5. Mose 5:5 - O Debleskro Drom 2021 (Sinte)

⁵ Un me homs mashkral tumende un o baro Debleste tardo an ko tsiro, te penap tumenge, hoi lo penas. Tumer daran i jagatar un djan gar ap i berga pre. Un o baro Dewel penas:

O Debleskro Lab 2024 (Sinte-Manouche)

⁵ Oun me homs mashkral t'mende oun o baro Debleste tardo an ko tsiro, te penap t'menge, hoy lo penas. T'mer daran i yagatar oun djan gar ap i berga pre. Oun o baro Devel penas:

5. Mose 5:5 ပူးပေါင်းရင်းမြစ်များ

1. Mose 18:22

Un kol dui mursha rissran pen trujel un djan an o foro Sodom. O baro Dewel atchas glan o Abrahameste tardo.

2. Rajengro liil 18:4

O Hiskija kras kol mulne platse paash, kai le i mule deblen an-mangan. Job mukas kol bare barra an kotja te phagell, hoi le lenge pre-tchiwan, un mukas koi kashteni debletsa Ashera trujel te dell. Un job das ko sasterno sap paash, hoi mukas o Mose te krell. Glan ko tsiro, kai o Hiskija kowa kras, chatchran i Israelitarja sungepaskro koowa glan ko sap, un dan leste ko lab Nehushtan.

Debleskri gili 106:23

Doleske kamas lo len mulo te dell, te wals kote gar o Mose, koles job peske wi-rodas. Kowa stas pre, te rikrell lo o Debles leskri choljatar tele, jaake te dell lo len gar mulo.

2. Mose 19:16

Ap o triinto diwes taissarlake das o bolepen bari gole, un jag das tele karje, un i pessi wolka his pral i tseli berga, un i phurdepaskri das bari gole. Un i tsele Israelitarja lan i bari traash, te trissan lengre kokale.

2. Mose 19:21

O baro Dewel penas ap o Mose: “Dja tele un pen lenge, te wenn le gar dureder pre, te dikenn le man. Te wenn le pre, hunte merenn bud lendar.

2. Mose 19:25

Jaake djas o Mose pale tele un penas i menshenge, hoi o baro Dewel penas.

Jeremia 30:21

Un lengro rai well dran lende. Awa, lengro pralstuno hi jek lendar. Me mukau les glan mande te well. Kek nai well glan mande un atchell djido, te mukau les gar. Kowa penell o baro Dewel.

Galatarja 3:19

Hoske hi o Moseskre laba koi? O Dewel das len mende, te dikas mer, har baro maro tchilatchepen hi. O Moseskre laba atchan tardo jaake rah, bis te was o Abrahameskro tchawo, ko jek, konestar o Dewel penas, te well job. I bolepangre anan kol laba o Moseske. Kowa his tardo mank i menshende un o Debleste. Un o Mose das kol laba i menshende.

5. Mose 5:27

Dja tu koi, un shun halauter, hoi maro baro Dewel penell, un pen kowa menge. Halauter, hoi maro baro Dewel tuke penell, kamah te shunell un les krell.”

Hebrearja 9:24

Kowa hi o Jesus Kristo. Job djas gar an o Debleskro kheer, hoi i menshe kran, un hoi sikrell mende kokres i tikno kotar ko tchatcho Debleskro kherestar an o bolepen. Na-a, job djas an o bolepen glan o Debleste, te mangell lo les menge.