenge dren, ko them, ap koleste tumaro baro Dewel tumare phurenge pes sowel das, te dell lo les lende.

5. Mose 4:14

An ko tsiro penas o baro Dewel mange, te sikrap tumen, hoi lo tumendar kamell un leskre tchatchepaskre laba, te djiwenn pal lende an ko them, an kowa tumer dren djan, te lenn les tumenge dren.

5. Mose 4:45

Har le dran o them Egiptia win djan, penas lo lenge kol tsele laba, hoi lende sikran, har te djiwenn le, un hoi o Dewel lendar kamella, un leskre tsele tchatchepaskre laba.

5. Mose 4:5

Dikenn, me sikrom tumende, hoi o baro Dewel tumendar kamella, leskre tsele tchatchepaskre laba, jaake har miro baro Dewel mange penas, te krenn tumer an o them, an kowa tumer wenna un les tumenge dren lenna.

5. Mose 5:31

Tu, atch kai pash mande! Un me penau tuke o tselo lab, halauter hoi tumendar kamau, un mire tsele tchatchepaskre laba. Kolla lauter peness lenge, te djiwenn le pal lende an ko them, hoi me dau lende, te lenn le les lenge dren.”

5. Mose 5:33

Djan jaake ap leskro drom, har job tumenge sikras! Palle atchenn djido, un djal tumenge mishto. Un tumer nai djiwenna i rah tsiro an ko them, hoi tumer dren lenn, te well lo tumaro.

5. Mose 6:2

jaake te rikrenn tumaro baro Debles glan i jaka tumaro tselo djipen, un denn jak ap halauter, hoi lo tumendar kamella, ap leskre tsele laba, hoi me tumenge penau, te rikrenn tumen ap lende, tumer un tumare tchawe un tchawengre tchawe. Jaake djiwenn tumer i rah tsiro an tumaro them.