5. Mose 5:33 - O Debleskro Drom 2021 (Sinte)

³³ Djan jaake ap leskro drom, har job tumenge sikras! Palle atchenn djido, un djal tumenge mishto. Un tumer nai djiwenna i rah tsiro an ko them, hoi tumer dren lenn, te well lo tumaro.

O Debleskro Lab 2024 (Sinte-Manouche)

³³ Djan yaake ap leskro drom, har yob t'menge sikras! Palle ačenn djido, oun djal t'menge mishto. Oun t'mer nay djivenna i rah tsiro an ko them, hoy t'mer dren lenn, te vell lo t'maro.

5. Mose 5:33 ပူးပေါင်းရင်းမြစ်များ

1. Rajengro liil 3:14

Un te djah tu an mire dromma, jaake har tiro dad, o David, un rikreh mire laba un kreh, hoi tutar kamau, palle kamau me tuke i lengsto djipen te dell.”

2. Rajengro liil 17:37

Un krenn, hoi me, o baro Dewel tumendar kamau, djiwenn pal miro tchatchepen, djan miro drom, un rikrenn tumen ap mire laba, hoi mukom tumende an i liil te tchinell. Kowa krenn hako tsiro, un ma mangenn wawar deblen an!

1. Familjakro liil 28:8

Kanna penau tumenge glan i jaka i tsele Israelendar – jon hi o baro Debleskro kheer – un glan i kanda maro Deblestar: Rikrenn tumen ap i tsele laba tumaro baro Deblestar, un djiwenn koi pal! Palle nai atchenn tumer an kau latcho them, un nai denn les dureder ap tumare tchawende, kai pal tumende wenna, hake tsirenge.

Debleskri gili 119:6

Te dau jak ap tire laba, krau tchi te hunte ladjap man.

Debleskri gili 37:11

I tchorwele lenn ko them. Kote hi len budeder bacht har doha.

Debleskri gili 37:22

Kol menshe, ap kolende o baro Dewel peskri bacht tchiwas, lenn ko them. Kolla, ap kolende o baro Dewel i bibacht tchiwas, kolendar atchell kek.

Debleskri gili 37:29

Kolla, kai an o tchatchepen tardo hi, lenn o them, un djiwenn kote hako tsireske.

Debleskri gili 37:34

Dik ap o baro Debleste, te well lo ap tiri rig! Un atch ap leskro drom! Palle hadell lo tut un dell tut ko them. Un tu dikeh, har wenn i tchilatche maredo.

Debleskri gili 37:9

I tsiro wella, kai hi buder kek tchilatche ap kai phub. Kolla, kai ap o baro Debleste dikenna, te well leskro tsiro, kolenge hi palle o them.

2. Mose 20:12

Dik ap tiro dadeste un ap tiri date, te djal lenge mishto. Jaake djiweh i rah djipen an ko them, hoi tut tiro baro Dewel della.

Gosewe laba 3:1

Miro tchawo, ma biste kowa, hoi tuke sikrom, rike mire laba an tiro dji!

Jeremia 42:6

Te penell lo menge, hoi te kras, palle kamah te shunell ap leskre laba, – te hi le latches un te hi tchilatches menge, mer kamah te shunell ap maro baro Debleste, pash koleste bitchrah mer tut. Palle djal menge mishto.

Jeremia 7:23

Me penom lenge: Shunenn ap miro lab, palle kamau me tumaro Dewel te well, un tumer han mire menshe. Djan ap ko drom, kai me tumenge penom, palle djal tumenge mishto.

Ezekiel 20:19

Me, o baro Dewel, hom tumaro Dewel. Rikrenn tumen ap mire laba, hoi tumenge sikrenn, hoi tumendar kamau! Djiwenn pal mire tchatchepaskre laba!

Louka 1:6

O Zachari un i Elisabet his latcho an o Debleskre jaka. Un jon shunan ap o Debleste, un kran lauter, hoi an o Debleskro lab tchinlo his.

Remarja 2:7

Kolen, kai mukan gar tele, te krenn le o latchepen, dell lo o djipen, hoi gar pre-herella. Jon hi kolla, kai tchiwan pengro dji koi pre, te dikell o Dewel kamles ap lende, un te lell lo len pash peste an leskro railepen, kai dell lo len o djipen, hoi gar pre-herella.

5. Mose 10:12

Un kanna Israel, shun, hoi tiro baro Dewel kamell, te kress! Tu mangess les an, djas ap leskro drom an halauter hoi tu kreh. Tu kamess les o tselo djijestar, un wess leske koi tiri tseli sorjah.

5. Mose 11:9

Un tumer djiwenn i rah tsiro an ko latcho un brawelo them, hoi o baro Dewel pes glan tumare phurende sowel das, te dell lo les lende un lengre tchawende pal lende.

5. Mose 12:25

Te krenn jaake, hi kowa mishto glan o baro Debleskre jaka, un tumenge un tumare tchawenge pal tumende djal mishto.

5. Mose 12:28

Denn jak, te rikrenn mishto lauter dren, hoi penom tumenge. Te djiwenn jaake, hi kowa mishto un latcho glan tumaro baro Debleskre jaka. Un tumenge un tumare tchawenge pal tumende djal mishto hako tsireske.

5. Mose 22:7

I tchawen nai leh, te kameh. I dat mukess te djal, te djal tuke mishto un te djiwess i rah djipen.

5. Mose 29:8

Doleske denn jak ap kal laba, hoi tumaro Dewel tumentsa win krell. Djiwenn pal lende, te djal tumenge halauter mishto, hoi tumer krenna.

5. Mose 30:16

Te krenn tumer, hoi me tumenge kau diwes penom, un kamenn tumaro baro Debles un djan ap leskre dromma, un djiwenn pal leskre laba un krenn, hoi job tumendar kamell un rikrenn tumen ap leskre tchatchepaskre laba, palle atchenn tumer djido. Un tumendar wenn bud menshe. Un tumaro baro Dewel tchiwell peskri bacht ap tumende an o them, kai dren djan, te lenn les tumenge dren.

5. Mose 4:1

Kanna shun, Israel, hoi tumaro baro Dewel tumendar kamell. Denn jak ap leskre tchatchepaskre laba, hoi me tumen sikrau. Rikrenn tumen ap kowa, te atchenn djido, un te wenn dren an ko them, te nai lenn les tumenge dren, ko them, ap koleste tumaro baro Dewel tumare phurenge pes sowel das, te dell lo les lende.

5. Mose 4:40

Denn jak ap kowa, hoi job tumendar kamella, un djiwenn pal leskre laba, hoi tumenge kau diwes penau. Palle djal mishto tumenge un tumare tchawenge pal tumende, un tumer djiwenn i rah tsiro an kau them, hoi tumaro baro Dewel tumenge della, te atchell les tumenge hako tsireske.

5. Mose 5:16

Dik ap tiro dadeste un ap tiri date, te djal lenge mishto. Jaake djiweh i rah djipen an ko them, hoi tut tiro baro Dewel della.

5. Mose 5:29

Har kamoms, te atchans lengre djia hako tsiro jaake, te rikrenn le man glan pengre jaka, un te denn le jak ap mire tsele laba! Palle djals lenge un lengre tchawenge mishto o tselo tsireske.

5. Mose 6:1

Un kawa hi o lab, lauter, hoi tumaro baro Dewel tumendar kamella, un leskre tchatchepaskre laba, hoi lo mande das, te penap len tumenge, te nai djiwenn pal lende an o them, an kowa tumer kanna djan, te lenn les tumenge dren,

5. Mose 6:3

Jaake shun kanna, Israel, un de jak te kress kowa halauter, te djal tuke mishto. Un tumer wenn i bari natsjona an ko them, kai hi bud thud un gwin, jaake har o baro Dewel, o Dewel tumare phurendar, kowa tumenge penas.

5. Mose 8:1

Rikrenn kol tsele laba, hoi tumenge kau diwes penau. Djiwenn pal lende! Jaake atchenn djido un wenn bud menshe, un nai lenn ko them tumenge dren, kolestar o baro Dewel glan tumare phurende pes sowel das, te dell lo les lende.

1. Timoteo 4:8

Te dikeh ap kowa, te wenn tire mussja un herja soreles, hi kowa gar bud moldo. Te dikeh ap kowa, te well tiro patsepen soreles, hi kowa bud moldo, un tu leh o tchatcho djipen. Ko djipen dell tut o Dewel kanna ap kai phub un an ko tsiro, hoi wella.